Manugtudlu 2:26 - Hanunuu

²⁶ Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Manugtudlu 2:26 Iomraidhean Croise

Gimpuunan 7:1

Magkun ti Panginuun sa kan Nuwi, “Pagsulud kawu sa barku kaibahan kanmu buu magtal-anakan. Dahil sa tanan tawu sa inda pag sinulput kawu lang ti nakitan niku matadlung.

Hub 32:8

Dapat kay tutuu, ti ispiritu Makamaskihan pag Diyus imaw ti magpakaun kadunungan sa tawu.

Hub 38:36

Si unu ti nagpakaun kadunungan ag intindi sa tawu?

Kanta 39:6

ngatay parihu lang sa aninu magkalyam. Magkahilig ti tawu sa manga buruwatun unman may pulus. Magtipun siya kasiyunan, dapat balaw niya alam nu si unu ti manginabang inda nu mamatay yi siya.

Kanta 51:6

Ti matinupadun pag tagipusuun imaw kanmu gustu; tudlui aku sa dumunung.

Kabagawan 13:22

Ti kayamanan mayad pag tawu manahun niya manga umput, dapat ti kayamanan makasalanan miatag sa manga matadlung.

Kabagawan 2:6

Dahil ti Panginuun imaw ti magpakaun kadunungan. Sa kanya diman ginan ti kaalaman hanggan pan-intindi.

Kabagawan 28:8

Nu magyaman kawu sa panab-anan pagpatubu kuwarta, kanmu kayamanan miatag sa tawu maraawat sa pugri.

Manugtudlu 1:13

Sa kang kadunungan, inadalan gid niku mayad ti tanan manga magpangyari sitay sa kalibutan. Usa inda ka makaburudlay pag buruwatun ti ipinakaun Diyus irisipun tawu.

Manugtudlu 1:14

Nakitan niku ti tanan manga pagbuwatun tawu sitay sa kalibutan, ag inda tanan unman may pulus; ga parihu lang sa maglagas aku durus.

Manugtudlu 2:25

dahil kabitay kita makakaun ag makabaya sa kanta binudlayan nu unman inda pag-ipakaun Diyus?

Manugtudlu 3:10

Nakitan niku ti manga buruwatun itinagka Diyus para sa tawu.

Lukas 1:6

Sida mag-asawa magkabuhi matadlung sa atubangan Diyus Panginuun. Pagsundun gid nida ti tanan niya manga sugu.

Huwan 16:24

Hanggan taynguna tugka udwaya kamu may hinagad sa kanya madi kamu napasakup sa kangku. Paghagad kamu bag-u kamu may matanggap hampay lubus udyi may kurang kanyu kabayaan.”

Santiyagu 3:17

Dapat ti may kadunungan ginan sa Diyus pihu marinu gid kay ugali, mairibgun siya sa kahusayan, maalumanay, mapinaangayun, maawaun, hanggan masipag sa mayad buwat, balaw mag-ihid, unman waydi magpabalhinguun.