Manugtudlu 6:2 - Hanunuu

² May manga tawu pinakan-an Diyus sa tanan nida pagka ibgan: ikadayaw, kasiyunan ag tuhay waya pag kayamanan. Dapat unman sida pinahintulutan Diyus makakinabang sa inda nu unman ti iba tawu. Unman inda may pulus, ag unman gid mayad.

Manugtudlu 6:2 Iomraidhean Croise

1 Hari 3:13

Pakan-an diman niku kawu kay manga balaw nimu hinagad, ti kayamanan ag ti kadayawan, hampay unman may hari makatupung sa kanmu sa buu nimu buhi.

1 Krunika 29:25

Ipinabantug Panginuun si Sulumun sa buu Israil ag pinakan-an niya siya kadayawan unman natanggap iba pag manga hari sa Israil.

1 Krunika 29:28

Nabuhi siya may kadugayan mayaman ag madunung. Namatay siya gurangun yi gid, ag inublusan siya niya anak si Sulumun bilang hari.

2 Krunika 1:11

Magkun ti Diyus sa kan Sulumun, “Dahil naghagad kawu kadunungan hanggan kaalaman sa magpanguna sa kang nasakupan nu naan binuwat niku kawu hari ag unman kawu naghagad yaman, ngatay kadayawan, ngatay kamatayan nimu manga kalaban, ngatay aba pag buhi,

Kanta 17:14

Ribrihan aku sa inda pag manga tawu magkahilig lang sa manga bagay sitay sa kalibutan. Parusahi sida parusa iinalistu nimu sa kanda, hanggan yi kanda manga kalay-awan. Alistuhi diman parusa kanda manga laki.

Kanta 39:6

ngatay parihu lang sa aninu magkalyam. Magkahilig ti tawu sa manga buruwatun unman may pulus. Magtipun siya kasiyunan, dapat balaw niya alam nu si unu ti manginabang inda nu mamatay yi siya.

Kanta 73:7

Kanda manga tagipusuun punu kadautan, ag kanda pirmi pag-isipun ti pagbuwat daut.

Manugtudlu 4:4

Nakitan diman niku ti tawu magpangabudlay ag magbuwat gid sa kay kakayahan dahil maghirak siya sa kay kaparihu. Unman diman inda may pulus; ga parihu lang sa maglagas kawu durus.

Manugtudlu 4:8

May usa ka tawu usa-usa magpangabuhi. Unman siya may anak ngatay patar-ari, dapat unman may apas kay magpangabudlay, ag unman siya magbaya sa kay kayamanan. Magbagaw siya sa kay sadili, “Udyi aku makabaya dahil sa masyadu pagpangabudlay. Dapat unman diman aku may matayakan kang pinamudlayan.” Unman inda may pulus! Maruku inda pag kalasi magpangabuhi!

Manugtudlu 5:13

May nakitan aku unman gid mayad sitay sa kalibutan: Ti kayamanan natipun tawu makapadamhak sa kanya

Manugtudlu 5:16

Unman gid inda mayad! Mamatay kita unman may dara parihu sa kanta paglusad. Nakan hintay ti mab-ul nita sa kanta magpangabudlay unman diman waydi may pulus?

Manugtudlu 5:18

Nakan naisip niku ti pinakamayad buwatun tawu sa kay dag-ud pag buhi ipinakaun Diyus sa kanya imaw ti pagkaun, pag-inum ag pagpakasulung sa kay binudlayan sitay sa kalibutan, dahil para diman waydi inda sa kanya.

Manugtudlu 5:19

Pinakan-an Diyus ti tawu manga kasiyunan ag tuhay waya pag kayamanan, ag pinahintulutan niya siya kuminabang inda, hampay matanggap niya ti para sa kanya ag manpakasulung siya sa kay binudlayan. Pakaun inda Diyus sa kanya.

Isayas 55:2

Hayga niyu paggastusun kanyu kuwarta sa manga bagay bukun magkakaun? Hayga niyu pagtabuhun kanyu upa sa manga bagay bukun makapabusug sa kanyu? Pagpatingi kamu sa kangku ag makakaun kamu manga masarap pag karan-unun, ungud mabsug kamu.

Karukuan 5:2

Kanmi manga daga hanggan manga balay bin-ul manga day-uhan.

Danyil 5:18

“Mahal Hari, kanmu ama si Nabukudunusur pinakan-an Kaabwat-abwatan Diyus usa ka kaharian. Nagmakapangyarihan siya ag kinilala manga tawu.

Husyas 7:9

Pagbul-un taga iba nasyun kanda kabisugan, dapat unman nida magkapansin. Parihu sida sa gurangun ubanin yi kay buhuk dapat unman niya magkapansin.

Diyuturunumiyu 28:33

Ti manga tawu balaw niyu magkakilala imaw ti kumaun sa tanan niyu binudlayan, bag-u pirmi kamu apihun ag pakurianan.

Diyuturunumiyu 28:43

“Ti manga day-uhan mag-uli kaibahan niyu amat-amat bumaliw makapangyarihan habang kamu amat-amat maglumuy.

Talaghusay 18:10

Ipinakaun Diyus sa kanta inda pag daga. Malapad inda ag abunda, bag-u asan ti tanan pangangailangan nita. Ag usa waya, magsarig gid ti manga mag-uli ati unman may mangunu sa kanda.”