Manugtudlu 2:10 - Hanunuu

¹⁰ Bin-ul niku ti una hintay kang pagkaibgan. Binwat niku ti una hintay ti makapasulung sa kangku. Masulung gid aku sa tanan niku manga binuwat, ag imaw inda kay suhul sa tanan niku binudlayan.

Manugtudlu 2:10 Iomraidhean Croise

Gimpuunan 3:6

Pagka binantayan babayi ti puun kayu, marinu katna tunda bantayun ag mayad kan-un kay burak, dahil sa magkaibug siya dumunung, pinmuti yi ngani siya burak kayu ag kay kinaun. Kay diman waydi pinakan-an kay asawa, kinmaun diman waydi.

Gimpuunan 6:2

Nakitan manga anak Diyus ti manga mararinu pag manga anak babayi, nakan inasawa nida kanda pagkaibgan asawan-un.

Hub 31:1

“Nagtaratu aku sa kang sadili balaw gid aku mansinuk may pangaibug isip sa manga daraga.

Kanta 119:37

Pakarayuan aku sa maghingbut sa manga bagay unman may pulus. Bag-uha nimu kang buhi angay sa kanmu taratu.

Kanta 128:2

Kanyu manga binudlayan kumang-ud sa kanyu manga pangailangan; bumaliw masulung kamu ag may kaabundahan.

Kabagawan 23:5

Ti kuwarta madura sa usa lang ka pidpiraw, ga may pakpak ag maglayang tag sa arayu parihu sa agila.

Manugtudlu 11:9

Kamu pag kalay-awan, pagbaya kamu habang anak waya. Buwata niyu kanyu pagkaibgan buwatun, dapat alalahana niyu parusahan kamu Diyus angay sa kanyu binwat.

Manugtudlu 2:1

Sinubukan niku magpakasulung sa kang sadili kagustuhan hampay maalaman niku nu hintay ti mayad sa buhi. Dapat naisip niku inda unman diman may pulus.

Manugtudlu 2:22

Hintay lugud ti mab-ul tawu sa kay magbudlay ag magsikap sitay sa kalibutan?

Manugtudlu 2:24

Ti pinakamayad buwatun tawu imaw ti pagkaun, pag-inum, ag ti pagpakasulung sa kay binudlayan. Ag naisip niku inda ginan diman sa Diyus,

Manugtudlu 3:22

Nakan naisip niku ti pinakamayad buwatun tawu imaw ti pagbaya sa kay binudlayan, dahil para diman waydi inda sa kanya. Unman may makasabi sa tawu nu unu ti mangyari nu tigbak yi siya.

Manugtudlu 5:10

Una si unu ti maraibgun sa kuwarta ag sa tuhay waya pag kayamanan, balaw gid ikabaya. Inda unman diman may pulus.

Manugtudlu 5:17

Kanta buhi lunsay kakurian, kaguluhan, panakitun ag pangagalit.

Manugtudlu 5:18

Nakan naisip niku ti pinakamayad buwatun tawu sa kay dag-ud pag buhi ipinakaun Diyus sa kanya imaw ti pagkaun, pag-inum ag pagpakasulung sa kay binudlayan sitay sa kalibutan, dahil para diman waydi inda sa kanya.

Manugtudlu 6:2

May manga tawu pinakan-an Diyus sa tanan nida pagka ibgan: ikadayaw, kasiyunan ag tuhay waya pag kayamanan. Dapat unman sida pinahintulutan Diyus makakinabang sa inda nu unman ti iba tawu. Unman inda may pulus, ag unman gid mayad.

Manugtudlu 6:9

Unman inda may pulus; ga parihu lang sa maglagas kawu durus. Nakan mas mayad waya pagbaya yi lang kawu nu hintay ti asan sa kanmu kaysa magpakahangad kawu manga bagay unman sa kanmu.

Manugtudlu 8:15

Nakan para sa kangku, mas mayad waya sa tawu ti pagbaya siya sa kay buhi. Unman may iba mayad sa kanya sitay sa kalibutan nu unman ti mangaun, manginum ag manbaya habang magtarabahu siya sa buu buhi ipinakaun Diyus sa kanya sitay sa kalibutan.

Manugtudlu 9:6

Ti kanda pagmahal, galit ag marahirak nadura yi. Udyi sida may labut tugka aban sa tanan pag magpangyari sitay sa kalibutan.

Manugtudlu 9:9

Pagmasulung kawu kaibahan kanmu pagmahalun pag asawa, sa buu nimu buhi unman may pulus ti ipinakaun Diyus sa kanmu sitay sa kalibutan. Nakan para inda sa kanmu, sa kanmu magpangabudlay sitay sa kalibutan.

1 Huwan 2:16

Dahil ti tanan bagay sa kalibutan, ti manga daut pag kagustuhan naisipan, ti manga daut pag kagustuhan mata ag ti magpadayaw-dayaw sa kay kahamtangan, balaw ginan sa Ama nu unman ginan ngap sa kalibutan.

Talaghusay 14:2

Pagka nuli siya, sinabihan niya kay manga gurang. Magkun siya, “May nakitan duy aku ati sa Timna usa ka babayi Pilistiyu. Bul-a duy niyu siya hampay kang asawan-un.”