Manugtudlu 8:16 - Hanunuu

¹⁶ Sirang yabi unman aku magkaturug pagsikapun niku makab-ul kadunungan hampay masalman niku ti manga magpangyari sa kalibutan.

Manugtudlu 8:16 Iomraidhean Croise

Gimpuunan 31:40

Kaindaay kang kahamtangan: Nu sirang mag-agwanta aku sa init, ag nu sa yabi mag-agwanta aku sa ramig. Ag pirmi kurang kang turug.

Kanta 127:2

unman diman may kabuluhan ti pag-ipulaw surip waya ag ti magkaturug yabi yi sa magtarabahu hampay may makaun. Dahil ti Panginuun imaw ti magpakaun manga pangailangan niya manga pagmahalun, una waya magkaturug sida.

Manugtudlu 1:13

Sa kang kadunungan, inadalan gid niku mayad ti tanan manga magpangyari sitay sa kalibutan. Usa inda ka makaburudlay pag buruwatun ti ipinakaun Diyus irisipun tawu.

Manugtudlu 1:14

Nakitan niku ti tanan manga pagbuwatun tawu sitay sa kalibutan, ag inda tanan unman may pulus; ga parihu lang sa maglagas aku durus.

Manugtudlu 1:17

Inadalan gid niku mayad ti pagkaiba kadunungan ag kalukuhan, dapat naisip niku inda unman diman may pulus; ga parihu lang sa maglagas aku durus.

Manugtudlu 2:23

Ti tanan pagbuwatun niya sa buu niya buhi magpadaut lang sa kay nalub-anan. Nakan una sa yabi unman makapahari kay naisipan. Unman diman inda may pulus!

Manugtudlu 4:8

May usa ka tawu usa-usa magpangabuhi. Unman siya may anak ngatay patar-ari, dapat unman may apas kay magpangabudlay, ag unman siya magbaya sa kay kayamanan. Magbagaw siya sa kay sadili, “Udyi aku makabaya dahil sa masyadu pagpangabudlay. Dapat unman diman aku may matayakan kang pinamudlayan.” Unman inda may pulus! Maruku inda pag kalasi magpangabuhi!

Manugtudlu 5:12

Hamuuk ti turug usa ka manugtarabahu, mayamu man ngatay pira-pira kay karan-unun; dapat ti mayaman, madi aduk kay kayamanan, unman makaturug mayad.

Manugtudlu 7:25

Dapat parargu niku pag-adalan ag pag-usisaun, hampay matanggap niku ti kadunungan ag masagut kang manga paingana, ag hampay maalaman niku nu kabitay ka bagul ti tawu magbuwat daut ag nu kabitay ka daut ti naisipan tawu magbuwat kalukuhan.

Manugtudlu 8:7

Dahil unman may tawu nakaalam sa aratubangun, unman may makasabi una si unu nu hintay ti mangyari.

Manugtudlu 8:9

Binantayan niku ti tanan bagay magpangyari sitay sa kalibutan, nakitan niku ti manga tawu may kapangyarihan manakit sa kay kaparihu.