Manugtudlu 7:1 - Hanunuu

¹ Nu kabitay ti mayad pag ngaran mas mayad kaysa mahalaga pag pamanglu, katunda diman ti sirang kamatayan mas mayad kaysa sirang paglusad.

Manugtudlu 7:1 Iomraidhean Croise

Hub 3:17

Ati sa ulian manga namatay, ti manga daut pag tawu unman yi magbuwat kadautan, ti manga budlay magpahari yi.

Kanta 133:2

Parihu inda sa mahalaga pag lana ulibu ibinuhus sa ulu ni Aarun ag nagbulus sa kay bangas tugka sa kuwilyu niya rutay.

Kabagawan 15:30

Makapakaun kabayaan ti masulung pag uyahun, ag makapabaskug ti mayad pag barita.

Kabagawan 22:1

Mayad man piliun ti malumpiyu pag ngaran kaysa mayamu pag kayamanan. Ti paggalang manga tawu sa kanmu mas mahalaga waya kaysa pilak ag gintu.

Kabagawan 25:10

Dahil nu maalaman inda iba, barang pakay-ahun nida kamu, ag kanyu pagkatawu madaut tugka aban.

Kabagawan 27:9

Nu kabitay ti pamanglu ag ti kamangyan makapasulung sa tawu, ti tapat pag payu usa ka kakilala makapasulung diman.

Manugtudlu 10:1

Ti namatay pag langaw magpabawu sa usa ka pamanglu, katunda diman ti diit pag kalukuhan, magdaut sa kadunungan ag kadayawan.

Manugtudlu 4:2

Nakan nakasabi aku mas mayad waya ti manga namatay kaysa manga buhi.

Manugtudlu 7:8

Mas mayad waya ti katapusan usa ka bagay kaysa umpisa inda. Ti matiniisun mas mayad waya kaysa marapalabaw.

Kanta ni Sulumun 1:3

Mabanglu gid kanmu manga pamanglu. Marinu gid kanmu ngaran, mag-alamyu ga manga pamanglu. Nakan balaw kaladulawan ti manga daraga magkaibug sa kanmu.

Kanta ni Sulumun 4:10

Ga kabitay yi kay katagsing kanmu pagmahal, mahal niku pag babayi. Mas matagsing waya inda kaysa intus. Kanmu pamanglu mas mabanglu waya kaysa una hintay pag kalasi pamanglu.

Isayas 56:5

Pahintulutan niku sida makasaka sa kang Balay ag kilalan-un niku sida subra man sa pagkilala kang ipakaun nu sida nanhinganak. Ag balaw sida malimtan manga tawu hanggan aban.

Hunas 4:3

Nakan Panginuun, bul-a yi lang kang buhi, dahil mayad waya ti namatay yi lang aku kaysa mabuhi waya.”

Lukas 10:20

Dapat duy danga kamu magbaya dahil ti manga labang magpaniwala sa kanyu. Lalu ngap kamu pagbaya dahil kanyu manga ngaran ilinista yi Diyus sa langit.”

Huwan 13:2

Ati katpung si Hisus hanggan kay manga tuludluan magyapun. Daan inudyukan diyablu si Hudas, kan Simun Iskariyuti anak, hampay pumakampi siya sa kay kalaban ni Hisus agud siya kay itudlu sa kanda.

2 Kurintu 5:1

Magkaalaman diman nita nu madaut kanta bilug ga nangus turda, kita may ulian waya sa langit, balaw binwat tawu kamang, nu unman Diyus ngap ti may buwat.

2 Kurintu 5:8

Mabisug kanmi naisipan, daka mana kanmi gustu ighitan nimi inda pag bilug kanmi pag-ulian, hampay manahanan kami ati sa arani Panginuun.

Hibriyu 11:2

Kaybi pag manga ginurang pagbayaun Diyus dahil sa kanda pagsarig.

Hibriyu 11:39

Sida tanan pagbayaun Diyus dahil mayad kanda magsarig dapat unman nida natanggap ti itinaratu Diyus.

Ipinakakit 14:13

Nadnugan niku may magbagaw ginan sa langit magkun, “Isurat nimu inda pagkumun, taynguna ginan pinapaladan Diyus ti manga namatay sa kanda pagsirbi sa Panginuun.” Magkun ti Ispiritu, “Tutuu ngani, pumahari sida aban sa kanda budlay. Dahil dumasun sa kanda uryan kanda manga binwat.”

Rut 3:14

Nakan naturug si Rut sa aluludan ni Buus tugka surip, dapat madulum-dulum waya binmangun yi si Rut hampay balaw siya makilala, dahil dayu si Buus may makaalam kuntay nag-atag si Rut sa kay giriukan.