Manugtudlu 5:11 - Hanunuu

¹¹ Nu magdugang kanmu kayamanan, magyamu diman ti magtabu inda, ag unman kawu may pakinabangun sa kanmu kayamanan nu unman bantayan lang nimu inda.

Manugtudlu 5:11 Iomraidhean Croise

Gimpuunan 12:16

Dahil sa kan Saray, mayad gid kay magpakiusa hari sa kan Abram ag pinakan-an waya siya manga karanidu, manga kambing, manga baka, manga asnu, manga kamilyu hanggan manga suruguun lalaki ag babayi.

Gimpuunan 13:2

Mayaman yi gid masyadu si Abram; mayamu yi kay manga hayup, manga pilak hanggan gintu.

Kabagawan 23:5

Ti kuwarta madura sa usa lang ka pidpiraw, ga may pakpak ag maglayang tag sa arayu parihu sa agila.

Manugtudlu 11:9

Kamu pag kalay-awan, pagbaya kamu habang anak waya. Buwata niyu kanyu pagkaibgan buwatun, dapat alalahana niyu parusahan kamu Diyus angay sa kanyu binwat.

Manugtudlu 2:9

Aku ti pinakamayaman pag tawu magkabuhi sa buu Hirusalim ag parargu di kang kadunungan.

Manugtudlu 5:12

Hamuuk ti turug usa ka manugtarabahu, mayamu man ngatay pira-pira kay karan-unun; dapat ti mayaman, madi aduk kay kayamanan, unman makaturug mayad.

Manugtudlu 6:9

Unman inda may pulus; ga parihu lang sa maglagas kawu durus. Nakan mas mayad waya pagbaya yi lang kawu nu hintay ti asan sa kanmu kaysa magpakahangad kawu manga bagay unman sa kanmu.

Hirimyas 17:11

Ti tawu nagyaman sa daut pag paraan parihu sa manuk mag-ukub sa balaw kanya pag itlug. Aban sa uryan, sa pangatungaan niya buhi, madura kay kayamanan ag mapatutuuhanan siya busal.”

Habakuk 2:13

Dapat tunda kanyu ipinabwat sa binihag niyu pag manga tawu sunugun lang waydi, nakan unman diman may pulus kanda binudlayan. Itinagka yi inda Panginuun Makamaskihan.

1 Huwan 2:16

Dahil ti tanan bagay sa kalibutan, ti manga daut pag kagustuhan naisipan, ti manga daut pag kagustuhan mata ag ti magpadayaw-dayaw sa kay kahamtangan, balaw ginan sa Ama nu unman ginan ngap sa kalibutan.