Manugtudlu 12:3 - Hanunuu

³ Rumas-ug ti sirang kanmu manga kamang mangurug ag kanmu manga tuud manlumuy. Kanmu manga ngipun unman yi makatalta dahil pira wadi, kanmu manga mata unman yi makakit mayad.

Manugtudlu 12:3 Iomraidhean Croise

Gimpuunan 27:1

Gurangun yi gid si Isaak ag harus udyi maghiling. Igu sa usa ka sirang, tinawagan niya kay anak panganay si Isaw. Magkun siya, “Anak.” Sinmagut si Isaw, “Hayga duy amang?”

Gimpuunan 48:10

Harus udyi maghiling si Israil dahil gurangun yi, nakan dinara ni Husi kay manga anak atag sa kan Israil arani. Hinagkung sida ni Israil ag inarkan.

Kanta 102:23

Balaw waya ngani natapus kang buhi pagpalumuyun yi aku Panginuun; pagpadag-udun niya kang buhi.

Kanta 35:14

maglakaw-lakaw aku maghimanglaw parihu sa maghimanglaw aku para sa kang patar-ari ngatay kakilala. Masunguhan aku magkaruku para sa kanda parihu sa maghimanglaw usa ka tawu sa kay ina.

Kanta 38:6

Magpabarikutut aku sa subra pag sakit, ag magkaruku aku sa buu sirang.

Sakaryas 8:4

Manukawan maan sa manga buruybuyahan Hirusalim ti manga magsugkud yi pag gurangun dahil sa pagkagurangun.

1 Samwil 3:2

Pagka sa usa ka yabi, maturugan si Ili sa kay sulud-sulud. Balaw yi gid siya masyadu maghiling.