Manugtudlu 4:1 - Hanunuu

¹ Nakitan maan gid niku ti manga magpan-api sitay sa kalibutan. Nakitan niku ti manga maglumi manga pag-apihun, ag unman may namasulung ag namabisug sa kanda. Makapangyarihan ti manga magpan-api sa kanda.

Manugtudlu 4:1 Iomraidhean Croise

Hub 16:4

Nu kamu ti sa kang kahamtangan, makabagaw diman aku parihu sa kanyu pagsabihun sa kangku. Bulwatan diman niku kamu aduk bagaw ag man-il-ilung sa kanyu.

Hub 35:9

“Ti manga pag-apihun maghagad awat hampay iribri sida sa kamang manga makapangyarihan pag manga tawu.

Hub 6:29

Apasi yi kanyu magbangdan sa kangku, dahil unman aku may kasalanan.

Hub 9:24

Ipiniyar niya ti kalibutan sa manga daut. Pagtakluban niya ti manga mata manughusay hampay balaw humusay sa hustu. Nu balaw siya ti magbuwat inda, si unu waya nguna?

Kanta 12:5

Magkun ti Panginuun, “Awatan niku ti manga pugri dahil pag-api-apihun sida ag mag-arunghung sida sa agwanta. Alagaan niku sida dahil inda kanda pagkaibgan.”

Kanta 142:4

Bantayi lugud sa kang sangput, una si unu unman gid may nangawat sa kangku. Unman yi may mag-alaga ag magpasunaid sa kangku.

Kanta 142:5

Magtawag aku sa kanmu, Panginuun; kawu kang palalan-iban, kawu lang gid ti kang kailangan sitay sa kalibutan.

Kanta 42:3

Sirang yabi pirmi aku maglumi ag harus mainum yi niku kang manga luwa habang magpakabagaw ti manga tawu sa kangku kuntay, “Naan yi lugud kanmu Diyus?”

Kanta 42:9

Diyus kang palalan-iban pag batu, magkun aku sa kanmu, “Hayga pagkalimtan nimu aku? Hayga kailangan waya manruku aku dahil sa pagpangapi manga kalaban sa kangku?”

Kanta 69:20

Nabyatan aku sa kanda magpakay-a sa kangku ag nag-alangan kang buut. Nangalagad aku hampay kaawaan, dapat unman gid may naawa. Nangalagad aku hampay may manpasulung, dapat unman gid may nagpasulung.

Kanta 69:21

Pinaulian nida makahilu kang karan-unun, ag katpung magkauwaw aku pinakan-an nida aku langgaw.

Kanta 80:5

Pinunu nimu kami karukuan, harus mainum yi nimi kanmi manga luwa.

Pag-ighit 1:16

“Nu mamaanak kamu manga babayi Hibriyu, matya niyu nu lalaki ti anak, dapat nu babayi, pabay-ani niyu mabuhi.”

Pag-ighit 1:22

Pagka sa uryan, nagsugu ti hari Ihiptu sa tanan niya nasakupan magkun, “Iyamut niyu sa Sapa Nilu ti tanan ilusad pag lapsag lalaki manga Israilita, dapat pabay-ani niyu mabuhi ti manga babayi pag lapsag.”

Kabagawan 19:7

Nu pugri kawu, unman kawu pagpansinun nimu katawuhan, lalu waya gid hanggan kanmu manga kakilala. Nu pagkailanganun nimu sida, unman nimu makitan sida.

Kabagawan 28:3

Ti pugri pag tawu mag-api sa kay kaparihu pugri parihu sa mabaskug pag uran magwayung sa manga halaman.

Kabagawan 29:2

Nu manga matadlung ti pumanguna, magbarayaan ti manga tawu; dapat nu manga daut yi ti pumanguna, magpanruku gid sida.

Manugtudlu 3:16

Nakitan diman niku sitay sa kalibutan ti kadautan imaw ti maghari kaysa katadlungan ag pagkamatadlung.

Manugtudlu 5:8

Danga kawu magkadulaw nu makitan nimu pag-apihun ti manga pugri sa kanyu rugar, unman pagpakan-an katadlungan ag pagpuryahun kanda karampatan. Dahil ti takinan mag-api sa kanda pag-alagaan pinakaabwat waya pag takinan, ag inda pag duwa pag-alagaan waya gid lalu pinakaabwat pag takinan.

Manugtudlu 7:7

Pihu bumaliw parihu sa unman may intindi ti madunung pag tawu nu mandaya siya. Nu mananggap kawu lamisada pagdautun lang nimu kanmu kagalangan.

Manugtudlu 8:9

Binantayan niku ti tanan bagay magpangyari sitay sa kalibutan, nakitan niku ti manga tawu may kapangyarihan manakit sa kay kaparihu.

Isayas 5:7

Ti ubasan Panginuun Makamaskihan kay pag-alagaan ag makapakaun mana kabayaan sa kanya imaw yi ngani ti Israil ag Huda. Magsarig siya mangugali sida sa katadlungan dapat nadnugan ngap niya ti maglulumian manga pag-unuunuhun.

