Manugtudlu 9:10 - Hanunuu

¹⁰ Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.

Manugtudlu 9:10 Iomraidhean Croise

Gimpuunan 37:35

Linibang siya niya tanan manga anak, dapat imaw diman gid kay magpanrukuan. Magkun siya, “Pabay-ani yi lang niyu aku! Mamatay aku magpanhimanglaw dahil sa pagkamatay niku anak.” Ag parargu siya maglumi dahil sa kan Husi.

1 Krunika 22:19

Nakan kainda pagdangup kamu sa Panginuun niyu Diyus sa buu niyu tagipusuun ag karadwa. Umpisahi yi niyu ti pagpatindug sa Balay Panginuun Diyus hampay mipauli yi niyu ti Kaban Kasunduan Panginuun ag ti pinili pag manga kagamitan Diyus sa inda pag Balay ibungsud para sa kay kadayawan.”

1 Krunika 28:20

Magkun waydi si Dabid sa kay anak si Sulumun, “Pagpakarig-un kawu ag pagpakabaskug. Umpisahi yi ti pagbuwat. Danga kawu magkadala ngatay maglubay, dahil ti Panginuun Diyus, kang Diyus, kaibahan nimu. Unman kawu niya tayakan ngatay pabay-anan tugka matapus ti tanan pag buwat para sa Balay Diyus Panginuun.

Nihimyas 2:12

linmakaw aku igu karaw-an yabi kaibahan ti pira niku ka manga kaibahan. Unman niku isinabi una sa kan tapu ti gustu ipabuwat Diyus sa kangku tungkul sa Hirusalim. Unman aku may iba dara hayup purya sa kang pagsakyan asnu.

Nihimyas 4:2

Sa atubangan niya manga kaibahan hanggan manga sundalu Samarya, magkun siya, “Unu lugud ti pagbuwatun manga kaawaawa pag manga Hudiyu? Mag-isip aw lugud sida sa sulud usa lang ka sirang maipatindug maan nida ti manga alad batu Hirusalim ag makahandug maan sida? Kanda aw hantup, magamit waya nida ti manga nasunug ag narunut pag manga alad batu!”

Nihimyas 4:6

Parargu kanmi magbuwat sa alad batu tugka sa nagkatunga yi kay abwat inda, dahil ti manga tawu arawatan gid sa pagbuwat.

Hub 10:21

habang unman waya aku mag-atag sa ulian mapanglaw ag madulum, nu naan balaw yi aku makabalik sitay.

Hub 10:22

Madulum gid ati; pasay lang yabi ag unman gid may rayaw, ag unman ati may kahusayan.’ ”

Hub 21:13

Magkabuhi sida abunda ag magkamatay may kahusayan.

Kanta 6:5

Dahil nu mamatay aku balaw yi makaimatuun sa kanmu; udyi aku makadayaw sa kanmu sa ulian manga namatay.

Kabagawan 3:28

Danga yi pagpaaldawan ti pag-awat sa kanmu kaparihu nu maawatan lang diman waydi nimu siya kainda.

Manugtudlu 11:3

Nu madamul ti rurum, magkauran yi. Nu naan pag magpu ti kayu, ati lang pag pumirmaminti tida.

Manugtudlu 11:6

Pagtanum kawu buu sirang, dahil balaw nimu alam nu manubu tanan ngatay kay iba lang.

Isayas 38:10

Kang isip mamatay yi aku udas niku kasupangan, ag pumirmaminti sa rugar manga namatay.

Hirimyas 29:13

Nu pakarani kamu sa kangku buu tagipusuun, awatan niku kamu.

Bilang 13:30

Sinabihan ni Kalib ti manga tawu sa atubangan ni Muysis kuntay danga mag-ingay, ag magkun siya, “Lumakaw kita taynguna ag agawun nita ti daga, dahil pihu gid maagaw nita tunda.”

Matiyu 20:7

Sinabi nida sa kanya magkun, ‘Dahil unman may pinmatarabahu sa kanmi.’ Sinabi niya sa kanda magkun, ‘Pag-atag kamu sa ubasan.’

Matiyu 6:33

Dapat una sa tanan hugudan niyu hampay kamu harian Diyus ag hampay mag-ugali angay sa kay kagustuhan bag-u ipakaun niya sa kanyu ti tanan niyu pangangailangan.

Huwan 4:34

Magkun si Hisus sa kanda, “Kang pinagkakaran-unun duy kang yi ngani magtupad sa kay kagustuhan niku Ama hanggan sa ud matapus niku ti buruwatun kay iinintirga sa kangku, dahil siya ngani ti nagsugu sa kangku.

Huwan 5:4

Dahil may pangudasun lang kay magras-ug ti usa ka anghil Panginuun bag-u pagkuyikawun niya ti danum sa pararigsan. Ti un-an nagsugbu pagka natandug ti danum, magkaayadan kay dahilan.

Huwan 9:4

Ti Ama ti nagsugu sa kangku, nakan hanggan may sirang waya kailangan tupadun nita ti buruwatun niya. Nu bay yabi yi aban, udyi may makabuwat una si unu pag tawu.

Ruma 12:11

Pagpakasipag kamu, pagsa karayawan Ispiritu Banal kanyu pagsirbi sa Panginuun.

1 Kurintu 15:10

Dapat dahil sa pangaawa Diyus, aku ngap apustul. Ag balaw inuyang ti ipinakaun niya sa kangku. Aku nagbudlay subra man sa kanda tanan, balaw sa kangku pag kakayahan nu unman sa awa ag awat Diyus.

1 Kurintu 16:10

Nu rumas-ug si Timutiyu asan sa kanyu kailangan kanyu tanggapun siya sa unman maruku siya kay naisipan. Dahil pagtupadun niya ti buruwatun Panginuun parihu diman ga kangku.

1 Kurintu 9:24

Alam diman niyu nu may mag-urunahan, magpalagiw sida tanan dapat usa lang ti makatanggap pirimyu. Nakan ngani kaayad nu magpalagiw hampay matanggap niyu ti pirimyu.

1 Kurintu 9:26

Nakan ngani magpalagiw aku hampay pihu rumas-ug sa kang turunu. Unman diman waydi aku magsuntuk sa durus.

Ipisu 5:16

Daut yi ngani nakan ti ugali taga kalibutan kainda. Nakan danga pagpalawyan niyu nu may rugar waya makabuwat mayad.

Kulusas 3:23

Una hintay kanyu buwatun, lubusan di ngap niyu kanyu kasipagan, bilang ga sa Panginuun diman kanyu pagsirbi, balaw lang sa tawu.

1 Samwil 10:7

Nu matupad yi inda pag manga bagay, buwata nimu nu unu ti mayad dahil kaibahan nimu ti Diyus.