Matiyu 1:20 - Hanunuu

²⁰ Dapat pagka kay pag-isip-isipun waya tunda, ti usa ka anghil Panginuun nagpakakit sa kanya sa kay tagin-up. Magkun ti anghil, “Husi, kawu linahi ni Dabid, danga kawu magkadala mag-asawa sa kan Marya, dahil kay buduy ginan sa Ispiritu Banal.

Matiyu 1:20 Iomraidhean Croise

Gimpuunan 31:11

Sa kang tagin-up tinawag aku anghil Diyus. Magkun siya, ‘Hakub!’ Sinmagut aku sa kanya,

Gimpuunan 46:3

Pagkatapus, magkun siya, “Aku ti Diyus nimu ama. Danga kawu magkadala mag-atag sa Ihiptu, dahil buwatun niku kamu usa ka bantug pag nasyun ati.

1 Hari 17:13

Magkun si Ilyas sa kanya, “Danga kawu magkaarimputu. Pag-uli kawu ag buwata ti pagsabihun nimu. Dapat tamai dapu nimu aku diit pag tinapay ginan sa nasawad arina, ag daran-a nimu rargu inda sa kangku. Bag-u pagtama diman kawu para sa kanmu ag sa anak nimu.

1 Hari 3:5

Igu yabi, napakakit sa kanya ti Panginuun sa panab-anan tagin-up. Magkun ti Diyus sa kanya, “Paghagad kawu una hintay kanmu gustu ipakaun niku sa kanmu.”

Kanta 119:125

Manugsirbi nimu aku, nakan ayawi aku nimu pan-intindi hampay maintindihan niku kanmu manga pag-itudlu.

Kanta 143:8

Kada surip, ipaalaala sa kangku kanmu pagmahal, sa kanmu aku magsarig. Pakakitan sa kangku ti tama pag dalan kang lakawan, dahil sa kanmu aku pag magdarangin.

Kanta 94:19

Pagka nataranta aku, pinabisug ag pinasulung nimu aku.

Kabagawan 12:5

Hustu ti pag-isipun tawu matadlung, dapat ti patigayun daut pag tawu pandaraya.

Isayas 26:3

Panginuun, pakan-i nimu lubus pag kahusayan ti tawu kawu pirmi ti pag-isipun dahil magsarig siya sa kanmu.

Isayas 30:21

ag masaydan kay busis magtudlu sa kanyu, “Inda ti hustu pag dalan, paglakaw kamu sitay.”

Isayas 51:7

Pagpatingi kamu sa kangku, kamu ti manga may alam nu hintay ti kang-ud ag magsunud sa kang kasuguan! Danga kamu magkadala sa manga magpakay-a ag magpuya pag manga tawu sa kanyu.

Isayas 7:13

Magkun si Isayas: Pagpatingi kamu manga linahi ni Dabid. Udwaya aw lugud kang-ud kanyu mag-alukayu sa manga tawu? Taynguna, kang Diyus aw maan ti kanyu pag-alukayuhun?

Isayas 7:2

Pagka nabaritaan hari Huda kuntay magkarampihan ti Aram ag ti Israil, tinakigan siya sa dala hanggan kay manga nasakupan. Tinakigan sida ga puun kayu paghaluun durus.

Hirimyas 31:22

Kapira waya kamu pag bumalik sa kangku, manga anak niku magtalang? Mamuwat aku bag-u pag manga bagay sa kalibutan, babayi yi ti manginapin sa lalaki.”

Hirimyas 33:26

pumirmaminti diman ti kasunduan niku sa manga linahi ni Hakub ag sa kan Dabid sa kang manugsirbi. Pumili aku ginan sa linahi ni Dabid humari sa manga linahi nida ni Abraham, Isaak ag Hakub. Kaawaan gid niku sida ag pabalikun sa kanda sadili daga ginan sa pagkabihag.”

