Manugtudlu 9:11 - Hanunuu

¹¹ May nakitan waya gid aku sitay sa kalibutan: Unman tanan mabisug magpalagiw magpanalu sa lalagsan, ag balaw tanan mabisug magpanalu sa labanan. Unman tanan madunung makakit karabuhian, unman tanan madunung magyaman, ag unman tanan may kakayahan magpanalu. Nakan magras-ug sa kada tawu kanya aratubangun.

Manugtudlu 9:11 Iomraidhean Croise

2 Samwil 17:14

Magkun si Absalum hanggan ti tanan manugpamahala Israil, “Mayad gid ti patigayun ni Husay kaysa kan Ahitupil.” Kay tutuu, mas mayad kay patigayun ni Ahitupil, dapat ipinahintulut Panginuun balaw sundun ni Absalum tunda hampay ipadamhak siya.

2 Samwil 17:23

Pagka naalaman ni Ahitupil balaw sinunud kay patigayun, sinmakay siya sa kay asnu ag nuli sa kanda banwa. Igu nakapatayak siya manga bilin sa kay magtal-anakan, nangugut siya. Ilinbung siya sa may kalubngan niya ama.

2 Krunika 20:15

Magkun si Yahasyil, “Patingi kawu Hari Husapat, ag tanan kamu pag mag-uli sa Huda ag Hirusalim! Inda ti pagsabihun Panginuun sa kanyu, ‘Danga kamu magkadala ngatay magpanlubay dahil sa pagkayamu manga sundalu inda, dahil balaw kamu ti manlaban sa kanda nu unman ti Diyus.

Hub 34:29

Dapat una pumatagu ag ud mangingay ti Diyus, unman may makasabi balaw kuntay mayad kay pagbuwatun. Dapat kay tutuu, magbantay ti Diyus sa manga tawu ag sa manga nasyun,

Kanta 76:5

Pinanbawi nimu ginan sa maraisug pag manga sundalu ti inagaw nida sa iba pag manga kasiyunan. Ag nagkaramatay yi sida tanan; una kanda manga kamang udyi nida magkakabyaw.

Kabagawan 1:5

Sa panab-anan pagpatingi, ti madunung lalu waya gid dumunung ag maawatan ti manga may inadalan,

Manugtudlu 2:12

Hintay waya nguna ti mabuwat dumasun pag hari? Hintay waya lugud, nu unman ti nabwat diman kaybi sa kabag-u. Sinubukan diman niku ipaparihu ti kadunungan ag ti kalukuhan.

Manugtudlu 3:14

Naalaman niku ti tanan manga pagbuwatun Diyus pumarargu tugka aban, ag balaw inda mauman. Pagbuwatun inda Diyus hampay gumalang ti tawu sa kanya.

Manugtudlu 3:17

Magkumun aku sa kang sadili, “Sintinsiyahan Diyus ti matadlung ag ti daut pag manga tawu, dahil may itinagka siya udas sa kada buruwatun.

Manugtudlu 4:1

Nakitan maan gid niku ti manga magpan-api sitay sa kalibutan. Nakitan niku ti manga maglumi manga pag-apihun, ag unman may namasulung ag namabisug sa kanda. Makapangyarihan ti manga magpan-api sa kanda.

Manugtudlu 4:4

Nakitan diman niku ti tawu magpangabudlay ag magbuwat gid sa kay kakayahan dahil maghirak siya sa kay kaparihu. Unman diman inda may pulus; ga parihu lang sa maglagas kawu durus.

Manugtudlu 7:13

Isip-isipa nimu nu hintay ti binuwat Diyus. Si unu lugud ti makatul-id sa kay tinipluk?

Manugtudlu 9:2

Parihu lang ti ras-ugan tanan kalasi tawu — ti matadlung ag ti magkagalit, ti mayad ag ti daut, ti malumpiyu ag ti mayagting, ag ti maghandug ag ti unman maghandug. Parihu lang ti mayad pag tawu ag ti makasalanan, ag parihu lang ti magsumpa ag ti unman magsumpa.

Manugtudlu 9:3

Imaw inda ti unman mayad sa tanan pag magpangyari sa kalibutan: parihu lang ti ras-ugan tanan. Balaw lang inda, nu unman lunsay lang kadautan ag kalukuhan ti pag-isip-isipun tawu habang magkabuhi siya; ag sa uryan mamatay diman siya.

Hirimyas 46:6

Mabisug kamu ag maliksi magpalagiw dapat unman diman gid kamu makalayas. Magpu kamu ag mamatay arani sa Sapa Iyupratis.

Hirimyas 48:14

Ipagpadayaw manga taga Muab kuntay maraisug ti sundalu nida sa paglaban.

Hirimyas 9:23

Magkun waya gid ti Panginuun, “Balaw kailangan pag ipadayaw madunung kay kadunungan, ngatay mabisug kay kabisugan, aw ngatay ti mayaman kay kayamanan.

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Sakaryas 4:6

Sinabi niya sa kangku, “Bag-u niku sagtun kanmu paingana, patingihi inda ti pagsabihun Panginuun Makamaskihan tultulan nimu kan Surubabil: “Surubabil, matapus nimu ti pagpatindug sa Balay Diyus bukun sa panab-anan kabisugan ngatay kakayahan tawu nu unman sa panab-anan niku Ispiritu.

Malakyas 3:18

Ag makitan maan manga tawu ti pinagkaiba matadlung ag daut, ti pinagkaiba magsunud sa kangku ag ti balaw magsunud.”

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Diyuturunumiyu 8:17

Barang sumabi kamu sa kanyu sadili, ‘Dahil sa kang sadili kapangyarihan ag kabisugan naapu niku inda tanan pag kasiyunan.’

Diyuturunumiyu 8:18

Dapat alalahanun gid niyu ti Panginuun niyu Diyus imaw ti nagpakaun sa kanyu kakayahan yumaman kamu, ag binuwat niya inda hampay matupad niya ti kasunduan niya sa kanyu manga ginurang, parihu sa kay binwat taynguna.

1 Samwil 17:50

Nakan tinalu ni Dabid si Gulyat sa panab-anan lang paglampitaw usa ka batu. Namatay niya si Gulyat una unman may dara baladaw.

1 Samwil 6:9

Dapat bantayi niyu nu naan sida pag umatag. Nu tumukad sida sa Bit Simis, usa sa manga banwa manga Israilita, maalaman nita ti Panginuun imaw ti nagpadara inda pag masyadu sarut sa kanta. Dapat nu unman sida atabug sa Bit Simis, maalaman nita balaw ti Panginuun ti nagpakuri sa kanta. Nu unman nitaun lang inda.”