Manugtudlu 7:25 - Hanunuu

²⁵ Dapat parargu niku pag-adalan ag pag-usisaun, hampay matanggap niku ti kadunungan ag masagut kang manga paingana, ag hampay maalaman niku nu kabitay ka bagul ti tawu magbuwat daut ag nu kabitay ka daut ti naisipan tawu magbuwat kalukuhan.

Manugtudlu 7:25 Iomraidhean Croise

Gimpuunan 34:7

Igu naalaman manga anak ni Hakub ti nangyari, rargu sida nuli ginan sa tanman. Daut gid kanda buut ag subra gid magkagalit sa kan Sikim dahil sa kay binwat balaw gid dapat buwatun, imaw ti nagdara kakay-ahan sa magtal-anakan ni Hakub.

2 Samwil 13:12

Dapat nagbugya di si Tamar ag magkun, “Danga! Magtar-ari duy kita! Danga nimu aku pagpakay-aha! Danga kawu magbuwat kadautan. Balaw dapat mangyari inda sa Israil.

Kabagawan 17:12

Mas mayad waya masulang nimu ti usa ka simarun pag hayup inagawan anak kaysa tawu luku-luku magbuwat kadautan.

Kabagawan 26:11

Nu kabitay pagbalikan idu kay suka, pag-ulitun diman unman may intindi pag tawu kay pagkakurang-kurang.

Manugtudlu 10:13

Sa kabag-u di waya kalukuhan yi kay manga pagbagawun, sa uryan daut yi gid, ga unman yi siya sa kay sadili.

Manugtudlu 2:12

Hintay waya nguna ti mabuwat dumasun pag hari? Hintay waya lugud, nu unman ti nabwat diman kaybi sa kabag-u. Sinubukan diman niku ipaparihu ti kadunungan ag ti kalukuhan.

Manugtudlu 2:15

Nakan magkumun aku sa kang sadili, “Nu hintay ti mangyari sa unman may intindi imaw diman ti mangyari sa kangku. Nakan unu ti mab-ul niku pag kaayadan sa kang pagkamadunung? Unman diman inda may pulus!

Manugtudlu 2:20

Nakan maghinayang aku sa tanan niku binudlayan sitay sa kalibutan.

Manugtudlu 7:27

Aku pag manugtudlu magsabi, “Pag-isip-isipun gid niku mayad ti kada bagay sa kang maghanap sagut sa kang manga paingana. Dapat unman waya gid niku magkasampakan kay manga sagut. Dapat imaw inda kang nakitan: sa 1,000 lalaki usa lang ti matadlung, dapat sa 1,000 babayi unman gid may matadlung.

Huswi 7:13

“Pagtindug kawu ag sabihi ti manga tawu lumpiyuha kanda sadili para sa aldaw dahil aku, ti Panginuun Diyus Israil, magkumun: ‘Kamu pag manga Israilita, may itinagu kamu manga bagay ihinandug yi buu sa kangku. Unman kamu makalaban sa kanyu manga kalaban hanggan sa unman mab-ul inda pag manga bagay sa kanyu.