Manugtudlu 8:12 - Hanunuu

¹² Una makabwat mayamu pag kasalanan ti tawu, mahimu mabuhi diman siya dugay. Dapat alam niku mayad ti patabgan tawu maggalang sa Diyus,

Manugtudlu 8:12 Iomraidhean Croise

1 Hari 21:25

(Unman may iba tawu ipinabili kay sadili sa pagbuwat daut sa magbantay Panginuun, parihu sa binwat ni Akab dahil pinaturnan siya ni Hisibil niya asawa.

1 Krunika 16:30

Paggalang kamu sa kay atubangan, kamu pag manga nasakupan sa buu kalibutan. Mapag-un niya ipinatindug ti kalibutan ag balaw inda magkatandug.

Hub 35:15

Magkun waya kawu unman magparusa ti Diyus una galit yi siya, ag unman gid niya pagbatiun ti kadautan pagbuwatun manga tawu.

Kanta 112:1

Dayawun ti Panginuun! Mapalad ti tawu nu maggalang sa Panginuun ag magbaya gid magsunud sa kay manga sugu.

Kanta 115:13

Papaladan niya ti manga maggalang sa kanya, kilala man ngatay unman.

Kanta 128:2

Kanyu manga binudlayan kumang-ud sa kanyu manga pangailangan; bumaliw masulung kamu ag may kaabundahan.

Kanta 37:11

Dapat ti manga mapinakumbabaun parargu mangulian sa daga Israil may kahusayan ag may kaabundahan.

Kanta 96:9

Sambaha niyu siya sa kay kabanalan. Paggalang kamu sa kanya, kamu pag manga nasakupan sa buu kalibutan.

Pag-ighit 1:20

Nakan pinapaladan Diyus ti manga manugpaanak. Ti manga Israilita mag-amat di gid magyamu.

Kabagawan 13:21

Rumas-ug ti kadamhakan sa manga makasalanan una naan tabug sida, dapat ti manga matadlung pirimyuhan mayad pag manga bagay.

Kabagawan 28:14

Mapalad ti tawu pirmi maggalang sa Panginuun, dapat ti tawu maganit kay tagipusuun midamhak.

Manugtudlu 12:13

Taynguna nabasa nimu inda tanan, inda kang uryan patigayun: Paggalang kawu sa Diyus ag sunda kay manga sugu, dahil imaw inda ti katungkulan kada tawu.

Manugtudlu 3:14

Naalaman niku ti tanan manga pagbuwatun Diyus pumarargu tugka aban, ag balaw inda mauman. Pagbuwatun inda Diyus hampay gumalang ti tawu sa kanya.

Manugtudlu 5:16

Unman gid inda mayad! Mamatay kita unman may dara parihu sa kanta paglusad. Nakan hintay ti mab-ul nita sa kanta magpangabudlay unman diman waydi may pulus?

Manugtudlu 5:7

Ti masyadu pag panagin-up hanggan baragawun unman may pulus. Bagkus ngap, pagkadala kawu sa Diyus.

Manugtudlu 7:15

Sa inda pag buhi niku unman may pulus, nakitan niku inda tanan: ti manga matadlung nagkaramatay una matadlung kanda pagpangabuhi ag ti manga daut magkabuhi dugay una daut kanda pagpangabuhi.

Manugtudlu 7:18

Danga kawu magpasyadu sa tunda pag manga bagay; kailangan sa karaw-an lang kawu, dahil ti maggalang sa Diyus unman magpasubra sa una hintay pag bagay.

Hirimyas 44:10

Taynguna tugka udwaya gid kamu magpakumbaba ngatay magkadala sa kangku. Unman diman kamu nagsunud sa manga kasuguan ag manga surundanun ipinakaun niku sa kanyu hanggan sa kanyu manga kaumputan.’

Matiyu 25:34

Kumumun ti Hari sa manga tawu sa sikun baliwa, ‘Abala duy kamu, kamu pinapaladan niku Ama. Manaha yi niyu ti kaharian inalistu para sa kanyu ginan waya sa kabag-u pagkalalang kalibutan.

Lukas 1:50

Kay pagkaawaan ti manga maggalang sa kanya, hanggan waya may sinulput.

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

Ruma 9:22

Katunda diman kay binwat Diyus. Madi kaybi gustu gid niya ipakakit kay pangagalit hanggan kay kamaskihan, dapat lubus inagwanta lang niya ti manga tawu kay pagkagalitan, kay ihinanda hampay parusahan ag tudasun.

Diyuturunumiyu 12:25

Danga gid niyu inda pagkan-a hampay mayad kanyu kahamtangan hanggan kanyu manga lahi, dahil ti pag-aman sa magkaun dugu mayad sa magbantay Panginuun.

Diyuturunumiyu 12:28

Sunda gid niyu inda tanan pag surundanun ti pag-ipakaun niku sa kanyu, hampay pirmi mayad kanyu kahamtangan hanggan kanyu manga lahi tugka aban, dahil ti pagtupad inda mayad ag tama sa magbantay Panginuun niyu Diyus.

Diyuturunumiyu 4:40

Tupada niyu kay manga sugu hanggan surundanun ipinakaun niku sa kanyu kainda, hampay balaw may daut mangyari sa kanyu tugka waya sa kanyu sinulput, ag hampay mabuhi kamu dugay sa daga pag-ipakaun Panginuun niyu Diyus agud maapu niyu inda hanggan waya aban.”

2 Pidru 2:9

Ti Panginuun madunung magparibri sa manga lubus napasakup sa kanya nu may malakawan sida subuk. Madunung waydi siya sa manga unman matadlung hampay sida maparusahan hanggan sa udwaya udas sintinsiya.