Manugtudlu 8:17 - Hanunuu

¹⁷ Nakitan niku ti tanan manga pagbuwatun Diyus sitay sa kalibutan, ag unman gid may tawu makasalum inda. Una waya kabitay kay paghingabut tawu masalman inda, unman niya inda masalman. Una sumabi waya ti madunung pag tawu nasalman niya, kay tutuu unman gid niya inda masalman.

Manugtudlu 8:17 Iomraidhean Croise

Hub 5:9

Dahil magbuwat siya manga makadululaw pag manga bagay hanggan manga lilingutan balaw masalman ag dayu mabilang.

Kanta 104:24

Panginuun, kay kayamu kanmu manga binwat. Linalang nimu sida tanan angay sa kanmu kadunungan. Ti kalibutan punu nimu linalang.

Kanta 40:5

Panginuun niku Diyus, unman may makaparihu sa kanmu. Mayamu pag makadululaw manga bagay ti binwat nimu, ag mayamu kanmu gayak sa kanmi. Balaw niku inda mitultul tanan dahil masyadu mayamu.

Kanta 73:16

Kainda paghingabtun gid niku intindihun inda pag manga bagay, dapat nakurian aku,

Manugtudlu 1:13

Sa kang kadunungan, inadalan gid niku mayad ti tanan manga magpangyari sitay sa kalibutan. Usa inda ka makaburudlay pag buruwatun ti ipinakaun Diyus irisipun tawu.

Manugtudlu 11:5

Nu kabitay balaw nimu magkaalaman ti palakaw durus ngatay nu kabitay kay magdaka ti lapsag sa tiyan niya ina, katunda diman ti pagbuwatun Diyus, ti nagbuwat tanan pag bagay, balaw diman nimu inda masalman.

Manugtudlu 3:11

Ag inda tanan itinagka Diyus mangyari sa kang-ud pag udas. Pinakan-an niya kita kagustuhan maalaman ti aratubangun, dapat unman gid nita masalman kay manga binuwat ginan sa kabag-u hanggan sa katapusan.

Manugtudlu 7:13

Isip-isipa nimu nu hintay ti binuwat Diyus. Si unu lugud ti makatul-id sa kay tinipluk?

Isayas 40:28

Unman aw niyu alam ngatay unman aw niyu nadnugan ti Panginuun imaw ti unman may katapusan pag Diyus ti naglalang buu kalibutan? Balaw siya magkagasa ngatay magpanlumuy, ag unman may makasalum sa kay isip.

Ruma 11:33

Abunda gid ungud kay kayamanan ti Diyus. Udyi kaya isipun tawu kay kadunungan hanggan kay kaalaman niya. Udyi magkatabu magkasuyasid kay manga turunu hanggan kay pamaraan.