Manugtudlu 3:3 - Hanunuu

³ may udas sa pagmatay ag may udas diman sa pagbulung, may udas sa pagguba ag may udas diman sa pagbungsud,

Manugtudlu 3:3 Iomraidhean Croise

Gimpuunan 9:6

Una si unu ti manmatay sa kay kaparihu kailangan matyun diman siya niya kaparihu. Dahil ti tawu binwat Diyus ga kay histuda.

Isayas 44:26

Dapat pagtupadun niku ti hula niku manugsirbi hanggan manga manugbarita. Pagsabihun niku ti Hirusalim ulianan uman, hanggan ti iba waya pag banwa Huda nagkaradaut utru maan ipatindug.

Isayas 6:10

Magkun waya siya, “Paganita nimu tunda pag manga tawu kay tagipusuun. Pabay-ani nimu sida magpabungul-bungul ag magpabuta-butaun, dahil barang makadnug sida, makakit, ag makaintindi. Dahil nu makaintindi sida, bumalik sida sa kangku, ag maayadan.”

Hirimyas 1:10

Taynguna pag sirang pakan-an niku kawu kapangyarihan magbagaw sa manga nasyun hanggan sa manga kaharian. Sabihun nimu sa kanda kuntay ti iba sa kanda midamhak gid, ti iba bumangun di ag tumindug uman.”

Hirimyas 31:28

Sa kabag-u, winayak, dinaut, ag pinuil niku sida dapat sa uryan baliwa, utru bangunun niku sida ag ipatindug.

Hirimyas 33:6

“Dapat rumas-ug ti sirang paayadun niku inda pag banwa hanggan kay nasakupan. Mangabuhi sida abunda ag may kahusayan.

Hirimyas 45:4

“Baruk, inda waya ti sinabi Panginuun ‘Wasakun niku inda pag nasyun kang ipinatindug. Ayitun niku kang itinanum. Ag buwatun niku inda sa buu daga.

Isikil 13:14

Hu, rup-agun niku ti alad batu niyu litisun. Rup-agun gid niku inda tugka sa maglinuwang kay patakinan inda. Ag nu marup-ag yi, madugsakan kamu ag magkaramatay. Bag-u maalaman niyu aku ti Panginuun.

Hagay 1:2

Kaindaay kay sinabi Panginuun Makamaskihan sa panab-anan ni Purupita Hagay: “Pagsabihun niyu udwaya panahun hampay ipatindug uman kang Balay Diyus.

Hagay 1:4

Maagwanta aw niyu mangulian kamu sa mararinu pag manga balay dapat daut kang Balay Diyus?

Sakaryas 1:12

Magkun ti anghil Panginuun, “Panginuun Makamaskihan, tugka duy kapira pag pakurianan nimu ti Hirusalim hanggan ti manga iba waya banwa sa Huda? May 70 yi ka timpu duy kawu magkagalit sa kanda?”

Diyuturunumiyu 32:39

Bantayi niyu kainda; aku lang gid ti Diyus! Unman yi may iba diyus purya sa kangku. Aku ti magmatay ag aku diman ti mag-ayaw buhi; aku ti magbiyag ag aku diman ti magbulung, ag unman may makapalagiw sa kang manga kamang.

1 Samwil 2:25

Magkun waya gid si Ili, “Nu ti usa ka tawu magkasala laban sa kay kaparihu, mahimu ti Diyus di ti manab-anan sa kanda. Dapat nu ti usa ka tawu magbuwat kasalanan laban sa Panginuun, si unu waya ti manab-anan sa kanda?” Dapat madi katida kay tamyaw nida ama, unman diman naniwala sa kanya kay manga anak, dahil paggayakun yi Panginuun matyun sida.

1 Samwil 2:6

Panginuun ti may kapangyarihan pumakaun ngatay bumawi sa arup tawu. Siya ti may kapangyarihan pumauli ngatay bum-ul sa kanda ati sa rugar manga namatay.