Manugtudlu 7:26 - Hanunuu

²⁶ Nasalman niku ti babayi magtuksu mas mapait waya kaysa kamatayan. Kay pagmahal parihu sa suduk, ag kay manga kamang maghakus sa kanmu parihu sa tarikada. Makaaman sa kanya ti tawu mayad sa pamantay Diyus, dapat ti makasalanan masduk niya.

Manugtudlu 7:26 Iomraidhean Croise

Gimpuunan 19:35

Nakan sa tunda pag yabi, kanda maan ngani linangu kanda ama ag kay ari maan pag anak ti nangulid sa kanya. Dapat dahil sa subra langu, unman diman namalayan ni Lut nu hintay ti nangyari.

Gimpuunan 39:9

Unman yi duy may tumupung sa kangku sa inda pag magtal-anakan. Ikinatiwala niya sa kangku ti tanan purya lang sa kanmu dahil asawa niya kawu. Nakan balaw duy niku mabuwat tunda sa kang amu ag magkasala sa Diyus.”

Pag-ighit 10:7

Magkun ti manga takinan hari sa kanya, “Tugka kapira niyu pagpabay-anan inda pag kakurian magpakuri sa kanta? Paighita yi duy nimu ti manga Israilita, hampay makasamba sida sa Panginuun nida Diyus. Unman aw mag-akitan nimu nadaut yi ti Ihiptu?”

Kabagawan 2:16

Ti kadunungan makapakarayu diman sa kanmu sa daut pag babayi maggarya sa panab-anan niya marinu pag manga baragawun.

Kabagawan 22:14

Ti pagbagawun daut pag babayi parihu sa abasad pag ukang, ti manga pagkadat-an Panginuun magkalagpak siyun.

Kabagawan 6:23

Dahil kanda manga pag-isugu ag pag-itudlu parihu sa sulu magparayaw sa kanmu. Ag ti pagtamyaw nida sa kanmu hampay tadlungun kanmu ugali, ikaayad ag ikalawig nimu buhi.

Kabagawan 6:24

Makapakarayu diman inda sa kanmu sa daut pag babayi makagarya nu magbagaw.

Kabagawan 9:18

Dapat unman may alam tunda pag manga tawu ti mag-atag sa kanya kuntay sida magkaramatay. Ti manga nakaati yi sa kanya ati yi kainda sa ulian manga namatay.

Manugtudlu 2:26

Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Manugtudlu 7:27

Aku pag manugtudlu magsabi, “Pag-isip-isipun gid niku mayad ti kada bagay sa kang maghanap sagut sa kang manga paingana. Dapat unman waya gid niku magkasampakan kay manga sagut. Dapat imaw inda kang nakitan: sa 1,000 lalaki usa lang ti matadlung, dapat sa 1,000 babayi unman gid may matadlung.