Manugtudlu 2:23 - Hanunuu

²³ Ti tanan pagbuwatun niya sa buu niya buhi magpadaut lang sa kay nalub-anan. Nakan una sa yabi unman makapahari kay naisipan. Unman diman inda may pulus!

Manugtudlu 2:23 Iomraidhean Croise

Gimpuunan 3:17

Sinabi diman niya sa kan Adam, “Dahil nagpaniwala kawu sa kanmu asawa, ag nagkaun kawu burak kayu kang pag-irangan sa kanyu, saadan niku ti daga dahil sa kanmu. Nakan sa buu nimu buhi manbudlay gid kawu sa hustu hampay may makaun.

Gimpuunan 47:9

Nagsagut siya, “130 yi duy ka timpu. Dag-ud ag makuri duy kang buhi sitay sa daga; unman inda nag-aput sa kadugayun buhi niku manga ginurang.”

Istir 6:1

Igu yabi, unman makaturug si Hari Aswiru, nakan ipinab-ul niya ti ribru tungkul sa tultulanun niya kaharian ag ipinabasa habang magpatingi siya.

Hub 14:1

“Kami manga tawu lang dag-ud kanmi buhi, ag mayamu kanmi kakurian.

Hub 5:7

Nu kabitay ti alimpatu maglayang tag tungud, katida diman ti tawu, imaw ti magdara kakurian sa kay sadili.

Kanta 127:2

unman diman may kabuluhan ti pag-ipulaw surip waya ag ti magkaturug yabi yi sa magtarabahu hampay may makaun. Dahil ti Panginuun imaw ti magpakaun manga pangailangan niya manga pagmahalun, una waya magkaturug sida.

Kanta 32:4

Dahil yabi-sirang magkakurian yi aku sa masyadu pag pariga nimu sa kangku; nadura kang kabisugan, parihu sa danum nak-at sa turungun.

Kanta 90:15

Pakan-i kami kabayaan parihu kay kadugay sa manga timpu pinarusahan nimu kami ag pinakurian kami.

Manugtudlu 1:13

Sa kang kadunungan, inadalan gid niku mayad ti tanan manga magpangyari sitay sa kalibutan. Usa inda ka makaburudlay pag buruwatun ti ipinakaun Diyus irisipun tawu.

Manugtudlu 1:18

Dahil pagka magdugang kang naalaman, magdugang diman kang karukuan.

Manugtudlu 2:11

Dapat pagka inisip niku mayad ti tanan niku manga binuwat, naisip niku inda tanan unman may pulus; ga parihu lang sa maglagas aku durus. Unman gid may pulus ti tanan niku binudlayan sitay sa kalibutan.

Manugtudlu 5:12

Hamuuk ti turug usa ka manugtarabahu, mayamu man ngatay pira-pira kay karan-unun; dapat ti mayaman, madi aduk kay kayamanan, unman makaturug mayad.

Manugtudlu 5:17

Kanta buhi lunsay kakurian, kaguluhan, panakitun ag pangagalit.

Manugtudlu 8:16

Sirang yabi unman aku magkaturug pagsikapun niku makab-ul kadunungan hampay masalman niku ti manga magpangyari sa kalibutan.

Danyil 6:18

Siyun ginan nuli si Hari Daryu sa kay balay hari. Unman siya nangaun sa tunda pag yabi ag unman diman siya nanhagad kasulungan. Ag unman siya makaturug.

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”