Manugtudlu 7:5 - Hanunuu

⁵ Mas mayad waya mamatingi kawu sa sungyaw madunung pag tawu kaysa mamatingi kawu sa pagdayaw unman may intindi pag tawu.

Manugtudlu 7:5 Iomraidhean Croise

Kanta 141:5

Tanggapun niku ti parusa ag pagsungyaw tawu matadlung, dahil pagbuwatun nida inda may pagmahal ag may pasunaid sa kangku. Inda ga lana ulibu sa kang ulu. Dapat sa daut pag manga tawu pirmi aku magdarangin laban sa kanda daut pag buwatun.

Kanta 69:12

Paglibakun aku manga tawu matukawan sa puwirtahan banwa, ag ti manga langu magpathaw manga pangaway pag manga kanta tungkul sa kangku.

Kabagawan 13:13

Midamhak ti tawu magbugya sa manga pag-itudlu ag pag-isugu sa kanya, dapat ti tawu magsunud pakan-an pirimyu.

Kabagawan 13:18

Ti tawu balaw magtanggap patigayun makalakaw kakurian ag mangay-a, dapat ti pagsunud patigayun parangalan.

Kabagawan 17:10

Ti madunung pag tawu magdunung sa usa lang ka pagtamyaw, dapat ti kurang kay intindi pag tawu unman gid magdunung una waya pira siya ka bisis hampakun.

Kabagawan 25:12

Ti pagtamyaw madunung pag tawu sa usa ka tawu magkaibug magpatingi mas mahalaga waya kaysa manga unu gintu.

Kabagawan 27:6

Ti masakit pag tamyaw usa ka kakilala may mayad pag pakinabang, dapat ti aruk kalaban balaw masarigan.

Kabagawan 6:23

Dahil kanda manga pag-isugu ag pag-itudlu parihu sa sulu magparayaw sa kanmu. Ag ti pagtamyaw nida sa kanmu hampay tadlungun kanmu ugali, ikaayad ag ikalawig nimu buhi.

Kabagawan 9:8

Danga pagsungyawa ti tawu magpuya dahil kagalitan kawu niya. Sungyawa ti madunung pag tawu ag mahalun kawu niya.

Manugtudlu 12:11

Ti manga pamagaw madunung pag tawu parihu sa maybahad pag sugkud pag gamitun sa paggiya sa manga manada, ag parihu diman inda sa paku magdulut mayad. Ipinakaun inda Diyus, imaw kanta manug-alaga.

Manugtudlu 7:4

Ti madunung pag tawu mag-isip pirmi tungkul sa kamatayan, dapat ti unman may intindi pag tawu mag-isip pirmi tungkul sa kabayaan.

Manugtudlu 9:17

Mas mayad waya mamatingi sa matugway pag bagaw madunung pag tawu kaysa mamatingi sa ringgit unman may intindi pag takinan.

Ipinakakit 3:19

Ti kada tawu kang pagmahalun kang waydi pagtadlungun hanggan pagpariganan. Nakan ngani pagmasipag kawu, ampui yi patlikudi yi kanmu kasalanan.