Manugtudlu 5:14 - Hanunuu

¹⁴ ngatay madura inda sa unman mayad pag nigusyu, ag unman yi may masawad para sa kay manga anak.

Manugtudlu 5:14 Iomraidhean Croise

1 Hari 14:26

Bin-ul niya ti manga kayamanan sa Balay Diyus Panginuun hanggan sa balay hari. Bin-ul niya ti tanan, hanggan ti tanan gintu pag panangga ipinabuwat ni Sulumun.

Hub 1:21

Magkun siya, “Iinanak aku unman may dara ag mamatay diman aku unman may dara. Ti Panginuun ti nag-ayaw una hintay pag kasiyunan niku, ag ti Panginuun diman ti bum-ul inda. Dayawun gid ti ngaran Panginuun!”

Hub 5:5

Kay ani hanggan ti manga burak niya manga tanum magtubu sa dugihan pag ilamnun, bul-un lang manga tawu magkalun-us. Kay kasiyunan agawun lang manga tawu maraibgun sa manga kasiyunan.

Kanta 39:6

ngatay parihu lang sa aninu magkalyam. Magkahilig ti tawu sa manga buruwatun unman may pulus. Magtipun siya kasiyunan, dapat balaw niya alam nu si unu ti manginabang inda nu mamatay yi siya.

Kanta 49:18

Una waya sa kanda magkabuhi pagkumnun nida kanda sadili pinapaladan Diyus, ag pagdayawun sida manga tawu dahil may kaabundahan sida,

Kabagawan 23:5

Ti kuwarta madura sa usa lang ka pidpiraw, ga may pakpak ag maglayang tag sa arayu parihu sa agila.

Manugtudlu 2:26

Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Manugtudlu 5:13

May nakitan aku unman gid mayad sitay sa kalibutan: Ti kayamanan natipun tawu makapadamhak sa kanya

Manugtudlu 5:15

Inanak kita unman may dara, ag mamatay kita unman diman may dara. Unman gid kita may madara sa kanta manga binudlayan.

Hagay 1:9

Magkun waya gid ti Panginuun Makamaskihan, “Magsarig kamu mauya pag tubas dapat pira-pira wata kanyu naani. Ag dinaut waya niku inda pagka dinara niyu tabug sa kanyu balay. Binwat niku inda dahil kangku pag Balay daut, dapat ti kada usa sa kanyu balaw may pahuyang sa pagbuwat kanyu balay.

1 Samwil 2:36

Ti tanan masawad sa manga lahi nimu mamalimus kuwarta ngatay karan-unun sa inda pag manga manughandug. Manpaawa-awa sida kuntay buwata sida suruguun manga manughandug hampay may makaun sida.’ ”