Manugtudlu 7:2 - Hanunuu

² Mas mayad waya umatag sa balay may magpanruku sa namatay kaysa mangatag sa balay may karan-an, dahil kamatayan diman ti patabgan tanan. Kailangan pirmi isipun inda kada usa.

Manugtudlu 7:2 Iomraidhean Croise

Kanta 90:12

Paintindihan sa kanmi dag-ud lang kanmi buhi, hampay dumunung kami sa kanmi magkabuhi.

Manugtudlu 2:14

Ti madunung pag tawu alam nu naan tag kay patabgan, dapat ti kurang sa intindi maglakaw sa kadudulman. Dapat naisip niku usa lang kanda patabgan, ti kamatayan.

Manugtudlu 2:16

Kita tanan, madunung man ngatay unman may intindi, mamatay sa uryan, ag parihu lang malimtan.”

Manugtudlu 3:19

Parihu lang ti patabgan tawu ag hayup; parihu sida mamatay. Parihu lang diman sida may arup, nakan ti tawu unman may ilangbaw sa hayup. Tutuu gid waydi ti tanan unman may pulus.

Manugtudlu 3:20

Parihu lang ti patabgan tanan buhi pag linalang. Sida tanan ginan sa daga, ag sa daga diman sida pag bumalik.

Manugtudlu 6:6

unman may kabayaan sa marinu pag bagay kay natanggap, una waya mabuhi ati pag tawu sa pira ka libu timpu. Unman aw lugud ti tanan parihu lang kay patabgan pag rugar?

Manugtudlu 9:2

Parihu lang ti ras-ugan tanan kalasi tawu — ti matadlung ag ti magkagalit, ti mayad ag ti daut, ti malumpiyu ag ti mayagting, ag ti maghandug ag ti unman maghandug. Parihu lang ti mayad pag tawu ag ti makasalanan, ag parihu lang ti magsumpa ag ti unman magsumpa.

Manugtudlu 9:3

Imaw inda ti unman mayad sa tanan pag magpangyari sa kalibutan: parihu lang ti ras-ugan tanan. Balaw lang inda, nu unman lunsay lang kadautan ag kalukuhan ti pag-isip-isipun tawu habang magkabuhi siya; ag sa uryan mamatay diman siya.

Manugtudlu 9:5

Ag alam nida mamatay sida. Dapat ti namatay unman yi may alam. Udyi hanggan may matanggap pirimyu ag kalimtan yi.

Isayas 47:7

Magkun waya kawu kanmu pagka rayna unman may katapusan. Dapat balaw nimu inisip kanmu manga binwat, nu hintay ti patabgan nimu aban sa uryan.

Hirimyas 16:8

Danga diman kawu magsulud sa manga balay may manga karan-an hampay mangaun hanggan manginum ati.

Hagay 1:5

Isip-isipa niyu ti manga magpangyari sa kanyu.

Bilang 23:10

Unman may bumilang sa linahi ni Hakub sa kanda kayamuun parihu sa galbuk. Pasnuan mana nimu kang kamatayan parihu sa kanda sa manga matadlung.”

Matiyu 5:4

Papaladan Diyus ti manga may karukuan, dahil sida pakan-an di niya kabayaan.

Diyuturunumiyu 32:29

Nu madunung lang sida, masalman mana nida kanda patabgan.

Diyuturunumiyu 32:46

magkun siya sa manga tawu, “Tandai gid niyu sa kanyu manga tagipusuun ti tanan niku pagsabihun sa kanyu kainda. Tudluan diman waydi niyu inda sa kanyu manga anak hampay matupad nida kaayad ti tanan pagsabihun sa inda pag manga sugu.

Pilipus 3:19

Kanda aban ras-ugan sa kaparusahan sa impirnu, dahil kanda sadili kailangan imaw kanda pinagkadiyus. Ti kanda ikakay-a mana, imaw ngap ti pag-ipadayaw nida. Kanda paghingbutun ti manga bagay lang sitay sa babaw daga.

Hibriyu 9:27

Ti kada tawu kas-a lang gid mamatay, bag-u sintinsiyahan yi siya Diyus.