Manugtudlu 8:1 - Hanunuu

¹ Si unu ti madunung pag tawu? Si unu ti madunung magpaliwanag manga bagay? Ti kadunungan tawu makapasulung sa uyahun, ag makapadura arimputu.

Manugtudlu 8:1 Iomraidhean Croise

Gimpuunan 40:8

Sinmagut sida, “Nanagin-up ngani duy kami dapat unman may makatultul kay ibug sabihun inda.” Magkun si Husi, “Ti Diyus ti magpakaun kadunungan sa pagtultul kay ibug sabihun manga tagin-up. Ta malu, tultulan niyu sa kangku nu hintay kanyu manga tagin-up.”

Hub 33:23

“Dapat nu may usa lang sa linibu manga anghil ti manab-anan sa kanya ag sa Diyus bag-u pumaalala sa kanya nu unu ti dapat niya buwatun,

Pag-ighit 34:35

ag magkasilaw yi maan ti manga Israilita sa kay uyahun. Nakan pagpatakipan maan ni Muysis kay uyahun tugka sa makabalik siya sa Turda Taragbuan hampay pumakihampang sa Panginuun.

Kabagawan 1:6

hampay masalman nida ti kahulugan manga sarabihun, manga pahalimbawa, hanggan manga patigmahun manga madunung.

Kabagawan 12:8

Pagdayawun ti madunung pag tawu, dapat pagpuyaan ti tawu liku kay naisipan.

Kabagawan 17:24

Ti tawu may pan-intindi mag-isip pirmi nu kabitay waya gid siya dumunung, dapat ti kurang kay intindi pag tawu balaw alam nu hintay kay buwatun.

Kabagawan 21:29

Ti daut pag tawu unman magkataranta sa kay pagbuwatun, dapat ti matadlung pag-isipun niya mayad kay manga pagbuwatun.

Kabagawan 24:5

Daka gid ti miawat madunung pag tawu hampay bumaskug ti manga manuggira,

Danyil 2:22

Pag-ipaliwanag niya ti ibug sabihun madalum pag manga bagay makuri masalman. Sa kanya ti karayawan, alam niya nu hintay ti ati sa kadudulman.

Danyil 2:47

Magkun siya sa kan Danyil, “Dahil sa kanmu pagtultul sa kang tagin-up ag pagtultul kay ibug sabihun, tutuu gid kanmu Diyus imaw ti higit makapangyarihan sa tanan pag diyus. Siya ti kailangan kilalan-un pag Panginuun manga hari. Ag siya lang gid ti makatultul manga madalum pag manga katutuuhanan.”

Matiyu 17:2

Pagka sida siyun nakitan nida nagtuhay gid kay histuda ni Hisus. Kay uyahun nagsinglaw ga init, kay manga rutay ga magsiriak-siak yi sa kay kalagti.

Binwat 4:13

Pagka nadnugan manga Pinunu kanda ni Pidru ni Huwan pagbagawun matutum kanda naisipan, naglingut gid sida dahil alam diman nida unman masyadu kay inadalan nida ni Pidru nu unman kasarangan lang kay kadunungan pag manga tawu. Kilala diman manga Pinunu sida ni Pidru ni Huwan kay iribahun ni Hisus kaybi sa kay buhi di waya.

Binwat 4:29

Taynguna Panginuun, alalahana nimu nu kabitay sida nangungud ngap sa higpit sa kanmi. Pabisugun duy nimu kami kanmu manga suruguun hampay unman gid kami magkadala magtudlu kanmu Bagaw sa manga tawu.

Binwat 6:15

Tinurun gid si Istiban tanan manga Pinunu matukawan siyun. Nakitan gid nida kay uyahun bilang parihu ga uyahun anghil.

Ruma 13:5

Nakan ngani kailangan kamu pagpasakup yi hampay maamanan niyu kay pangagalit Diyus ag hampay unman kamu may pag-alalahanun kasalanan sa kanyu tagipusuun.

Ipisu 6:19

Daranginan diman niyu aku hampay pakan-an kang-ud gid pag baragawun, agud ilubus kang katutuman sa kang magpanudlu sa madalum pag katutuuhanan tungkul sa Mayad pag Barita.

Diyuturunumiyu 28:50

Maisug sida ag unman may pangaawa sa manga gurangun hanggan manga kalay-awan.

2 Timutiyu 4:17

Dapat balaw aku pinabay-anan Panginuun. Pinakan-an aku kabisugan hampay lubus mipaliwanag niku ti Mayad pag Barita sa tanan manga balaw Hudiyu. Naribri di aku madi kanda mana ibahug sa manga liyun.

2 Pidru 1:20

Lalu waya kailangan alalahanun niyu kuntay ti ipinurupita pag Bagaw Diyus sa Banal Kasuratan dayu mahimu maipaliwanag tawu nu ginan lang sa kay sadili naisipan.