Manugtudlu 8:15 - Hanunuu

¹⁵ Nakan para sa kangku, mas mayad waya sa tawu ti pagbaya siya sa kay buhi. Unman may iba mayad sa kanya sitay sa kalibutan nu unman ti mangaun, manginum ag manbaya habang magtarabahu siya sa buu buhi ipinakaun Diyus sa kanya sitay sa kalibutan.

Manugtudlu 8:15 Iomraidhean Croise

Kanta 42:8

Nu sirang pag-ipakakit nimu kanmu pagmahal, Panginuun, nakan nu yabi magkanta aku bilang darangin sa kanmu, Diyus niku buhi.

Manugtudlu 2:1

Sinubukan niku magpakasulung sa kang sadili kagustuhan hampay maalaman niku nu hintay ti mayad sa buhi. Dapat naisip niku inda unman diman may pulus.

Manugtudlu 2:10

Bin-ul niku ti una hintay kang pagkaibgan. Binwat niku ti una hintay ti makapasulung sa kangku. Masulung gid aku sa tanan niku manga binuwat, ag imaw inda kay suhul sa tanan niku binudlayan.

Manugtudlu 2:24

Ti pinakamayad buwatun tawu imaw ti pagkaun, pag-inum, ag ti pagpakasulung sa kay binudlayan. Ag naisip niku inda ginan diman sa Diyus,

Manugtudlu 2:3

Sinubukan niku magpakasulung sa panab-anan pag-inum intus. Sinubukan niku mamwat kalukuhan dapat kang kadunungan magpigil di sa kang isip. Nag-isip aku barang imaw inda ti pinakamayad buwatun manga tawu sa kay dag-ud pag buhi sitay sa kalibutan.

Manugtudlu 3:22

Nakan naisip niku ti pinakamayad buwatun tawu imaw ti pagbaya sa kay binudlayan, dahil para diman waydi inda sa kanya. Unman may makasabi sa tawu nu unu ti mangyari nu tigbak yi siya.

Manugtudlu 5:18

Nakan naisip niku ti pinakamayad buwatun tawu sa kay dag-ud pag buhi ipinakaun Diyus sa kanya imaw ti pagkaun, pag-inum ag pagpakasulung sa kay binudlayan sitay sa kalibutan, dahil para diman waydi inda sa kanya.

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.