Manugtudlu 2:4 - Hanunuu

⁴ Nagbuwat aku daraka pag manga bagay: namatindug aku kang manga balay ag nantanum manga ubas.

Manugtudlu 2:4 Iomraidhean Croise

2 Samwil 18:18

Katpung buhi waya si Absalum, nagpatindug siya bantayaw para sa kay sadili sa Karatagan Hari, dahil unman siya may anak lalaki mandara kay ngaran. Iningarnan niya tunda, “Bantayaw ni Absalum,” ag tugka taynguna imaw di kay tawag siyun.

1 Hari 15:19

Inda kay sabi ni Asa sa kan Bin Hadad: “Mamuwat kita kasunduan parihu sa binwat nita gurang. Tanggapa nimu kang manga pakaun sa kanmu manga gintu ag pilak. Pagpamuhunun niku sa kanmu apasi yi nimu ti magbaliwa sa kan Hari Baasa sa Israil hampay pabay-anan yi niya aku.”

1 Hari 9:1

Natapus ni Sulumun ti pagpatindug Balay Diyus Panginuun hanggan sa kay balay, ag ti iba waya manga gayak buwatun.

1 Krunika 27:27

Si Simiy taga Rama imaw ti magpamahala sa ubasan hari. Si Sabdi taga Sipam imaw ti magpamahala sa pruduktu ubas hanggan manga intus hari.

2 Krunika 26:10

Nagpatindug diman siya manga bantayaw sa pangawakawaan ag namakutkut manga bubun tipunan danum, dahil mayamu kay manga hayup sa manga tagudtud sa isalpan ag sa karatagan. May manga tawuhan siya mag-alaga sa kay tanman hanggan sa kay taranuman ubasan sa kabantudan ag sa karatagan, dahil maraibgun siya magtanum.

2 Krunika 8:11

Pagka namhan yi ti balay hari ti ipinabwat ni Sulumun para sa kay asawa, anak hari Ihiptu, isinalyu niya kay asawa ati ginan sa Banwa ni Dabid. Dahil magkun siya, “Unman mahimu umuli kang asawa sa balay hari ni Hari Dabid, dahil banal tida pag rugar dahil daan ati ti Kaban Panginuun.”

Kanta 49:11

Kanda kalubngan imaw kanda balay sa unman may katapusan. Asan sida mangulianan hanggan aban una may pag-apuun sida manga daga.

Kanta ni Sulumun 1:14

Parihu siya sa magturumpukan busang hina, magbusang ati sa ubasan sa In Gidi.

Kanta ni Sulumun 7:12

Manurip kita mipulaw ag bantayan nita nu magbukul ag magbusang yi ti ubas. Bantayan diman nita nu magbusang yi ti pumigranata. Bag-u ati patutuuhanan niku kang pagmahal sa kanmu.

Isayas 5:1

Manganta aku tungkul sa ubasan niku mahal: May ubasan kang mahal ati sa tagudtud sa maabunu pag daga.

Danyil 4:30

magkun siya, “Tutuu gid ungud makapangyarihan yi ti Babilunya, ti kang ipinatindug pag kaharian banwa sa panab-anan niku sadili kabisugan ag para sa kang kadayawan.”