Manugtudlu 2:6 - Hanunuu

⁶ Nagpabuwat aku manga bubun hampay padanman kang tanman.

Manugtudlu 2:6 Iomraidhean Croise

Nihimyas 2:14

Naparargu aku sa Sabian Atabug sa Bulbugan tugka sa Pararigsan Hari, dapat unman makalawuy kang asnu ati.

Nihimyas 2:8

Nu mahimu, pakan-i diman nimu aku surat para sa kan Asap, ti manugbantay sa kanmu kakayuhan, hampay pakan-an niya aku manga kayu gamitun sa pagbuwat sabian mapag-un pag palalan-iban arani sa Balay Diyus, sa pagpatindug alad batu banwa hanggan sa balay ulian niku.” Tinupad hari kang manga paghagadun sa kanya dahil sa kaayadan Diyus sa kangku.

Nihimyas 3:15

Ti nagpatindug Sabian Atabug sa Bulbugan kay anak ni Kul Husi si Salum, takinan distritu Mispa. Inatpan niya inda, itinakud kay sabian bag-u binuwatan pangagad. Ipinatindug diman niya ti alad batu pararigsan sa Siluam, arani sa gardin hari, tugka sa may agdan palus-ug ginan sa Banwa ni Dabid.

Nihimyas 3:16

Ti dinmasun sa kanya kay anak ni Asbuk si Nihimyas, takinan katunga distritu Bit Sur. Ipinatindug niya ti alad batu maatubangan sa lulubngan ni Dabid tugka sa may pagtipunan danum ag sa may kampu manga sundalu.

Kanta 1:3

Parihu siya sa kayu itinanum sa saruy sapa magburak nu udas tig bururak, ag balaw magkarubay kay manga labung. Ti kainda pag tawu umalwan sa kay manga pagbuwatun.

Kanta ni Sulumun 7:4

Kanmu liug parihu sa bantayaw kinamhan sa bangkil ilipanti. Kanmu manga mata parihu kalinaw sa pararigsan sa Hisbun, arani sa may puwirtahan Bat Rabim. Kanmu irung kay karinu parihu sa abwat balay Libanun maatubangan sa Damasku.

Hirimyas 17:8

Miparihu siya sa puun kayu itinanum sa saruy sapa kay manga gamut mag-aput sa danum. Inda pag puun kayu balaw maunu una rumas-ug ti tag-init ngatay ti turungun. Pirmi malangba kay manga labung ag unman may apas kay magburak.