Manugtudlu 12:13 - Hanunuu

¹³ Taynguna nabasa nimu inda tanan, inda kang uryan patigayun: Paggalang kawu sa Diyus ag sunda kay manga sugu, dahil imaw inda ti katungkulan kada tawu.

Manugtudlu 12:13 Iomraidhean Croise

Gimpuunan 22:12

Magkun ti anghil, “Danga duy pagmatya kanmu anak! Taynguna, napatutuuhanan yi niku may dala kawu sa Diyus dahil balaw nimu inirangan kanmu bugtung pag anak.”

1 Hari 2:3

ag tupada ti manga pag-isugu Panginuun kanmu Diyus. Pagsunud kawu sa kay manga paanyu, ag tupada kay manga surundanun hanggan manga sugu nakasurat sa Kasuguan ni Muysis, hampay manalu kawu sa tanan nimu buwatun, una naan tabug kawu.

Hub 28:28

Bag-u magkun siya sa manga tawu, ‘May kadunungan kamu ag pag-intindi nu maggalang kamu sa Panginuun ag mag-aman sa kadautan.’ ”

Kanta 111:10

Nu ti usa ka tawu magkaibug sa kadunungan, kailangan maggalang siya sa Panginuun. Ti tanan magsunud sa kay manga sugu may kang-ud pag pan-intindi. Pagdayawun siya sa unman may katapusan.

Kanta 145:19

Pag-iayaw nimu ti pagkaibgan manga maggalang sa kanmu; pagpatingihan nimu kanda magdangup, ag pag-iribri nimu sida.

Kanta 147:11

kay kabayaan sa manga maggalang di sa kanya ag magsarig sa kay pagmahal.

Kabagawan 1:7

Nu ti usa ka tawu magkaibug dumunung kailangan paggalang siya sa Panginuun. Ti tawu kurang kay intindi unman magkaibug kadunungan ag balaw niya gustu tumadlung kay ugali.

Kabagawan 19:23

Ti maggalang sa Panginuun makapakaun malawig pag buhi ag kasulungan hanggan karibrihan sa kadautan.

Kabagawan 23:17

Danga kawu maghirak sa manga makasalanan bagkus ngap paggalang kawu sa Panginuun.

Manugtudlu 2:3

Sinubukan niku magpakasulung sa panab-anan pag-inum intus. Sinubukan niku mamwat kalukuhan dapat kang kadunungan magpigil di sa kang isip. Nag-isip aku barang imaw inda ti pinakamayad buwatun manga tawu sa kay dag-ud pag buhi sitay sa kalibutan.

Manugtudlu 3:14

Naalaman niku ti tanan manga pagbuwatun Diyus pumarargu tugka aban, ag balaw inda mauman. Pagbuwatun inda Diyus hampay gumalang ti tawu sa kanya.

Manugtudlu 5:7

Ti masyadu pag panagin-up hanggan baragawun unman may pulus. Bagkus ngap, pagkadala kawu sa Diyus.

Manugtudlu 6:12

Unman may nakaalam nu hintay gid ti mayad para sa tawu sa kay dag-ud ag unman may pulus pag buhi — maglawuy lang inda parihu sa aninu. Unman may makatultul sa kanya nu hintay ti mangyari sa kalibutan nu nighit yi siya siyun ginan.

Manugtudlu 7:18

Danga kawu magpasyadu sa tunda pag manga bagay; kailangan sa karaw-an lang kawu, dahil ti maggalang sa Diyus unman magpasubra sa una hintay pag bagay.

Manugtudlu 8:12

Una makabwat mayamu pag kasalanan ti tawu, mahimu mabuhi diman siya dugay. Dapat alam niku mayad ti patabgan tawu maggalang sa Diyus,

Manugtudlu 8:5

Una si unu ti magsunud sa kay sugu balaw maunu. Ti madunung pag tawu alam nu kapira ag nu kabitay niya buwatun ti usa ka bagay.

Mikas 6:8

Sinmagut si Mikas: “Tinudluan yi kita Panginuun nu hintay ti mayad. Inda ti gustu niya buwatun nita: Buwatun nita ti matadlung, palabihun nita ti maawaun sa iba ag pagmapinakumbabaun kita sa pagsunud sa kanta Diyus.”

Lukas 1:50

Kay pagkaawaan ti manga maggalang sa kanya, hanggan waya may sinulput.

Diyuturunumiyu 10:12

“Bag-u taynguna, nasakupan Israil, ti paghilingun lang sa kanyu Panginuun niyu Diyus paggalang kamu sa kanya, pagpangabuhi angay sa kay manga kagustuhan, mahala siya, pagsirbi sa kanya sa buu niyu tagipusuun hanggan karadwa,

Diyuturunumiyu 10:20

Galanga niyu ti Panginuun niyu Diyus ag siya lang gid kanyu sirbihan. Pagsa kanya di gid kamu ag pagsumpa kamu sa kay lang ngaran.

Diyuturunumiyu 4:10

Alalahanun niyu ti sirang tinmindug kamu sa atubangan Panginuun niyu Diyus ati sa Bantud Sinai, nu naan magkun siya sa kangku, ‘Tipunun nimu sa kang atubangan ti manga nasakupan para mamatingi sa kang manga pagsabihun hampay maanad sida maggalang sa kangku hanggan buhi waya sida, ag maitudlu nida inda sa kanda manga anak.’

Diyuturunumiyu 4:2

Danga niyu pagdugangi ngatay pabawasi ti pag-ipakaun niku pag manga sugu sa kanyu ginan sa Panginuun niyu Diyus. Kailangan niyu inda tupadun.

Diyuturunumiyu 6:2

hampay kamu hanggan kanyu manga anak ag manga kaumputan maggalang sa Panginuun niyu Diyus tugka buhi waya kamu. Nu sundun niyu ti tanan niya manga sugu hanggan surundanun ti ipinakaun niku sa kanyu, mabuhi gid kamu dugay.

1 Pidru 2:17

Galangun niyu ti tanan manga tawu, ag mahalun niyu ti manga patar-ari sa kan Kiristu. Pag-ugali kamu maggalang sa Diyus. Galangun diman niyu ti Pangulu Hari.

Ipinakakit 19:5

Bag-u may nagbagaw ginan sa tukawan hari magkun, “Pagdayaw kamu sa kanta Diyus, kamu tanan pag manga suruguun niya, may kangaranan kag sa unman, kamu pag manga maggalang sa kanya.”

1 Samwil 12:24

Pagmaginalangun yi gid kamu sa Panginuun, ag pagsirbi sa kanya may katapatan sa buu niyu tagipusuun. Isip-isipa gid niyu nu kabitay kay kadaka kay binwat sa kanyu.