Manugtudlu 3:8 - Hanunuu

⁸ may udas sa pagmahal ag may udas diman sa pag-isug, may udas sa pag-arawayan ag may udas diman sa kahusayan.

Manugtudlu 3:8 Iomraidhean Croise

1 Hari 5:4

Dapat taynguna pinakan-an aku Panginuun niku Diyus kahusayan sa palibut; unman yi aku may kalaban ag unman yi waydi may kadilikaduhan.

2 Hari 9:22

Pagka nakitan ni Huram si Hihu, pinaingana niya siya, “Kahusayan aw kanmu inataytag Hihu?” Sinmagut si Hihu, “Kabitay bumaliw kahusayan nu may imaw diman pamulungan ag pagsamba sa manga diyus-diyusan ti inumpisahan nimu ina ni Hisibil?”

2 Krunika 19:2

sinulang siya ni Hihu kay anak ni Hanani ag magkun, “Hayga inawatan nimu ti daut ag kinaibgan ti maglaban sa Panginuun? Dahil sitay, nagalit ti Panginuun sa kanmu.

Kanta 101:3

ag balaw niku pahintulutan ti kadautan. Kalaban gid niku ti manga pagbuwatun manga tawu magpakarayu sa Diyus; balaw gid niku tunda huwadun.

Kanta 105:25

Pinahintulutan Panginuun labanan ag lukuhun manga taga Ihiptu kay nasakupan kay manga manugsirbi.

Kanta 139:21

Panginuun, pagkagalitan niku ti manga magkagalit sa kanmu. Pagkadat-an niku ti manga maglaban sa kanmu.

Kabagawan 13:5

Ti matadlung pag tawu magkagalit sa magpudil, dapat ti daut pag tawu magbuwat makakaray-a pag manga bagay.

Isikil 16:8

“ ‘Pagka nalakawan maan niku kawu, nakitan niku mahimu yi kawu asawan-un. Nakan itinabun niku kang kulimpay sa kanmu bilug uba, ag nagtaratu aku sa kanmu mahalun kawu niku. Nagbuwat aku kasunduan sa kanmu, ag nagbaliw kangku kawu. Aku, ti Panginuun Diyus, ti magbagaw inda.

Lukas 14:26

“Una si unu pag tawu ti pumakarani sa kangku dayu mahimu kang tuludluan nu ipalabi niya kay ina hanggan kay ama, kay asawa, kay manga anak hanggan kay manga patar-ari, una kay sadili.

Ipisu 3:19

Magdarangin aku hampay masalman niyu ti pagmahal niya madi balaw maaput tawu naisipan, agud nu kabitay ti Diyus katida diman kamu.

Ipisu 5:25

Kamu pag manga lalaki, mahalun niyu kanyu sadili asawa babayi parihu diman sa kay pagmahal ni Kiristu sa iglisya. Ipinakaun kabay niya kay buhi, namatay siya para sa iglisya,

Titu 2:4

Kailangan kanda tudluan ti manga babayi udwaya may idad dugay hampay sida magmahal sa kanda asawa hanggan sa kanda manga anak.

Huswi 11:23

Nakan sinakup ni Huswi ti buu daga, angay sa isinugu Panginuun sa kan Muysis. Ipinakaun inda ni Huswi sa manga Israilita bilang kanda maranahun, ag hinuray nida inda angay sa kada lahi nida. Tunda ginan, inmapas yi ti girahan sa tunda pag daga.

Ipinakakit 2:2

Alam niku kanmu manga binwat kuntay balaw paghabulun nimu kanmu budlay bagkus ngap pag-agwantahun lang nimu. Alam diman niku pagsukuan nimu ti manga magbuwat daut. Sinuyasid diman nimu ti manga magpabalhinguun kuntay sida manga apustul bag-u nakitan nimu sida manga pudilun maaw.