Manugtudlu 8:8 - Hanunuu

⁸ Nu kabitay unman maampara tawu ti durus, unman diman niya maampara kay kamatayan. Parihu inda sa girahan unman siya makapalagiw. Ag kay kadautan unman gid makaribri sa kanya sa kamatayan.

Manugtudlu 8:8 Iomraidhean Croise

2 Samwil 14:14

Mamatay kita tanan; bumaliw kita parihu sa danum nauyang sa daga ag balaw yi mahimu mab-ul. Dapat balaw lang basta-basta pagbul-un Diyus ti buhi tawu, pagsikapun niya makabalik ti manga tawu nikarayu sa kanya.

2 Hari 7:15

Rinmas-ug sida tugka sa Sapa Hurdan, ag nakitan nida sa dalan ti manga rutay ag manga kagamitan ipinanyamut manga Aramiyu sa kanda magkadaldalian magpalagiw. Nagbalik ti manga sinugu ag ibinarita nida inda sa hari.

Hub 14:5

Itinagka yi nimu nu kabitay kadugay ti buhi tawu. Ag unman siya makapasubra sa iinalistu nimu pag udas sa kanya.

Hub 34:14

Nu nalub-anan Diyus bul-un ti buhi ipinakaun niya sa tawu,

Kanta 89:48

Si unu lugud pag tawu ti balaw mamatay? Makaaman aw lugud ti tawu sa kamatayan?

Kanta 9:17

Mamatay ti daut pag manga tawu sa tanan nasyun, dahil pagdayuun nida ti Diyus.

Kabagawan 12:3

Ti magbuwat kadautan unman gid may karig-unan, dapat ti matadlung pag tawu may karig-unan parihu sa kayu abasad kay gamut.

Kabagawan 14:32

Pag-ipadamhak Diyus ti manga daut pag tawu dahil sa kanda daut pag manga buwat, dapat pag-alagaan niya ti manga matadlung dahil sa kanda pagkamakadiyus.

Manugtudlu 3:21

Unman may nakaalam nu ti ispiritu tawu magpatungud ag ti ispiritu hayup magdugsun sa sirung daga.”

Manugtudlu 8:13

ag daut ti patabgan tawu balaw maggalang sa Diyus, ag balaw dumugay kay buhi nu unman bumaliw inda parihu sa aninu madali lang malyam.

Manugtudlu 9:12

Balaw lang inda, nu unman niya alam nu kapira pag rumas-ug kay kaudasan. Parihu siya sa manuk nasduk ngatay sa isda nasarap; magkatakdan siya balaw mayad pag udas ag kadaka lang magras-ug sa kanya.

Isayas 28:15

Dahil magpadayaw kamu ag magkumun, “Nagbuwat kami kasunduan sa kamatayan hampay balaw kami mamatay, ag nagkasundu kami sa rugar manga namatay hampay balaw kami madara ati. Nakan ngani, balaw kami mipadamhak una waya rumas-ug ti manga kadautan ga baha, dahil kami magsarig maribri sa panab-anan nimi pamudil ag pagdaya.”

Isayas 28:18

Bumaliw unman may pulus kanyu kasunduan sa kamatayan hanggan kanyu kinasunduan sa rugar manga namatay. Dahil midamhak kamu nu rumas-ug ti manga kadautan ga baha.

Isayas 47:10

Magpaniwala kawu balaw midamhak sa kanmu magbuwat kadautan, dahil pag-isipun nimu balaw may maghiling sa kanmu. Pag-ipatalang kawu nimu kadunungan hanggan kaalaman, tunda diman kay dahilan nu hayga pagsabihun nimu kawu ti diyus udyi may iba waya.

1 Kurintu 15:43

Pag-ilubung balaw may karinuan ag may kalumuyan, dapat nu buhiun uman may karinuan ag may kabisugan yi ngap.

2 Kurintu 13:4

Malumuy siya sa kay nipaku sa kurus, dapat ti kamaskihan Diyus ti nagbuhi maan sa kanya. Dahil sa kanmi magpakiusa sa kan Kiristu kami hanggan malumuy waydi, dapat ti kamaskihan Diyus magpakaun sa kanmi kay buhi ni Kiristu hampay matupad nimi kanmi buruwatun tungkul sa kanyu.

Hibriyu 9:27

Ti kada tawu kas-a lang gid mamatay, bag-u sintinsiyahan yi siya Diyus.