Manugtudlu 8:14 - Hanunuu

¹⁴ Ti makuri lang sitay sa kalibutan, nu kas-a ti matadlung pag manga tawu imaw ti magtanggap parusa para mana sa manga daut, ag ti daut pag manga tawu imaw ti magtanggap pirimyu para mana sa manga matadlung. Inda hanggan unman diman may pulus.

Manugtudlu 8:14 Iomraidhean Croise

Hub 1:22

Una katida ti nangyari, balaw gid nagsalan si Hub. Unman niya sinisi ti Diyus.

Hub 21:7

“Hayga parargu magkabuhi ti manga daut? Maggurangun waya sida ag mag-abunda.

Hub 27:12

Dapat kamu tanan nakakit inda. Bati, hayga magbagaw waya kamu sa kangku unman may pulus?

Kanta 73:3

dahil naghirak aku sa palabi-labihun hanggan sa daut pag manga tawu pagka nakitan niku mag-alwan sida.

Manugtudlu 10:5

May usa waya ka balaw mayad pag bagay ti nakitan niku sitay sa kalibutan, inda pagbuwatun lang manga takinan:

Manugtudlu 2:14

Ti madunung pag tawu alam nu naan tag kay patabgan, dapat ti kurang sa intindi maglakaw sa kadudulman. Dapat naisip niku usa lang kanda patabgan, ti kamatayan.

Manugtudlu 4:4

Nakitan diman niku ti tawu magpangabudlay ag magbuwat gid sa kay kakayahan dahil maghirak siya sa kay kaparihu. Unman diman inda may pulus; ga parihu lang sa maglagas kawu durus.

Manugtudlu 4:8

May usa ka tawu usa-usa magpangabuhi. Unman siya may anak ngatay patar-ari, dapat unman may apas kay magpangabudlay, ag unman siya magbaya sa kay kayamanan. Magbagaw siya sa kay sadili, “Udyi aku makabaya dahil sa masyadu pagpangabudlay. Dapat unman diman aku may matayakan kang pinamudlayan.” Unman inda may pulus! Maruku inda pag kalasi magpangabuhi!

Manugtudlu 7:15

Sa inda pag buhi niku unman may pulus, nakitan niku inda tanan: ti manga matadlung nagkaramatay una matadlung kanda pagpangabuhi ag ti manga daut magkabuhi dugay una daut kanda pagpangabuhi.

Hirimyas 12:1

Panginuun nu aku magriklamu sa kanmu pirmi duy matadlung kanmu sagut. Dapat aku taynguna may manga ipaingana duy tungkul sa kanmu katadlungan: Hayga duy ti daut pag tawu mag-abunda? Hayga ti manga tawu madaya sa kanmu may kahusayan kay buhi?

Malakyas 3:15

Masabi waya ngani nita mapalad ti mayabang pag manga tawu. Sa kay tutuu, sida ti manga magbuwat daut mag-unlad. Una pagsubukan nida ti Diyus unman diman sida pagparusahan.’ ”