Manugtudlu 7:15 - Hanunuu

¹⁵ Sa inda pag buhi niku unman may pulus, nakitan niku inda tanan: ti manga matadlung nagkaramatay una matadlung kanda pagpangabuhi ag ti manga daut magkabuhi dugay una daut kanda pagpangabuhi.

Manugtudlu 7:15 Iomraidhean Croise

Gimpuunan 47:9

Nagsagut siya, “130 yi duy ka timpu. Dag-ud ag makuri duy kang buhi sitay sa daga; unman inda nag-aput sa kadugayun buhi niku manga ginurang.”

1 Hari 21:13

Bag-u may rinmas-ug duwa ka daut pag tawu, tinmukaw sa atubangan ni Nabut, ag binangdanan nida inda sa atubangan manga tawu. Magkun sida, “Sinaadan ni Nabut ti Diyus hanggan ti hari.” Nakan dinara nida si Nabut sa luwas banwa, ag binintuk tugka sa namatay.

Kanta 10:3

Dahil pag-ipadayaw nida kanda daut pag manga kagustuhan. Sida pag manga daluk magsaad ag magpuya sa kanmu, Panginuun.

Kanta 39:6

ngatay parihu lang sa aninu magkalyam. Magkahilig ti tawu sa manga buruwatun unman may pulus. Magtipun siya kasiyunan, dapat balaw niya alam nu si unu ti manginabang inda nu mamatay yi siya.

Manugtudlu 2:23

Ti tanan pagbuwatun niya sa buu niya buhi magpadaut lang sa kay nalub-anan. Nakan una sa yabi unman makapahari kay naisipan. Unman diman inda may pulus!

Manugtudlu 3:16

Nakitan diman niku sitay sa kalibutan ti kadautan imaw ti maghari kaysa katadlungan ag pagkamatadlung.

Manugtudlu 6:12

Unman may nakaalam nu hintay gid ti mayad para sa tawu sa kay dag-ud ag unman may pulus pag buhi — maglawuy lang inda parihu sa aninu. Unman may makatultul sa kanya nu hintay ti mangyari sa kalibutan nu nighit yi siya siyun ginan.

Manugtudlu 9:9

Pagmasulung kawu kaibahan kanmu pagmahalun pag asawa, sa buu nimu buhi unman may pulus ti ipinakaun Diyus sa kanmu sitay sa kalibutan. Nakan para inda sa kanmu, sa kanmu magpangabudlay sitay sa kalibutan.

Isayas 65:20

Ati unman may mamatay lapsag ngatay anak waya. Una si unu ti mamatay sa idad 100 ka timpu kilalan-un anak waya, ag ti mamatay udwaya aput sa 100 ka timpu kilalan-un sinintinsiyahan niku.

Huwan 16:2

Ipalwas kamu aban manga Hudiyu ginan sa kanda manga simbahan. Aban humantup ti manga tawu tinupad nida ti buruwatun Diyus nu kamu kanda minatay.

Binwat 7:52

Unman gid may purupita nu unman inunu-unu niyu manga ginurang. Minatay niyu manga ginurang ti manga nagpurupita tungkul sa kay pagras-ug Matadlung pag Suruguun Diyus. Pagka siya rinmas-ug ngani, nagpakampi ngap kamu baliwa sa kalaban ag kanyu minatay siya.