Manugtudlu 12:7 - Hanunuu

⁷ Nu katunda, bumalik kawu sa daga nu naan kawu ginan, ag kanmu ispiritu bumabalik sa Diyus imaw ti nagpakaun inda.

Manugtudlu 12:7 Iomraidhean Croise

Gimpuunan 18:27

Nagpaingana gid maan si Abraham, “Panginuun, patawada duy nimu aku nu maghampang gid sa kanmu. Tawu lang aku, ga galbuk lang, ag unman aku may karampatan sabihun inda sa kanmu.

Gimpuunan 2:7

Linalang Panginuun Diyus ti tawu ginan sa daga. Inarupan niya sa irung ti tawu arup magpakaun buhi. Nakan ti tawu may buhi yi ngani.

Gimpuunan 3:19

Kailangan magbudlay gid kawu sa hustu agud may makaun, tugka sa bumalik kawu sa daga sa kanmu gininanan. Dahil ginan kawu sa daga, sa daga diman kawu pag bumalik.”

Hub 20:11

Mabisug ag balaw waya gurangun siya mamatay yi ag ilbung.

Hub 7:21

Nu nagsalan gid aku sa kanmu, hayga balaw yi lang nimu aku patawadun? Udyi dumugay mighit yi aku. Una aku hanapun nimu, unman yi makitan.”

Kanta 103:14

Dahil alam niya nu kabitay kita binwat. Pag-alalahanun niya binwat kita ginan sa daga.

Kanta 104:29

Dapat nu pabay-anan nimu sida, magkadala sida; nu bul-un nimu kanda arup, magkamatay sida ag magbalik sa daga sa nagbul-an sa kanda.

Kanta 146:4

Nu mamatay yi sida magbalik sida sa daga, ag sa tunda pag sirang kanda manga gayak bumaliw unman may pulus.

Kanta 31:6

Pagkadat-an niku ti manga magsamba sa manga diyus-diyusan unman may kabuluhan, dahil magsarig aku sa kanmu, Panginuun.

Kanta 90:3

Kawu ti magpasya sa kamatayan tawu; pag-ibalik nimu siya sa daga sa kay gininanan.

Isayas 57:16

Sa tutuu, balaw niku kamu kalabanun ngatay unu-unuhun sa tanan udas, dahil nu buwatun niku inda magkaramatay ti linalang niku pag manga tawu.

Hirimyas 38:16

Dapat lihim nagsumpa si Hari Sidikyas sa kan Hirimyas. Magkun siya, “Magsumpa aku sa buhi pag Panginuun, ti nagpakaun buhi sa kanta, balaw niku kawu matyun ngatay ipakaun sa manga magkaibug mumatay sa kanmu.”

Danyil 12:2

Buhiun ti tanan nagkaramatay. Ti iba sa kanda makatanggap buhi unman may katapusan, dapat ti iba saadan ag ipauli sa kakay-ahan unman may katapusan.

Sakaryas 12:1

Inda ti sinabi Panginuun tungkul sa Israil: “Aku ti Panginuun ti nagbuwat kalangitan ag kalibutan, ag aku ti magpakaun buhi sa tawu.

Bilang 16:22

Dapat linmuhud si Muysis hanggan si Aarun ag magkun, “Diyus, ti gimpuunan buhi sa tanan tawu, magalit aw kawu sa buu nasakupan dahil sa usa lang ka tawu nagkasala?”

Bilang 27:16

“Panginuun, Diyus gimpuunan buhi tanan tawu, pagpili duy mana kawu usa ka tawu manguna sa inda pag manga nasakupan,

Lukas 23:46

Nagtawag laun si Hisus magkun, “Amang iintirga yi niku kang buhi sa kanmu kamang.” Pagka sinabi niya katida, naugtasan siya arup.

Binwat 7:59

Sa katpung pagbatuhun waya nida si Istiban, nandarangin siya magkun, “Panginuun Hisus, tanggapa gid nimu kang karadwa.”

Hibriyu 12:23

hanggan sa iglisya manga anak panganay Diyus. Kanda manga ngaran inilista ati sa langit. Nagpakarani kamu sa Diyus, imaw ti pumihu aban kay daut kay mayad tanan-tanan tawu hanggan manga anghil. Nagpausa kamu sa manga tawu matadlung, sa manga udyi may kakurangan una di.

Hibriyu 12:9

Nu kas-a ginan nu angay sa ugali tawu kita pagparig-anan diman nita manga ama nakan kailangan lalu galangun nita sida. Unman aw lalu waya kita pumasakup sa kanta Ama, sa Diyus hampay kita may buhi?