Matiyu 10:12 - Hanunuu

¹² Sa kanyu pagsaka sa tunda pag balay, papaladan niyu ti manga mag-uli siyun.

Matiyu 10:12 Iomraidhean Croise

Kanta 122:7

Mana ngani may kahusayan ag mayad ti kahamtangan sa sulud Hirusalim ag sa mabisug pag manga bahagi siyun.”

Kanta 122:8

Hampay sa ikamayad niku manga katawuhan ag manga kakilala, magkumun aku, “Mana ngani pag mayad lang ti kahamtangan Hirusalim.”

Isikil 2:5

Mamatingi ag sa unman inda pag manga maglaban, maalaman nida may purupita maaw asan sa kanda.

Matiyu 10:11

“Una naan pag banwa hanggan baryu kamu pag umaput, pagligaw kamu kanyu mayad pag ras-ugan pag tawu. Siti kamu pag mangulian pag balay hanggan sa udwaya kamu umighit siyun ginan pag rugar.

Matiyu 10:13

Nu ungud pagtanggapun nida kamu, papaladan niyu sida. Dapat nu unman, danga niyu pag papaladi.

Binwat 10:36

Inda yi ngani ti barita kay ipinaalam Diyus kaybi sa nasyun Israil, ti Mayad pag Barita tungkul sa kahusayan sa panab-anan ni Hisu-Kiristu, tig hari sa tanan.

2 Kurintu 5:20

Nakan ngani kami kay manga sinugu ni Kiristu. Bilang ti Diyus diman gid tigpaanyu sa kanyu ginan diman sa kanmi magkun, “Sa ngaran ni Kiristu kanmi pagpaanyuan kamu pagmipausa kamu sa Diyus.”

3 Huwan 1:14

Magkaibug gid mana aku umasan balaw yi dugay, hampay magharampangan kita aratubangan.