Manugtudlu 5:1 - Hanunuu

¹ Pag-aman kawu sa kanmu pagbuwatun nu atag kawu sa Balay Diyus. Mas mayad umati kawu alistu sumunud sa Diyus, kaysa manhandug parihu sa handug usa ka unman may kabuluhan pag tawu unman alam nu hintay ti mayad ag ti daut.

Manugtudlu 5:1 Iomraidhean Croise

2 Krunika 26:16

Dapat pagka nag makapangyarihan yi siya, nag padayaw siya. Ag inda ti nakapaababa sa kanya. Unman siya sinmunud sa Panginuun niya Diyus, dahil sinmulud siya sa Balay Diyus Panginuun ag nagsadili nagsunug kamangyan sa harandugan.

Hub 11:2

“Kailangan masagut tunda kanmu manga pagbagawun. Balaw mapatutuuhanan kuntay unman kawu may kasalanan sa panab-anan lang magpakabagaw.

Hub 22:12

“Ti Diyus ati sa pinakaabwat pag langit, abwat man sa pinakaabwat pag manga pamgasan.

Kanta 89:7

Paggalangun kawu sa pagtiripun taga langit pag manga linalang. Sida tanan masangputan sa kanmu may kadalaan gid sa kanmu.

Pag-ighit 3:5

Magkun ti Diyus, “Danga gid kawu magpakarani. Lubada kanmu lapak, dahil banal pag rugar kanmu pagtindugan.

Pag-ighit 30:18

“Pagbuwat kawu galang pag palanggana ag galang diman kay turungbawan, hampay gamitun urugasan. Ipauli nimu inda sa tab-anan Turda Tiripnan ag harandugan, bag-u paulian inda danum.

Kabagawan 10:19

Ti tawu parabagaw madali magsalan. Ti madunung pag tawu mapinigilun sa kay sadili.

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Kabagawan 21:27

Pagkadat-an Panginuun ti handug manga daut pag tawu, lalu waya gid nu pag-isagda nida inda may gayak daut.

Isayas 66:3

Dapat ay kaindaay kang kundisyun sa manga tawu magsunud sa kanda sadili kagustuhan ag magbaya sa kanda pagbuwatun subra daut laban sa kangku: Nu manmatay sida baka hampay ihandug, kilalan-un niku sida ga nakamatay tawu. Nu manhandug sida karanidu kilalan-un niku sida ga nakamatay idu. Nu mangayaw sida handug bilang pakaun, kilalan-un niku ga nanagda sida dugu babuy. Ag nu magtuub sida kamangyan bilang pag-alaala sa kangku, kilalan-un niku magdayaw sida sa diyus-diyusan.

Libitiku 10:3

Magkun si Muysis sa kan Aarun, “Tunda ngani kay ibug sabihun Panginuun katpung magkumun siya, ‘Kailangan kilalan-un manga manughandug kang kabanalan, ag kailangan dayawun aku sa atubangan tanan manga tawu.’ ” Unman nakasagut si Aarun.

Binwat 10:33

Susun pinasuguan yi ngani niku kawu. Mayad ungud duy kanmu nalub-anan nakan kawu nagsitay. Taynguna kami tanan nagtiripun handa sa atubangan Diyus hampay magpatingi sa tanan nimu sarabihun angay sa kay ibinilin Panginuun sa kanmu.”

Binwat 17:11

Lalu waya mayad kahampang ti manga Hudiyu sa Biriya balaw lang ga sa Tisalunika. Lubus paggustuhan nida magpatingi sa kan Pablu tudlu. Sirang-sirang pag-usisahun gid nida ti Banal Kasuratan hampay maalaman nida nu ngatay tutuu kan Pablu pagsabihun nu ngatay unman.

1 Kurintu 11:22

Unman aw lugud kamu may balay? May yarabasan may irinman kamu. Hayga lugud unman pagpahalagaan niyu ti iglisya Diyus? Hayga pagpakay-ahun lang niyu ti unman may imaw? Hintay nguna kang masabi sa kanyu? Kamu aw kang pagbayaun sa tunda pag bagay? Bukun ngap aku magbaya.

Hibriyu 10:26

Nu abi kita tikis yi lang magpadayun sa kasalanan madi nakilala yi nita ti katutuuhanan, udyi may iba waya pag ihandug sa Diyus sa ikapatawad nita kasalanan.

Santiyagu 1:19

Manga mahal niku pag manga patar-ari, tandai niyu inda pag bagaw: kada tawu pagpaanad sa magpatingi, danga susun magsagut. Danga hanggan rargu magkagalit.

Huswi 5:15

Nagsagut ti kumandir sundalu Panginuun, “Lubada kanmu lapak, dahil banal pag rugar kanmu pagtindugan. Ag sinunud ni Huswi ti pag-isugu sa kanya.”