Matiyu 1:12 - Hanunuu

¹² Pagka binihag sida tag sa Babilunya, may anak si Hikunyas si Salatyil, kan Salatyil anak si Surubabil.

Matiyu 1:12 Iomraidhean Croise

2 Hari 24:14

Binihag niya ti 10,000 ka nasakupan Hirusalim, dara ti tanan pag takinan hanggan ti pinakamadunung pag manga sundalu, ag ti tanan anad pag manga manugtarabahu ag manga manugpanday. Ti manga pinakapugri lang ti nasawad.

2 Hari 25:27

Pagka sa ika-37 pag timpu sa kay pagkabihag ni Hari Hihuyakin taga Huda, naghari sa Babilunya si Ibil Mirudak. Pinalpasan niya si Hihuyakin pagka sa 27 pag sirang sa ika-12 ka bulan sa tunda pag timpu.

1 Krunika 3:17

Inda kay manga anak lalaki ni Hihuyakin, ti binihag pag hari sa Babilunya: si Salatyil,

Isra 3:2

Pagkalawuy ipinatindug maan ti harandugan Diyus Israil hampay masagdahan inda manga handug pagsunugun angay sa isinurat sa Kasuguan ni Muysis kay suruguun. Ti nagpatindug inda sida ni Hisuwa anak ni Husadak ag kay kaibahan pag manga manughandug, hanggan si Surubabil anak ni Salatyil ag kay manga katawuhan.

Isra 5:2

Nagpatingi sa kanda si Surubabil anak ni Salatyil ag si Hisuwa anak ni Husadak. Nakan ipinarargu nida ti pagbungsud Balay Diyus sa Hirusalim. Inawatan sida duwa ka purupita Diyus.

Nihimyas 12:1

Inda ti manga listahan manga manughandug hanggan manga Libita nakabalik ginan sa pagkabihag kaibahan ni Surubabil kay anak ni Salatyil ag ni Hisuwa ti pangulu manughandug. Ti manga manughandug sida ni Siraya, ni Hirimyas, ni Isra, ni Amaryas, ni Maluk, ni Hatus, ni Sikanyas, ni Rihum, ni Mirimut, ni Iddu, ni Ginituy, ni Abyas, ni Miyamin, ni Muadya, ni Bilga, ni Simaya, ni Huyarib, ni Hidaya, ni Salu, ni Amuk, ni Hilkiyas, ag ni Hidaya. Sida ti manga takinan nida kaparihu manga manughandug hanggan kanda manga kaibahan katpung panahun ni Hisuwa.

Hirimyas 22:24

“Aku, ti buhi pag Panginuun magsumpa kuntay dayuun niku kawu, Hari Hihuyakin sa Huda, kay anak ni Hihuyakim. Una kawu ga singsing sa kang sikun pag kamang tanda niku kamaskihan, lapsuun gid niku kawu sa kang ituturu.

Hirimyas 22:28

Hihuyakin, kawu ga gipak anglit udyi magkakinabangan. Nakan iyamut niku kamu hanggan kanmu manga anak sa nasyun balaw niyu alam.”

Hirimyas 22:30

Dahil inda ti pagsabihun niya, “Isurat nimu kuntay inda pag tawu si Hihuyakin ga unman may anak, dahil una di usa sa kay manga anak unman may tumukaw sa tukawan hari ni Dabid bilang hari sa Huda. Bag-u unman diman manalu sa kay pangabuhi niya.”

Hirimyas 27:20

Ti manga pagsabihun pag garamitun balaw dinara ni Hari Nabukudunusur sa Babilunya katpung binihag niya si Hari Hihuyakin kay anak ni Hari Hihuyakim sa Huda, kaibahan manga takinan sa Huda ag Hirusalim.

Hagay 1:1

Katpung sa un-an pag sirang sa ikan-um pag bulan, sa ikadwa pag timpu kay maghari ni Daryu sa Pirsiya, may sinabi ti Panginuun sa kanda ni Surubabil ag ni Huswi sa panab-anan ni Purupita Hagay. Si Surubabil kay anak ni Salatyil ti Gubirnadur sa Huda, ag si Huswi kay anak ni Hihusadak ti pangulu manughandug.

Hagay 1:12

Sinunud ngani nida ni Surubabil, ni Huswi, hanggan tanan Israilita nakabalik sa Israil ginan sa pagkabihag sa Babilunya ti sinabi Panginuun nida Diyus sa panab-anan ni Purupita Hagay kay suruguun. Sa panab-anan inda, ipinakakit nida kanda maggalang sa Panginuun.

Hagay 1:14

Pinabisug Panginuun ti tagipusuun nida ni Surubabil, ni Huswi, hanggan tanan nakabalik sa Israil pag manga Israilita, hampay ipatindug ti Balay Diyus, kanda Panginuun Makamaskihan.

Hagay 2:23

Sabiha diman nimu sa kan Surubabil sa kang suruguun kuntay sa tunda pag sirang, pamahalaun niku siya sa panab-anan niku kamaskihan dahil siya yi kang pinili. Aku, ti Panginuun Makamaskihan, ti may sabi inda.”

Matiyu 1:11

Kay anak ni Husyas si Hikunyas hanggan kay manga patar-ari lalaki. Ati katpung kaybi pag udas nadara bihag ti manga Israilita tag sa Babilunya.

Matiyu 1:13

Kan Surubabil anak si Abyud, kan Abyud anak si Ilyakim, kan Ilyakim anak si Asur.

Matiyu 1:17

Nakan ngani may sampulu may upat ka sinulput tawu ginan sa kan Abraham hanggan tugka sa kan Dabid. Ginan sa kan Dabid sampulu may upat maan ka sinulput tawu hanggan tugka sa pagbihag tag sa Babilunya. Ginan sa pagbihag tag sa Babilunya sampulu may upat waydi maan ka sinulput tawu tugka sa kan Kiristu.

Lukas 3:27

Si Huda anak ni Huanan. Si Huanan anak ni Risa. Si Risa anak ni Surubabil. Si Surubabil anak ni Salatyil. Si Saltiyil anak ni Niri.