Manugtudlu 12:11 - Hanunuu

¹¹ Ti manga pamagaw madunung pag tawu parihu sa maybahad pag sugkud pag gamitun sa paggiya sa manga manada, ag parihu diman inda sa paku magdulut mayad. Ipinakaun inda Diyus, imaw kanta manug-alaga.

Manugtudlu 12:11 Iomraidhean Croise

Gimpuunan 49:24

dapat pirmi diman nimu sida panaun. Ag kanmu takyay parargu di gid mabaskug, dahil sa awat Diyus Makamaskihan, ti manug-alaga ag darangpan pag batu Israil.

Isra 9:8

“Ag taynguna, sa dag-ud pag panahun, kinaawaan nimu kami, Panginuun kanmi Diyus. Pinahintulutan nimu may masawad sa kanmi, ag ipinauli nimu kami may kasiguraduhan sa inda pag rugar kanmu pinili. Pinakan-an nimu kami pag-asa ag pinagaan nimu kanmi kahamtangan sa kanmi pagkapanawuhun.

Kanta 23:1

Panginuun, kawu kang manug-alaga, nakan balaw aku pagkurangun.

Kanta 80:1

Patingihi kami, Manugbantay Israil, ti manuggiya sa manga lahi ni Husi parihu sa manga karanidu. Kawu matukawan sa kanmu tukawan hari sa tungud manga kirubin, pakakitan kanmu kamaskihan

Kabagawan 1:6

hampay masalman nida ti kahulugan manga sarabihun, manga pahalimbawa, hanggan manga patigmahun manga madunung.

Kabagawan 10:21

Ti bagaw matadlung pag tawu mayamu ti makakinabang, dapat ti kurang kay intindi magkaramatay dahil unman may pan-intindi.

Kabagawan 22:17

Inda waya ti manga pagsabihun madunung pag tawu. Patingihi inda kaayad habang pag-itudlu niku inda sa kanmu,

Manugtudlu 10:12

Ti pagbagawun madunung pag tawu makapakaun sa kanya kaayadan, dapat ti manga pagbagawun unman may intindi pag tawu makapadamhak sa kanya.

Manugtudlu 7:5

Mas mayad waya mamatingi kawu sa sungyaw madunung pag tawu kaysa mamatingi kawu sa pagdayaw unman may intindi pag tawu.

Isayas 22:23

Pabisugun niku siya sa kay katungkulan ga mapag-un pag sad-angan sa lingub, ag mamakaun siya kagalangan sa kay magtal-anakan.

Isayas 40:11

Alagaan niya kay manga nasakupan ga pastur mag-alaga sa kay manga karanidu. Pagsalilihun niya ti dariit pag karanidu madahan niya pag giyahan ti manga inaan karanidu.

Hirimyas 23:29

Unman aw makamaskihan kang manga bagaw? Parihu inda sa apuy makairub aw ngatay ga martilyu makarunut batu.

Isikil 34:23

Pakan-an niku sida usa ka manugbantay kay linahi ni Dabid, kang suruguun. Siya ti mangalaga ag manbantay sa kanda.

Matiyu 3:7

Pagka nakitan ni Huwan aduk pag manga Parisiyu hanggan Sadusiyu ti nagdulud diman sa kay magtulbaw, magkun siya sa kanda, “Kamu ga lahi manga ulay. Si unu ti magsabi sa kanyu kuntay makapalagiw kamu sa sintinsiya Diyus aban?

Huwan 10:14

Aku ngani ti mayad pag manug-alaga sa karanidu. Kilala di gid niku kang sadili manga karanidu, sida magkilala di gid waydi sa kangku,

Huwan 3:10

Sinmagut si Hisus magkun, “Kawu duy kabay manugtudlu sa Israil? Hayga unman magkasalman nimu inda pag manga katutuuhanan?

Binwat 2:37

Pagka nadnugan manga tawu kan Pidru paliwanag, naaburidu kanda naisipan. Namaingana sida sa kan Pidru hanggan sa iba manga apustul magkun, “Manga patar-ari, kabitay wadi duy kami inda?”

2 Kurintu 10:4

Kanmi armas balaw ginan sa kalibutan, bagkus ngap may kamaskihan ginan sa Diyus hampay makapawasak sa manga ga alad batu.

Hibriyu 13:20

Diyus ti gimpuunan kahusayan. Binuhi niya uman kanta Panginuun Hisus. Nakan si Hisus ti makamaskihan pag manug-alaga sa manga karanidu. Dahil sa kanya pag dugu pag itinalaghut ti unman may katapusan pag taratu.

Hibriyu 4:12

Dahil buhi gid ngani ti Bagaw Diyus ag mamaski, matarum man sa una hintay pag baladaw baliw-baliw may urup. Ti Bagaw Diyus magtuduk magpisang sa karadwa ag sa tagipusuun tawu, hanggan sa kal-asan ag sa utuk. Pag-ipakilala waydi Bagaw Diyus ti daut ti mayad sa kagustuhan hanggan pag-iisip tawu sa kay tagipusuun.

1 Pidru 5:4

Sa pagsitay aban Pangulu Manug-alaga, makatanggap kamu masnag pag sangbaw hari, unman magpusyaw una hanggan waya aban.