Manugtudlu 9:6 - Hanunuu

⁶ Ti kanda pagmahal, galit ag marahirak nadura yi. Udyi sida may labut tugka aban sa tanan pag magpangyari sitay sa kalibutan.

Manugtudlu 9:6 Iomraidhean Croise

Pag-ighit 1:8

Dapat pagka dugay nagkaimaw bag-u hari ti Ihiptu, unman may alam siya tungkul sa kan Husi.

Kabagawan 10:28

Ti pagsarigan manga tawu matadlung makapakaun sa kanda kabayaan, dapat ti pagsarigan manga daut pag tawu unman magkatupad.

Manugtudlu 2:10

Bin-ul niku ti una hintay kang pagkaibgan. Binwat niku ti una hintay ti makapasulung sa kangku. Masulung gid aku sa tanan niku manga binuwat, ag imaw inda kay suhul sa tanan niku binudlayan.

Manugtudlu 3:22

Nakan naisip niku ti pinakamayad buwatun tawu imaw ti pagbaya sa kay binudlayan, dahil para diman waydi inda sa kanya. Unman may makasabi sa tawu nu unu ti mangyari nu tigbak yi siya.

Manugtudlu 6:12

Unman may nakaalam nu hintay gid ti mayad para sa tawu sa kay dag-ud ag unman may pulus pag buhi — maglawuy lang inda parihu sa aninu. Unman may makatultul sa kanya nu hintay ti mangyari sa kalibutan nu nighit yi siya siyun ginan.

Manugtudlu 9:1

Pag-isip-isipun mayad niku ti tanan bagay ag naalaman niku sa sirung Diyus ti matadlung ag ti madunung, hanggan yi kanda manga pagbuwatun. Dapat unman nida alam nu pagmahal aw ngatay galit kanda patabgan.

Isayas 38:11

Kang isip udyi makitan niku ti Panginuun sitay sa kalibutan manga buhi ngatay udyi niku makitan ti manga tawu sitay sa kalibutan.

Matiyu 2:20

Magkun ti anghil, “Pagbangun kawu, daran-a nimu ti anak hanggan kay ina, pag-uli maan kamu sa daga Israil, dahil tigbak yi ti manga magkaibug mumatay sa anak.”