Manugtudlu 12:5 - Hanunuu

⁵ Magkadala yi kawu magdayik sa abwat pag rugar ngatay maglakaw usa-usa sa karsada. Manlagti yi kanmu manga buhuk ag madura yi kanmu kabisugan hanggan manga pagkaibgan. Aban sa uryan, atabug yi kawu sa kanmu ulian unman may katapusan, ag mayamu ti manrukuan sa kanmu sa manga karsada.

Manugtudlu 12:5 Iomraidhean Croise

Gimpuunan 42:38

Dapat nagsagut si Hakub, “Balaw aku magpasnu kanyu ikuyug kang anak. Namatay yi kay patar-ari ag siya wadi ti nasawad. Barang may daut waya mangyari sa kanya sa dalan, ag sa inda pag kagurangun niku, ikamatay gid niku ti masyadu pag karukuan.”

Gimpuunan 44:29

Nu ikuyug waya niyu inda pag usa ti nasawad sa kangku, ag nu may mangyari balaw mayad sa kanya, barang mamatay aku dahil sa masyadu pag karukuan niku tagipusuun.’

Gimpuunan 44:31

pihu mamatay sa karukuan kanmi ama gurangun yi. Ag kami ti sisihun sa kay kamatayan.

Hub 15:10

Tinmau kami sa manga tawu gurangun yi, mas gurangun waya sa kanmu ama!

Hub 17:13

Nu may pagsarig gid waydi aku, kang sarigan ti makauli yi sa ulian manga namatay. Pagkaibgan yi niku ipauli kang igyaan sa inda pag madulum ulian.

Hub 30:23

Alam niku pagdaran-un nimu aku sa ulian manga namatay, sa ulian itinagka nimu atagan tanan manga tawu.

Kanta 71:18

Ag una gurangun yi aku ag may uban yi, danga aku pagpabay-ani, Diyus, habang pag-ipabantug niku kanmu kapangyarihan ag kabisugan sa dumasun pag sinulput.

Kabagawan 16:31

Ti pagkagurangun usa ka kabayaan matanggap tawu nangabuhi sa matadlung.

Kabagawan 20:29

Kadayawan manga kalay-awan kanda kabisugan, ag kadayawan manga gurangun kanda pagkagurangun.

Manugtudlu 9:10

Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.

Isayas 46:4

Alagaan niku kamu tugka sa maggurangun ag manlagti kanyu buhuk. Linalang niku kamu nakan kamu alagaan niku. Awatan niku kamu ag iribri.

Hirimyas 1:11

Pagkatapus, pinaingana aku Panginuun, “Hirimyas, hintay ti nakitan nimu?” Sinmagut aku, “Sanga duy almindru.”

Hirimyas 9:16

Bululagun niku sida una naan pag nasyun sa balaw nida magkakilala una manga kaumputan nida. Mamadara aku gurupu man-gira sa kanda hampay lubus sida maruris.”

Libitiku 19:32

Galanga niyu ti manga gurangun, galanga diman niyu aku kanyu Diyus. Aku ti Panginuun.

Hibriyu 9:27

Ti kada tawu kas-a lang gid mamatay, bag-u sintinsiyahan yi siya Diyus.