Manugtudlu 5:8 - Hanunuu

⁸ Danga kawu magkadulaw nu makitan nimu pag-apihun ti manga pugri sa kanyu rugar, unman pagpakan-an katadlungan ag pagpuryahun kanda karampatan. Dahil ti takinan mag-api sa kanda pag-alagaan pinakaabwat waya pag takinan, ag inda pag duwa pag-alagaan waya gid lalu pinakaabwat pag takinan.

Manugtudlu 5:8 Iomraidhean Croise

2 Krunika 26:10

Nagpatindug diman siya manga bantayaw sa pangawakawaan ag namakutkut manga bubun tipunan danum, dahil mayamu kay manga hayup sa manga tagudtud sa isalpan ag sa karatagan. May manga tawuhan siya mag-alaga sa kay tanman hanggan sa kay taranuman ubasan sa kabantudan ag sa karatagan, dahil maraibgun siya magtanum.

Hub 24:23

Mahimu pabay-anan sida Diyus mabuhi unman may mahawag, dapat pagbantayan gid Diyus ti tanan nida manga kimut.

Kanta 12:5

Magkun ti Panginuun, “Awatan niku ti manga pugri dahil pag-api-apihun sida ag mag-arunghung sida sa agwanta. Alagaan niku sida dahil inda kanda pagkaibgan.”

Kanta 55:9

Panginuun, rurisa kang manga kalaban; buwata sida unman magkarasundu. Dahil nakitan niku ti kahigpitan ag kaguluhan sa takinan banwa.

Kanta 82:1

Pagpangunahan Diyus ti pagtiripun niya manga nasakupan. Sa karaw-an manga manughusay siya ti magsintinsiya sa kanda.

Kanta 83:18

Mana maalaman nida kawu, Panginuun, imaw lang gid ti Kaabwat-abwatan pag Diyus sa buu kalibutan.

Kanta 95:3

Dahil ti Panginuun makamaskihan pag Diyus. Makamaskihan siya pag hari ag abwat sa tanan pag diyus.

Kabagawan 22:16

Ti mag-ayaw sa mayaman ngatay mag-api sa pugri hampay yumaman miuli gid sa kapugrihan.

Kabagawan 24:12

Mahimu sumabi kawu unman may alam sa nangyari, dapat alam di Diyus nu magsabi kawu kay tutuu ngatay unman, dahil pagbantayan niya kawu ag alam niya ti asan sa kanmu tagipusuun. Balusan niya kawu angay sa kanmu binwat.

Kabagawan 8:17

Pagmahalun niku ti manga magmahal sa kangku; makitan aku manga maghanap sa kangku.

Manugtudlu 3:16

Nakitan diman niku sitay sa kalibutan ti kadautan imaw ti maghari kaysa katadlungan ag pagkamatadlung.

Manugtudlu 4:1

Nakitan maan gid niku ti manga magpan-api sitay sa kalibutan. Nakitan niku ti manga maglumi manga pag-apihun, ag unman may namasulung ag namabisug sa kanda. Makapangyarihan ti manga magpan-api sa kanda.

Manugtudlu 5:9

Dapat mas makalamang waya ti hari sa kita daga manga pugri kaysa kanda tanan pag manga takinan.

Manugtudlu 7:7

Pihu bumaliw parihu sa unman may intindi ti madunung pag tawu nu mandaya siya. Nu mananggap kawu lamisada pagdautun lang nimu kanmu kagalangan.

Manugtudlu 8:9

Binantayan niku ti tanan bagay magpangyari sitay sa kalibutan, nakitan niku ti manga tawu may kapangyarihan manakit sa kay kaparihu.

Isayas 10:12

Dapat inda ti sinabi Panginuun mangyari nu tapus yi niya buwatun ti laban sa Bantud Siun ag sa Hirusalim: “Parusahan niku ti hari Asirya dahil sa kay magpadayaw ag magpayabang.

Isayas 3:15

Hayga kanyu pag-ihidun kang manga nasakupan ag paggipitun ti manga makuri?” Tunda ngani ti pagsabihun Panginuun Diyus Makamaskihan.

Isayas 37:36

Bag-u nag-atag ti anghil Panginuun sa kampu taga Asirya ag minatay niya ti 185,000 sundalu. Igu surip, pagka nimata ti manga nasawad buhi, nakitan nida ti mayamu pag manga bangkay.

Isayas 5:7

Ti ubasan Panginuun Makamaskihan kay pag-alagaan ag makapakaun mana kabayaan sa kanya imaw yi ngani ti Israil ag Huda. Magsarig siya mangugali sida sa katadlungan dapat nadnugan ngap niya ti maglulumian manga pag-unuunuhun.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isikil 18:18

Dapat kay ama mamatay dahil sa kay kasalanan, dahil nanguwarta siya, nanakaw ag nagbuwat daut sa kay kasimanwa.

Amus 5:12

Dahil alam niku nu kabitay kay kayamu ag nu kabitay kay ka buyat kanyu manga kasalanan. Pag-unuunuhun niyu ti manga tawu unman may kasalanan ag pagkuwartahan waya niyu. Unman niyu pagpakan-an katadlungan ti manga pugri sa hurusayan.

Amus 6:12

Makapalagiw aw nguna ti manga kabayu sa batuhan? Makaaradu aw nguna ti baka sa dagat? Unman! Dapat ti katadlungan binwat niyu makasakit sa tawu, ag ti matarung binwat niyu daut.

Mikas 2:9

Pagpalayasun niyu kanda manga kababayihan ginan sa kanda manga pagmahalun pag balay. Ag pagbul-un niyu ti manga ipinakaun niku pag papalad sa kanda manga anak, nakan madura yi inda sa kanda hanggan aban.

Sakaryas 8:6

Magkun waya ti Panginuun Makamaskihan, “Mahimu isipun inda dayu mangyari sa kang nasawad nasakupan, dapat mahimu di inda sa kangku.

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Lukas 1:32

May kadayawan aban siya ag ingarnan aban siya Anak Diyus Makamaskihan sa Tanan. Pakan-an siya aban Panginuun Diyus karampatan maghari ga kay ginurang diman kan Dabid.

Lukas 1:35

Sinmagut ti anghil magkun, “Pumakababa tag sa kanmu ti Ispiritu Banal, humamuy sa kanmu ti kapangyarihan Diyus Makamaskihan, nakan ti anak ianak aban pagsabihun banal, ti Anak Diyus.

Lukas 1:76

Kawu duy anak, ingarnan kawu purupita Diyus Makamaskihan sa Tanan. Sapagka kawu ti un-an umuna bag-u ti Panginuun dumasun sa kanmu. Kawu nakan ti humanda dalan Panginuun.

Binwat 12:23

Susun yi pinarusahan siya anghil Panginuun dahil unman sinabi niya sa manga tawu siya tawu lang, balaw Diyus. Sinapatan dapu siya bag-u namatay.

Ruma 11:33

Abunda gid ungud kay kayamanan ti Diyus. Udyi kaya isipun tawu kay kadunungan hanggan kay kaalaman niya. Udyi magkatabu magkasuyasid kay manga turunu hanggan kay pamaraan.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

1 Pidru 4:12

Mahal niku pag manga patar-ari, danga niyu kadulawan ti manga mabuyat pagsubuk kanyu magkalakawan. Kanyu aw lugud isip kamu lang ti pagsubukan?

1 Huwan 3:13

Danga kamu madulaw, manga patar-ari, nu kamu pagkagalitan manga taga kalibutan.