Manugtudlu 9:12 - Hanunuu

¹² Balaw lang inda, nu unman niya alam nu kapira pag rumas-ug kay kaudasan. Parihu siya sa manuk nasduk ngatay sa isda nasarap; magkatakdan siya balaw mayad pag udas ag kadaka lang magras-ug sa kanya.

Manugtudlu 9:12 Iomraidhean Croise

Kanta 11:6

Pauranan niya maglabdaban baga hanggan asupri ti manga daut; bag-u matanggap nida ginan sa kanya ti mainit pag durus pumali sa kanda.

Kabagawan 24:22

dahil balaw nimu alam nu unu pag kadamhakan ti rargu buwatun Panginuun ngatay hari sa kanda.

Kabagawan 29:6

Ti daut pag tawu masduk sa kay sadili pag kasalanan, dapat ti matadlung pag tawu manganta may kabayaan.

Kabagawan 6:15

Nakan kadaka rumas-ug sa kanda ti kadamhakan, ag unman yi gid sida maawatan.

Manugtudlu 3:19

Parihu lang ti patabgan tawu ag hayup; parihu sida mamatay. Parihu lang diman sida may arup, nakan ti tawu unman may ilangbaw sa hayup. Tutuu gid waydi ti tanan unman may pulus.

Manugtudlu 8:11

Nu ti tawu nagsalan balaw rargu sinintinsiyahan, ti iba mag-isip diman bumwat kasalanan.

Manugtudlu 8:8

Nu kabitay unman maampara tawu ti durus, unman diman niya maampara kay kamatayan. Parihu inda sa girahan unman siya makapalagiw. Ag kay kadautan unman gid makaribri sa kanya sa kamatayan.

Manugtudlu 9:13

Nakitan diman niku sitay sa kalibutan ti usa ka mustara kadunungan kang pagkaibgan.

Isayas 24:18

Ti lumayas dahil sa kadalaan malagpak sa kali, ag masduk ti manga lumuwang siyun. Umuran mabaskug ag matandug kay paratukawan kalibutan.

Isayas 30:13

kadaka kamu maruris. Kanyu kasalanan parihu sa gini kadaka lang manwayak sa abwat pag alad batu.

Isikil 32:3

Taynguna, inda ti pagsabihun Panginuun Diyus sa kanmu: Sarapun niku kawu sa atubang kayamuan tawu bag-u ipaguyud.

Husyas 7:12

Sa kanda mag-atag sa tunda pag manga rugar, amparahun niku sida parihu sa manuk lambatun ag butungun tag sirung. Parusahan niku sida angay sa kang sinabi sa kanda magtiripun.

Husyas 9:8

Bilang purupita, pag-ibahan aku niku Diyus sa paggiya sa kanyu manga taga Israil. Dapat una naan tag aku gustu niyu aku ipadamhak; parihu aku sa manuk kanyu pagkaibgan sudkun. Magkagalit sa kangku ti manga tawu sa Israil, ti pagkilalan-un Diyus kay ulian.

Lukas 12:20

Dapat kay sabi Diyus sa kanya, ‘Kawu pag tawu ga ud may namuangan. Sab yabi bul-un yi niku kam buhi. Kanmu itinigana hamnu kantapu yi nguna aban tida?’ ”

Lukas 12:39

“Dapat isipun niyu inda, nu abi naalaman lang may puun balay nu kapira pag rumas-ug ti mananakaw, balaw mana pabay-anan niya ipatakaw kay butang sa balay.

2 Kurintu 6:2

Dahil kay pagsabihun magkun, “Kang dinungug kamu sa insaktu pag udas, ag inawatan niku sa sirang karibrihan. Inawatan niku kamu pagka udas karibrihan.” Pagpatingi kamu, taynguna yi ti udas hampay matanggap niyu ti kaayadan ginan sa Diyus. Malu taynguna yi ngani ti udas karibrihan.

1 Tisalunika 5:3

Nu pagkumnun manga tawu, “Kita may kahusayan unman may pagkadalaan!” tunda ngap bigla pag mangyari ti kadamhakan. Dayu gid sida umiwas dahil inda mangyari parihu sa udas nu magpanamdam ti babayi manganak.

2 Timutiyu 2:26

Nu katunda marayawan kanda naisipan hampay makakalpas sa dit-ag diyablu imaw ti nagbutung sa kanda.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

2 Pidru 2:12

Dapat ay tunda pag pudilun pag manga manugtudlu parihu sa manga hayup simarun unman may buut, nianak sida hampay dakpun ag matyun. Ti manga bagay unman magkasalman nida imaw ngap ti kanda paglapastanganun, nakan parihu sa manga simarun hayup sida ipadamhak diman.