Manugtudlu 7:7 - Hanunuu

⁷ Pihu bumaliw parihu sa unman may intindi ti madunung pag tawu nu mandaya siya. Nu mananggap kawu lamisada pagdautun lang nimu kanmu kagalangan.

Manugtudlu 7:7 Iomraidhean Croise

Pag-ighit 23:8

“Danga kamu magtanggap suhul, dahil ti suhul magbuta sa tawu sa katutuuhanan, unman yi magkapakan-an katadlungan ti manga unman may kasalanan.

Kabagawan 17:23

Ti daut pag tawu magtanggap suhul hampay balaw miburayhaw ti katadlungan.

Kabagawan 17:8

Magpaniwala ti iba ti suhul parihu sa salumangka mahimu makabuwat una hintay.

Manugtudlu 4:1

Nakitan maan gid niku ti manga magpan-api sitay sa kalibutan. Nakitan niku ti manga maglumi manga pag-apihun, ag unman may namasulung ag namabisug sa kanda. Makapangyarihan ti manga magpan-api sa kanda.

Manugtudlu 5:8

Danga kawu magkadulaw nu makitan nimu pag-apihun ti manga pugri sa kanyu rugar, unman pagpakan-an katadlungan ag pagpuryahun kanda karampatan. Dahil ti takinan mag-api sa kanda pag-alagaan pinakaabwat waya pag takinan, ag inda pag duwa pag-alagaan waya gid lalu pinakaabwat pag takinan.

Manugtudlu 8:9

Binantayan niku ti tanan bagay magpangyari sitay sa kalibutan, nakitan niku ti manga tawu may kapangyarihan manakit sa kay kaparihu.

Isayas 1:23

Kanmu manga takinan manga supakil ag kaibahan manga mananakaw. Gustu nida pirmi may upa, ag magpanhagad pamakaun. Balaw nida pag-apinan ti karampatan manga ulila ag balaw diman nida pagpatingihan ti manga buranday magdangup.

Isayas 33:15

Ti makapadugay tunda lang pag manga tawu magkabuhi matadlung ag balaw magpudil. Balaw maramuun sa kuwarta aw ngatay magtanggap pabagsak. Balaw sida magpausa sa manugmatay tawu ag balaw magbuwat iba waya pag manga daut buruwatun.

Diyuturunumiyu 16:19

Kailangan danga nida paglubaga ti matarung ag kailangan balaw sida may pagkampihan sa pagsintinsiya. Danga sida magtanggap suhul dahil ti suhul makabuta sa madunung hanggan sa matadlung, ag makapasalan sa kanda magpasya.

Diyuturunumiyu 28:65

Unman kamu may kahusayan ati hanggan rugar paraharyan. Balaw kamu pakan-an Panginuun kaariwayahan ag mabul-an kamu pag-asa, bag-u pirmi kamu mag-ibuyu.

1 Samwil 12:3

Atay aku taynguna sa kanyu atubangan. Nu may nabwat aku daut sa kanyu, sabiha lang niyu sa kangku sa atubangan Panginuun hanggan sa kay pinili pag hari. May inapu aw aku baka ngatay asnu? May dinaya aw aku ngatay ginipit? Nagtanggap aw aku suhul hampay bul-an halaga ti kasalanan nabwat usa ka tawu? Nu mapatutuuhanan niyu nabwat niku inda pag manga bagay, iuli di niku inda.”

1 Samwil 21:14

Magkun si Akis sa kay manga manugpamahala, “Bantayi niyu! Kurang-kurang tunda pag tawu! Hayga dinara niyu siya sa kangku?

1 Samwil 8:3

Dapat ti ugali niya manga anak balaw parihu sa kanya, maraibgun sida sa kuwarta, magpasuhul ag balaw nida pag-ilantag ti katadlungan.