Matiyu 1:11 - Hanunuu

¹¹ Kay anak ni Husyas si Hikunyas hanggan kay manga patar-ari lalaki. Ati katpung kaybi pag udas nadara bihag ti manga Israilita tag sa Babilunya.

Matiyu 1:11 Iomraidhean Croise

2 Hari 23:31

Si Hihuahas 23 timpu kay idad pagka siya pinili hari. Sa Hirusalim siya pag nangulian, ag naghari siya sa sulud tulu ka bulan. Kay ina si Hamutal kay anak ni Hirimyas taga Libna.

2 Hari 24:14

Binihag niya ti 10,000 ka nasakupan Hirusalim, dara ti tanan pag takinan hanggan ti pinakamadunung pag manga sundalu, ag ti tanan anad pag manga manugtarabahu ag manga manugpanday. Ti manga pinakapugri lang ti nasawad.

2 Hari 25:11

Binihag niya ti nasawad pag manga tawu sa banwa, hanggan ti manga tawu napakampi sa hari Babilunya.

2 Krunika 36:10

Sa pag-umpisa timpu, binihag ni Hari Nabukudunusur si Hihuyakin sa Babilunya. Pinanbuul niya ti manga mahalaga pag kasiyunan sa Balay Diyus Panginuun, ag binwat niya hari sa Huda ag Hirusalim kay bapa ni Hihuyakin si Sidikyas.

2 Krunika 36:20

Binihag ni Nabukudunusur sa Babilunya ti balaw namatay pag manga Israilita, binwat niya sida panawuhun hanggan niya manga anak tugka sa nagmakapangyarihan ti kaharian Pirsiya.

Isayas 13:1

Inda ti pagsabihun tungkul sa Babilunya, ti ipinaburayhaw Panginuun sa kan Isayas kay anak ni Amus:

Hirimyas 27:20

Ti manga pagsabihun pag garamitun balaw dinara ni Hari Nabukudunusur sa Babilunya katpung binihag niya si Hari Hihuyakin kay anak ni Hari Hihuyakim sa Huda, kaibahan manga takinan sa Huda ag Hirusalim.

Hirimyas 39:9

Sa magpanguna ni Nibusaradan takinan manga guwardiya, ipinadara sa Babilunya ti manga tawu natayak sa banwa hanggan ti manga tawu magkampi sa kan Nibusaradan.

Danyil 1:2

Binihag niya si Hari Hihuyakim angay sa kagustuhan Panginuun. Bin-ul diman niya ti iba pag manga kagamitan sa Balay Diyus ag dinara sa Babilunya. Ag ipinauli niya inda sa haramnuan gamit ati sa balay diyus-diyusan niya.

Matiyu 1:12

Pagka binihag sida tag sa Babilunya, may anak si Hikunyas si Salatyil, kan Salatyil anak si Surubabil.

Matiyu 1:17

Nakan ngani may sampulu may upat ka sinulput tawu ginan sa kan Abraham hanggan tugka sa kan Dabid. Ginan sa kan Dabid sampulu may upat maan ka sinulput tawu hanggan tugka sa pagbihag tag sa Babilunya. Ginan sa pagbihag tag sa Babilunya sampulu may upat waydi maan ka sinulput tawu tugka sa kan Kiristu.