Manugtudlu 7:16 - Hanunuu

¹⁶ Danga pagbaliwa kanmu sadili subra matadlung ngatay madunung. Nu buwatun nimu inda, pag-ipadamhak lang nimu kanmu sadili.

Manugtudlu 7:16 Iomraidhean Croise

Gimpuunan 3:6

Pagka binantayan babayi ti puun kayu, marinu katna tunda bantayun ag mayad kan-un kay burak, dahil sa magkaibug siya dumunung, pinmuti yi ngani siya burak kayu ag kay kinaun. Kay diman waydi pinakan-an kay asawa, kinmaun diman waydi.

Hub 11:12

Ga balaw mahimu ti usa ka unman may intindi bumaliw madunung, katunda diman balaw mahimu ti talun asnu manganak tawu.

Hub 28:28

Bag-u magkun siya sa manga tawu, ‘May kadunungan kamu ag pag-intindi nu maggalang kamu sa Panginuun ag mag-aman sa kadautan.’ ”

Kabagawan 23:4

Danga pagpakuriani kanmu sadili sa subra pag panhingbut yumaman. Bagkus ngap, pigili kanmu sadili ag isip-isipa nu hintay ti mayad.

Kabagawan 25:16

Danga kawu subra magkaun daykut barang mansuka kawu.

Manugtudlu 12:12

Anak, pag-aman kawu inda waya pag usa ka bagay: Ti magsurat manga ribru unman may katapusan, ag ti subra pag adal makabudlay.

Matiyu 23:29

Sinabi ni Hisus magkun, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Pag-ipatindug niyu ti manga balay kalubngan manga purupita, kanyu pagparinuun maan ti kalubngan manga tawu matadlung kanda ugali kaybi.

Matiyu 23:38

Bantayi niyu ti Balay Diyus asan tinayakan yi, udyi mag-uli asan kay apu.

Matiyu 23:5

Lunsay pakakit-kakit lang sa manga tawu kanda buwat. Paglapadun nida kanda kulimpay pandarangin. Ag hampay ipakakit nida kuntay matutum kanda pagsarig, pag-ipaaba nida kay paraway-raway sa sidsid nida kulimpay.

Matiyu 9:14

Nagras-ug sa kan Hisus kan Huwan Manugtulbaw pag manga tuludluan. Magkun sida, “Hayga duy may ugali kami hanggan ti manga Parisiyu unman maghandum karan-unun. Bati kanmu manga tuludluan unman may ugali katida?”

Lukas 18:12

Kada usa ka sulud duminggu kadwa ginan aku unman maghandum karan-unun. Magpakaun aku ikasampulu tanan niku mag-akitan.’

Ruma 10:2

Mapatutuuhanan niku sida nanipag hampay pagbayaun mana sida Diyus, dapat nagsalan sida sa kanda pag-intindi.

Ruma 11:25

Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

Ruma 12:3

Angay sa kaayadan kay ipinakaun Diyus sa kangku, pagsabihun niku sa kada usa sa kanyu, danga niyu pagpahalagai subra kanyu sadili bilug, bagkus painu-inuha ngap niyu kanyu tutuu kahamtangan angay sa kay kadaka niyu pagsarig kay ipinakaun Diyus sa kada usa sa kanyu.

1 Kurintu 3:18

Una hintay pag tawu danga magdaya sa kay sadili. Una sitapu sa kanyu tig-isip siya may kadunungan sitay sa kalibutan, pagkilala siya bukun ngap tutuu pag kadunungan tunda, hampay siya ngap dumunung.

1 Kurintu 3:20

Sinabi waya maan sa Banal Kasuratan magkun, “Alam di Panginuun ti pag-isipun manga madunung ag alam niya pasay unman may kabuluhan.”

Pilipus 3:6

Masyadu masipag aku nakan inunu-unu niku ti iglisya. Nu bay tungkul sa katadlungan ginan sa kang magtupad gid sa Kasuguan, unman may ikasabi.

Kulusas 2:18

Danga kamu maniwala hampay kanyu pirimyu unman madura sa kanyu. Dahil may manga tawu gustu nida pilitan kamu sa lagat-lagat unman maghandum karan-unun hanggan sa magsamba sa manga anghil. Magpalabi-labi sida sa kanyu dahil sa kanda nakitan ginan kunu sa Diyus. Dapat unman sida may ipadayaw-dayaw dahil kanda ugali naisipan parihu lang ga tanan tawu.

Kulusas 2:23

Nu sa ungud tunda pag manga turun-anun hanggan manga bilin ga anyu angay sa kadunungan, lalu tunda pag manga bilin tungkul sa pagsamba sa manga anghil ag tunda ngani tungkul sa magpanaguabi magpakumbaba ag tungkul sa magpakuri sa sadili bilug. Dapat tunda tanan unman waydi makaampara sa subra daut pag kagustuhan nida sadili pagkatawu.

1 Timutiyu 4:3

kanda pag-irangan ti tawu nu magkaibug mag-asawa. Una manga karan-unun kay binwat Diyus hampay kan-un manga tawu magsarig may pasalamat ag magkilala sa katutuuhanan, kanda diman pag-irangan.

Ipinakakit 18:19

Dinapgan nida kanda ulu sa pangaawa malumian diman sida magkun, “Anung anung duy ti bantug pag banwa. Sa siti pag banwa pag nagyaman ti tanan manga tawu may sarakyan sa dagat magnigusyu. Dapat sa sulud lang usa ka udas nawasak di ti banwa.”