Hirimyas 40:9

Nanumpa sa kanda si Gidalyas kuntay balaw sida mipadamhak nu pumasakup sida sa manga taga Babilunya. Magkun siya sa kanda, “Mangulian kamu sitay pag daga inda ag mansirbi kamu sa hari Babilunya, mumayad kamu.

Huwil 2:28

“Bag-u ipakaun niku kang Ispiritu sa tanan tawu. Kanyu manga anak lalaki hanggan babayi manpadakit kang manga bagaw. Kanyu manga gurangun lalaki managin-up, ag kanyu manga kan-akan makakit manga pangakakitun.

Bilang 12:6

magkun ti Panginuun, “Pagpatingi kamu! Nu may purupita aku asan sa kanyu, maghampang aku sa kanya sa panab-anan pangakakitun hanggan tagin-up.

Matiyu 1:18

Kaindaay kay kapanganakan ni Hisu-Kiristu: Si Marya kay ina ipaasawa yi sa kan Husi. Dapat udwaya sida mag-aramtan naalaman ni Marya magbuduy yi siya sa panab-anan Ispiritu Banal.

Matiyu 2:12

Sinabihan sida Diyus sa tagin-up, danga mag-ati lakaw sa kan Hirudis. Nakan sa kanda nuli sa kanda ulian lakaw yi sa usa ka dalan.

Matiyu 2:13

Pagka ginminan yi tunda pag manga madunung pag tawu, ti usa ka anghil Panginuun napakakit sa kan Husi sa kay tagin-up magsabi, “Pagbangun kawu, daran-a yi ti anak hanggan kay ina, pagpalagiw yi kamu tag sa Ihiptu. Pag-ati dapu kamu hanggan sa ud sumabi maan aku sa kanmu, dahil hanapun ni Hirudis ti anak hampay kay matyun.”

Matiyu 2:19

Pagka namatay yi si Hirudis, ti usa ka anghil Panginuun napakakit sa kan Husi sa kay tagin-up ati sa Ihiptu.

Matiyu 2:22

Dapat ay pagka naalaman ni Husi si Arkilaw maan ti maghari sa Hudiya kay ilis niya ama ni Hirudis, nadala siya nakan balaw napatarus tag sa Hudiya. Pagka sinabihan maan siya Diyus sa kay tagin-up, nag-atag siya sa daga Galiliya.

Matiyu 27:19

Pagka si Pilatu nakatukaw sa kay tukawan biristahan, nagpasabi kay asawa atag sa kanya magkun, “Danga kawu maglabut siyun pag tawu unman may kasalanan, dahil kis-ab yabi nakurian aku sa kang tagin-up tungkul sa kanya.”

Matiyu 28:5

Magkun ti anghil sa manga babayi, “Kamu duy danga magkadala, dahil alam niku paghanapun niyu si Hisus ti ipinaku sa kurus.

Lukas 1:19

Nagsagut ti anghil, “Aku si Gabriyil manugsirbi sa atubangan Diyus. Sinugu aku hampay ipadakit sa kanmu ti mayad pag barita inda.

Lukas 2:4

Hanggan si Husi linmakaw ginan sa banwa Nasarit sa daga Galiliya atag sa kay naglusadan ni Dabid, sa banwa Bitlihim, sakup daga Hudiya. Dahil si Husi minamat ni Dabid.

Binwat 5:19

Dapat ay pagka yabi yi binukasan anghil Panginuun ti manga sabian kay ipinalwas sida ginan sa pirisuhan. Bag-u sinabi niya sa kanda magkun,

Ipinakakit 19:7

Pagbaya kita pagmasulung, dayawun nita kay kamaskihan, dahil arani yi aban ti pamasaruhan Anak Karanidu.

Talaghusay 13:3

Usa ka sirang, nagpakakit ti anghil Panginuun sa kay asawa ni Manwa ag magkun, “Tugka kainda unman waya kawu may anak. Dapat balaw dumugay mamuduy kawu ag manganak lalaki.