Matiyu 1:21 - Hanunuu

²¹ Siya manganak anak lalaki aban. Kay ngaran kanmu ipaingaran si Hisus. Dahil iribri niya kay nasyun sa kanda manga kasalanan.”

Matiyu 1:21 Iomraidhean Croise

Gimpuunan 17:19

Nagsagut ti Diyus, “Kay tutuu indaay di, kanmu asawa si Sara manganak lalaki ag paingarnan nimu siya Isaak. Sa kanya niku pag iparargu kang kasunduan sa kanmu, ag pumarargu inda pag kasunduan sa manga linahi niya hanggan aban.

Gimpuunan 17:21

Dapat kang kasunduan sa kanmu sa kan Isaak lang niku pag tupadun hanggan sa kay manga linahi. Ianak ni Sara si Isaak sa ga kainda diman pag udas sa sunud timpu.”

Gimpuunan 18:10

Ti usa ka bisita nagkumun, “Pihu gid bumalik aku sitaay sa sunud pag timpu sa ga kainda diman pag udas, ag kanmu asawa si Sara may anak yi lalaki.” Magpatingi maaw si Sara sa may sabian turda sa may magkaday-an lang ni Abraham.

Hirimyas 23:6

Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Hirimyas 33:16

Ag tida diman pag udas maribri ti manga taga Huda, ag mangabuhi yi may kahusayan ti manga taga Hirusalim. Ti Hirusalim ingarnan, ‘Ti Panginuun Kanta Katadlungan.’ ”

Danyil 9:24

“Itinagka yi Diyus ti 490 ka timpu sa banal pag banwa hanggan sa kanmu kasimanwa hampay umapas kanda paglaban ag pagbuwat daut sa Diyus, para malukat sida sa kanda manga kasalanan, hampay maiparargu Diyus ti katadlungan tugka aban, hampay matupad ti pangakakitun hanggan ti hula, ag hampay maitalaga maan ti Balay Diyus.

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Matiyu 1:25

Unman mag-ululidan sida ni Husi ni Marya hanggan sa udwaya nianak kay anak lalaki. Ag iningarnan ni Husi ti anak kay ngaran si Hisus.

Lukas 1:13

Dapat sinabi anghil sa kanya, “Sakaryas, danga magkadala duy, dahil nadnugan Diyus kanmu darangin. Kanmu asawa si Ilisabit aban manganak gid duy anak lalaki, ag siya kanmu paingarnan Huwan.”

Lukas 1:31

Malu, pagpatingi duy kawu, mamuduy kawu aban manganak lalaki, siya ingarnan nimu si Hisus.

Lukas 2:11

Dahil inanak yi taynguna sa Banwa ni Dabid ti Manugribri niyu, imaw ti Kiristu, ti Pinili Diyus Manugribri pag Hari, ti Panginuun.

Lukas 2:21

Pagka nakalawuy usa ka duminggu tinuri yi nida ti anak, iningarnan nida si Hisus, imaw diman pag ngaran ti ipinaalam anghil sa kan Marya kay udwaya magbuduy.

Huwan 1:29

Pagka surip, nakitan ni Huwan si Hisus magpakarani sa kanya. Sinabi ni Huwan magkun, “Tunda yi ti Anak Karanidu kay ihinanda Diyus hampay mapatawad ti kasalanan kalibutan.

Huwan 4:42

Sinabi nida sa babayi magkun, “Magsarig kami taynguna sa kan Hisus balaw dahil sa kanmu sinabi sa kanmi. Taynguna kami magsarig dahil sa kanmi nadnugan sa kanya. Nakilala yi waydi nimi siya yi ngani ti Manugribri sa manga tawu sa kalibutan.”

Binwat 13:23

Ginan sa kay manga linahi ni Dabid, pinili Diyus si Hisus hampay siya ti Manugribri nasyun Israil angay sa kay itinaratu Diyus kaybi di waya.

Binwat 3:26

Nakan pinili Diyus kay Suruguun si Hisus bag-u un-an sinugu siya tabug ngap sa kanyu hampay papaladan kamu ag hampay awatan kamu pumatlikud sa kanyu daut ugali.”

Binwat 4:12

“Udyi may iba hanapan karibrihan nu unman si Hisus lang. Dahil unman may iba ngaran sa sirung langit ipinakaun sa manga tawu hampay magribri sa kanta.”

Binwat 5:31

Pinakan-an si Hisus kadayawan, ipinatukaw siya Diyus sa kay sikun baliwa minsan sa kay karampatan maghari. Nakan si Hisus yi ngani ti Takinan hanggan Manugribri hampay pakan-an rugar ti nasyun Israil makaampu sa kanda manga kasalanan ag makahagad kapatawadan sa Diyus, agud sida patawadun.

Titu 2:14

Ipinakaun niya kay sadili hampay lukatun niya kita sa tanan nita kasalanan, agud kita kay yi nasakupan, malumpiyu ag magkaibug magbuwat mayad.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

1 Huwan 1:7

Dapat nu kita maglakaw sa marayaw ga kanya waydi sa marayaw, magpakiusa gid kita sa usa kag sa usa, ag kay dugu ni Hisus kay Anak Diyus ti maglumpiyu sa tanan nita manga kasalanan.

1 Huwan 3:5

Alam niyu nakan si Kiristu nagsitay hampay bul-un niya kanta manga kasalanan. Siya bay unman may kasalanan.

Ipinakakit 7:14

Kang sagut magkun, “Tau duy, kawu ngap ti katanda.” Sinabi niya sa kangku magkun, “Sida ti nakalapus sa mahigpit pag unu-unu, linumpiyu nida kanda rutay linagti sa dugu Anak Karanidu.

Talaghusay 13:3

Usa ka sirang, nagpakakit ti anghil Panginuun sa kay asawa ni Manwa ag magkun, “Tugka kainda unman waya kawu may anak. Dapat balaw dumugay mamuduy kawu ag manganak lalaki.

1 Samwil 1:20

Rinmas-ug ti panahun namuduy si Hana, nanganak usa ka lalaki. Iningarnan niya inda Samwil, dahil magkun siya, “Hinagad niku siya sa Panginuun.”