Manugtudlu 4:13 - Hanunuu

¹³ Mas mayad waya ti manga pugri pag kalay-awan may kadunungan kaysa gurangun pag hari balaw may intindi, unman magkaibug paanyuan.

Manugtudlu 4:13 Iomraidhean Croise

Gimpuunan 37:2

Inda ti tultulanun tungkul sa magtal-anakan ni Hakub: Igu 17 ka timpu si Husi, magbantay siya manga hayup kaibahan niya manga patar-ari kay anak ni Bilha ag ni Silpa, manga asawa niya ama. Itinapat ni Husi sa kanda ama ti daut pag buruwatun niya manga patar-ari.

1 Hari 22:8

Sinmagut si Akab sa kan Husapat, “May usa waya ti mahimu nita mapaingan-an — si Mikaya kay anak ni Imla. Dapat magkagalit aku sa kanya dahil balaw siya may marinu pag-ihula tungkul sa kangku, lunsay kadautan.” Sinmagut si Husapat, “Danga kawu magbagaw katunda.”

2 Krunika 25:16

Habang magbagaw ti purupita, sinmagut ti hari, “Hayga pagpaanyuan nimu aku? Binwat aw kawu niku tagapaanyu? Paghim-ung kawu, dahil nu unman, ipamatay niku kawu.” Nakan naghim-ung ti purupita makalawuy niya sabihun: “Pihu rurisun kawu Diyus dahil sinamba nimu ti manga diyus-diyusan ag unman kawu namatingi sa kangku.”

Kabagawan 19:1

Mayad waya ti pugri magpangabuhi matadlung kaysa kurang kay intindi pag tawu marapudil.

Kabagawan 28:6

Mayad waya ti pugri magpangabuhi unman may ikasabi kaysa mayaman balaw mayad kay magpangabuhi.

Manugtudlu 4:12

Madali kawu taluhun nu kawu lang usa, dapat nu may kaibahan kawu makuri kamu taluhun. Parihu diman sa lubid; nu tulu inda ka langbid, makuri inda bugtasun.

Manugtudlu 7:19

Laun ti mabuwat kadunungan sa usa ka tawu kaysa mabwat sampulu ka takinan sa usa ka banwa.