Manugtudlu 3:2 - Hanunuu

² May udas sa paglusad ag may udas diman sa pagkamatay, may udas sa tig-taranum ag may udas diman sa tig-arani,

Manugtudlu 3:2 Iomraidhean Croise

Gimpuunan 17:21

Dapat kang kasunduan sa kanmu sa kan Isaak lang niku pag tupadun hanggan sa kay manga linahi. Ianak ni Sara si Isaak sa ga kainda diman pag udas sa sunud timpu.”

Gimpuunan 47:29

Pagka magkaramdaman niya arani yi siya mamatay, tinawagan niya si Husi ag magkun, “Nu mahimu, paulian nimu kanmu kamang sa tab-anan niku duwa ka balangbang ag pagsumpa kawu iparargu nimu kanmu mayad pag nabubut-un sa kangku. Danga aku paglubngan atay sa Ihiptu.

1 Hari 13:2

Sinugu Panginuun kay suruguun hampay saadan tunda pag harandugan. Magkun siya, “Inda ti pagsabihun Panginuun tungkul sa tunda pag harandugan: May ilusad usa ka lapsag sa magtal-anakan ni Dabid kay ngaran Husyas. Matyun niya ag ihandug sa inda pag harandugan ti manga manughandug magsirbi sa simbahan sa abwat pag rugar hanggan maghandug sa inda pag harandugan. Masunug kanda manga but-ul sa inda pag harandugan.”

2 Hari 4:16

Magkun si Ilisyu, “Sa sunud pag timpu, sa kainda diman pag udas may salilyun yi kawu anak lalaki.” Sinmagut ti babayi, “Danga duy kawu magpudil sa kangku. Suruguun kawu Diyus.”

Hub 14:14

Nu mamatay ti tawu mabuhi aw waya siya uman? Agwantahun niku ti tanan udas sa kang mag-agwanta tugka sa rumas-ug ti udas matapus inda.

Hub 14:5

Itinagka yi nimu nu kabitay kadugay ti buhi tawu. Ag unman siya makapasubra sa iinalistu nimu pag udas sa kanya.

Hub 7:1

“Ti buhi tawu atay sa kalibutan makuri gid, parihu kay kakuri sa sirang-sirang tarabahu usa ka manugtarabahu,

Kanta 113:9

Pagpasulungun niya ti baug pag babayi sa kay ulian sa panab-anan pagpakaun sa kanya manga anak. Dayawa ti Panginuun!

Kanta 52:5

Pihu parusahan kamu Diyus sa ud may katapusan. Dakpun niya kamu ag guyudun tag sa luwas niyu manga balay. Ag bawiun niya kanyu arup.

Kabagawan 24:27

Alistuhan dap kanmu karabuhian, parihu sa kanmu tanman, bag-u di kawu pagpatindug kanmu balay.

Isayas 28:24

Ti manugtanman lugud pirmi yi lang aw mangaradu; balaw yi lang aw mananum?

Isayas 38:1

Ati katpung pag sirang, nasakit si Isikyas harus ikamatay yi niya. Nag-atag sa kanya si Purupita Isayas anak ni Amus ag magkun, “Magkun ti Panginuun pagbilin yi kawu sa kanmu magtal-anakan dahil udyi kawu maayadan, mamatay yi kawu.”

Isayas 38:5

pagbalik siya tag kan Isikyas ag sabiha inda: “Inda ti pagsabihun Panginuun, ti Diyus nimu ginurang si Dabid: Nasaydan niku kanmu darangin ag nakitan niku kanmu manga luwa. Dugangan waya niku 15 ka timpu kanmu buhi.

Isayas 54:1

Magkun ti Panginuun, “Pagkanta kawu Hirusalim, kawu ga babayi baug. Pagkanta kawu ag pagringgit sa kabayaan, kawu unman nakalakaw kakurian sa magpanganak. Dahil una yi tinayakan kawu nimu asawa, mas yumamu kanmu manga anak kaysa babayi kaibahan kay asawa.

Hirimyas 1:10

Taynguna pag sirang pakan-an niku kawu kapangyarihan magbagaw sa manga nasyun hanggan sa manga kaharian. Sabihun nimu sa kanda kuntay ti iba sa kanda midamhak gid, ti iba bumangun di ag tumindug uman.”

Hirimyas 45:4

“Baruk, inda waya ti sinabi Panginuun ‘Wasakun niku inda pag nasyun kang ipinatindug. Ayitun niku kang itinanum. Ag buwatun niku inda sa buu daga.

Matiyu 13:41

Suguun Anak Tawu kay manga anghil, agud tipunun nida sa luwas niya kaharian ti tanan magpaturun tabug sa kasalanan hanggan ti tanan magbuwat kadautan;

Matiyu 15:13

Sinmagut siya magkun, “Ayitun ti kada halaman balaw itinanum niku Ama sa langit.

Lukas 1:13

Dapat sinabi anghil sa kanya, “Sakaryas, danga magkadala duy, dahil nadnugan Diyus kanmu darangin. Kanmu asawa si Ilisabit aban manganak gid duy anak lalaki, ag siya kanmu paingarnan Huwan.”

Lukas 1:20

Malu, taynguna ginan kawu buyun yi unman kawu makabagaw hanggan sa udwaya mamhan kang manga binagaw sa kanmu, dahil unman kawu naniwala sa kang manga binagaw, madi pihu matupad aban sa kay taning pag kaudasan.”

Lukas 1:36

Malu, kanmu katawuhan si Ilisabit magbuduy diman anak lalaki, madi gurangun yi. Ag taynguna unum yi ka bulan siya, madi kaybi pagsabihun balaw manganak.

Huwan 16:21

Parihu sa babayi magpanamdam, magkakurian siya dahil rinmas-ug yi kay kaudasan. Nu bay nakalawuy yi ti anak udyi magkadumduman babayi kay nalakawan pag kakurian. Magbaya ngap siya dahil nilusad yi ti usa ka lapsag.

Huwan 7:30

May manga tawu kanda mana pagkaibgan dakpun si Hisus, dapat unman may makadakup sa kanya dahil udwaya rinmas-ug kay taning pag udas.

Binwat 7:17

“Pagka arani yi ti taning pag kaudasan hampay tupadun Diyus kay itinaratu sa kan Abraham, nagyamu masyadu ti manga Israilita sa daga Ihiptu.

Binwat 7:20

Ati katpung sa kay taning pag kaudasan iinanak ngap si Muysis. Marinu gid pag anak, pagbayaun Panginuun. Tulu ka bulan kanda inalagaan ti anak siyun di gid sa balay niya gurang.

Galasya 4:4

Dapat ay pagka rinmas-ug ti taning pag kaudasan sinugu Diyus kay Anak. Ainanak siya usa ka babayi, kay buhi napasakup sa sirung Kasuguan,

Diyuturunumiyu 34:5

Nakan namatay ngani si Muysis, ti manugsirbi Panginuun ati sa Muab, angay gid sa sinabi Panginuun.

Hibriyu 9:27

Ti kada tawu kas-a lang gid mamatay, bag-u sintinsiyahan yi siya Diyus.

1 Samwil 2:5

Ti manga abunda kaybi magtarabahu yi taynguna hampay lang may makaun. Dapat ti manga magkalun-us kaybi abunda yi ngap taynguna. Ti manga unman mag-anak kaybi, mayamu yi kay anak taynguna. Dapat ti manga mayamu kay anak kaybi maruku taynguna dahil udyi may anak.