Manugtudlu 6:8 - Hanunuu

⁸ Nakan hintay nguna ti ilamang madunung pag tawu sa unman may intindi pag tawu? Hintay nguna pag kaayadan ti mab-ul pugri pag tawu una alam niya atubangun ti buhi?

Manugtudlu 6:8 Iomraidhean Croise

Gimpuunan 17:1

Pagka 99 yi ka timpu si Abram, napakakit sa kanya ti Panginuun ag magkun, “Aku ti Diyus Makamaskihan. Pag pirmi kawu matinupadun sa kangku ag pagpangabuhi matadlung.

Kanta 101:2

Mangabuhi aku unman may ikasabi. Kapira kawu pag pumakarani sa kangku? Mangabuhi aku unman may ikasabi sa kang pag ulian,

Kanta 116:9

Nakan mangabuhi aku arani sa Panginuun sitay sa kalibutan manga buhi.

Kabagawan 19:1

Mayad waya ti pugri magpangabuhi matadlung kaysa kurang kay intindi pag tawu marapudil.

Manugtudlu 5:11

Nu magdugang kanmu kayamanan, magyamu diman ti magtabu inda, ag unman kawu may pakinabangun sa kanmu kayamanan nu unman bantayan lang nimu inda.

Manugtudlu 6:9

Unman inda may pulus; ga parihu lang sa maglagas kawu durus. Nakan mas mayad waya pagbaya yi lang kawu nu hintay ti asan sa kanmu kaysa magpakahangad kawu manga bagay unman sa kanmu.

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

1 Timutiyu 6:17

Sabihi nimu ti manga mayaman, danga magpalabaw-labaw. Danga sida magsarig sa kanda kayamanan dahil tunda magkadura di. Bagkus ngap pagsarig sida sa Diyus, imaw ti abunda pag manugpakaun tanan bagay sa ikabaya nita.