Isayas 51:23

Iayaw niku inda sa manga nagpakuri sa kanyu hanggan sa manga nagsugu sa kanyu pagpadapa hampay tat-an nida kamu. Tinat-an nida kanyu manga dayu ga maglakaw sida sa manga baklayan.”

Isayas 59:7

Magdaldali kamu bumwat kadautan ag maliksi kanyu kamang sa pagmatay manga unman may kasalanan. Pirmi daut kanyu pag-isipun, una naan tag kamu unman may pagbuwatun nu ud kadamhakan ag kadautan.

Hirimyas 16:7

Unman may mangayaw karan-unun ngatay irinmun hampay pasulungun ti manga magpanruku, una waya ama ngatay ina ti namatay.

Karukuan 1:16

Nakan ngani magtiktik kang manga luwa sa pakalumi. Unman gid may magpabisug sa kangku una di. Kaawaawa ti nasakupan Hirusalim dahil tinalu sida kalaban.”

Karukuan 1:17

Nanhagad awat ti Hirusalim, dapat unman gid may nangawat sa kanya. Ipinahintulut Panginuun ti manga nasyun sa kalibut manga linahi ni Hakub bumaliw kanda kalaban. Baliwun nida mayagting ti Hirusalim sa kanda magbantay.

Karukuan 1:2

Parihu siya sa babayi magpakalumi buu yabi; kay manga luwa magbulus sa kay uyahun. Unman gid una di usa sa kay manga aguman lalaki ti nagpasulung sa kanya. Dinaya siya niya tanan kakilala ag nagbaliw kalaban niya sida.

Karukuan 1:9

Nakitan tanan kay kayagtingan. Unman niya inisip kay ras-ugan. Madala gid kay pagkadamhak, ag unman gid may nangawat sa kanya. Nakan nagsabi siya, “Panginuun, bantayi kang kakurian, dahil natalu aku kalaban.”

Amus 3:10

Inda ti pagsabihun Panginuun Diyus laban sa Samarya: “Unman sida madunung magbuwat matadlung. Ti mapag-un pag bahagi banwa nida punu manga butang tinakaw hanggan inaghas. Nakan girahun sida manga kalaban ag dautun kanda manga kampu. Bul-un manga kalaban ti manga kasiyunan sa mapag-un pag bahagi banwa.”

Amus 3:9

Sabihun niyu sa manga takinan mag-ulian sa mapag-un pag bahagi Asdud hanggan Ihiptu kuntay pagtipun sida sa manga tagudtud sa palibut Samarya, bag-u bantayi nida ti magpangyari kaguluhan sa inda pag banwa hanggan ti pag-unuunu sa kay manga nasakupan.

Malakyas 2:13

“Inda waya gid kanyu pagbuwatun: Magpakalumi kamu mabaskug sa harandugan Panginuun dahil balaw yi niya pagpansinun ngatay pagbayaun kanyu manga handug.

Malakyas 3:18

Ag makitan maan manga tawu ti pinagkaiba matadlung ag daut, ti pinagkaiba magsunud sa kangku ag ti balaw magsunud.”

Malakyas 3:5

Magkun ti Panginuun Makamaskihan sa manga Israilita, “Rumas-ug aku hampay parusahan kamu. Kumastigus rargu aku sa manga manugsalumangka, sa manga magpanguragin, sa manga magkastigus sa pudil, sa manga maglugi sa mag-upa sa kanda manga manugtarabahu, sa manga mag-api sa buranday babayi ag sa manga ilu, hanggan sa manga magbaliwala sa karampatan manga balaw Israilita mag-ulian kaibahan niyu. Buwatun niku inda sa kanyu sa manga unman magsunud sa kangku.”

Matiyu 26:56

Dapat nangyari inda tanan hampay matupad ti isinurat manga purupita.” Bag-u naglinayas yi ti manga tuludluan, tinayakan yi lang usa-usa si Hisus.

Diyuturunumiyu 28:33

Ti manga tawu balaw niyu magkakilala imaw ti kumaun sa tanan niyu binudlayan, bag-u pirmi kamu apihun ag pakurianan.

Diyuturunumiyu 28:48

ipabahala niya kamu sa ipinadara niya pag manga kalaban sa kanyu ag sumirbi kamu sa kanda. Lun-usun kamu, uwawun, kurangun sa rutay ag matabwan una hintay pag bagay. Pakurianan niya kamu ga binitinan singkaw baul tugka sa magkaramatay kamu.

Santiyagu 5:4

Magtawag magpatutuu laban sa kanyu ti patabig unman ipinakaun niyu sa manga manug-ani sa kanyu tanman. Kay dangup manga manug-ani kanyu inapi aput yi sa langit, nadnugan yi Panginuun Makamaskihan sa tanan.

Talaghusay 4:3

May 900 kalisa baul si Habin. Ag masyadu gid kay paghigpit niya sa manga Israilita sa sulud duwapulu ka timpu. Nakan naghagad maan awat ti manga Israilita sa Panginuun.