Matiyu 10:1 - Hanunuu

¹ Tinawag ni Hisus kay sampulu may duwa ka tuludluan, pinakan-an niya sida karampatan hampay pumalwas manga labang ag hampay pumaayad sa manga tawu una hintay pag sakit kanda mag-adnugan sa kanda ginhawa.

Matiyu 10:1 Iomraidhean Croise

Matiyu 19:28

Sinabi ni Hisus sa kanda magkun, “Ungud duy kang pagsabihun sa kanyu, nu aku, ti Anak Tawu, tumukaw yi aban sa karampatan maghari sa bag-u pag daga, kamu pag sampulu may duwa ti nagkuyug sa kangku, makatukaw diman waydi sa karampatan hampay makapihu sa sampulu may duwa ka linahi Israil nu daut nu mayad.

Matiyu 26:20

Ati katpung pag yabi nagpakarani si Hisus sa lamak kaibahan niya ti sampulu may duwa ka tuludluan.

Matiyu 26:47

Magbagaw di waya si Hisus, nagras-ug yi si Hudas, usa sa sampulu may duwa. May kaibahan siya mayamu tawu may dara manga baladaw, manga pamakul. Sinugu sida manga pangulu manughandug hanggan manga paggurangunun manga Hudiyu.

Matiyu 4:23

Pinalibut ni Hisus ti buu daga Galiliya, magtudlu siya sa manga simbahan manga Hudiyu. Magtultul siya Mayad pag Barita tungkul sa kay maghari Diyus. Magpaayad siya una hintay pag sakit manga tawu kanda mag-adnugan sa kanda ginhawa.

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Matiyu 9:35

Pinalibut ni Hisus ti manga banwa hanggan ti manga baryu, magtudlu siya sa manga simbahan manga Hudiyu. Magtultul siya Mayad pag Barita tungkul sa kay maghari Diyus. Magpaayad siya una hintay pag sakit manga tawu kanda mag-adnugan sa kanda ginhawa.

Matiyu 9:38

Nakan idarangin niyu sa Panginuun, siya ti may puun aranyun, hampay suguun niya ti manga manug-ani sa kay aranyun.”

Lukas 10:19

Malu, inintirga yi niku kang kamaskihan sa kanyu hampay tat-an niyu ti manga ulay hanggan alutatip, hampay manalu kamu sa tanan kamaskihan ni Satanas ag unman may makadisgarasya sa kanyu.

Lukas 21:15

Dahil pakan-an niku kamu bagaw pananagut hanggan kadunungan hampay udyi makalaban udyi waydi tumanggi kanyu tanan manga kalaban.

Lukas 24:49

Dapat ay ipakaun dapu niku sa kanyu ti itinaratu niku Ama. Pag-alagad waya kamu sitay sa banwa Hirusalim hanggan sa udwaya kamu maras-ugan kapangyarihan ginan sa langit.”

Lukas 6:13

Pagka surip yi, bin-ul niya kay manga tuludluan, nagpili siya sampulu may duwa, iningarnan niya manga apustul.

Huwan 17:2

Dahil ipinasirung nimu ti tanan-tanan sa kapangyarihan Anak hampay pakan-an niya tutuu pag buhi unman may katapusan ti tanan tawu kanmu iinintirga sa kanya.

Huwan 3:27

Sinabi ni Huwan sa kanda magkun, “Dayu mangyari ti katida sa tawu, purya lang nu Diyus ti may buwat sa kanya.

Huwan 3:35

Ti Anak pagmahalun niya Ama nakan ipinasakup Ama ti tanan-tanan pag manga bagay sa kapangyarihan niya Anak.

Huwan 6:70

Sinabi ni Hisus magkun, “Kamu yi ngani ungud sampulu may duwa ka tuludluan kang pinili. Dapat ti usa sa kanyu takinan ngap manga labang.”

Binwat 1:8

Dapat makatanggap kamu kapangyarihan nu lubus kamu suldan Ispiritu Banal. Bag-u kamu yi gid ti manga manugpadakit magtudlu tungkul sa kangku sa Hirusalim una sa bilug Hudiya hanggan sa Samarya, hanggan waya sa katugkaan daga.”

Binwat 19:15

Dapat sinagut sida labang magkun, “Alam niku si Hisus, nakadnug yi waydi aku tungkul sa kan Pablu, dapat si unu lugud kamu?”

Ipinakakit 12:1

Bag-u may nakitan maan aku usa ka makadululaw pag tanda sa langit, ti usa ka babayi kay pinagkalambung init, matindugan sa bulan. Sampulu may duwa ka pamgasan ti pinagkasangbaw sa kay ulu.