Manugtudlu 11:9 - Hanunuu

⁹ Kamu pag kalay-awan, pagbaya kamu habang anak waya. Buwata niyu kanyu pagkaibgan buwatun, dapat alalahana niyu parusahan kamu Diyus angay sa kanyu binwat.

Manugtudlu 11:9 Iomraidhean Croise

Gimpuunan 3:6

Pagka binantayan babayi ti puun kayu, marinu katna tunda bantayun ag mayad kan-un kay burak, dahil sa magkaibug siya dumunung, pinmuti yi ngani siya burak kayu ag kay kinaun. Kay diman waydi pinakan-an kay asawa, kinmaun diman waydi.

Gimpuunan 6:2

Nakitan manga anak Diyus ti manga mararinu pag manga anak babayi, nakan inasawa nida kanda pagkaibgan asawan-un.

1 Hari 18:12

Kabitay nangus nu sa pag-ighit niku daran-un kawu Ispiritu Panginuun sa rugar balaw niku alam? Nu rumas-ug si Akab sitay unman lagan kawu, matyun niya aku. Ilyas, daan di ginan sa anak waya aku magsirbi yi aku sa Panginuun.

1 Hari 18:27

Pagka karaw-an yi sirang, pagsurugun yi sida ni Ilyas. Magkun siya, “Sigi kusgi waya niyu ti pagringgit, kabay diyus diman siya! Barang mag-isip lang siya ngatay magpahari, aw ngatay may inatagan, ngatay naturugan lang ag kailangan pulawun.”

1 Hari 22:15

Pagras-ug ni Mikaya sa kan Hari Akab, nagpaingana ti hari sa kanya, “Mikaya, girahun aw nimi ti Ramut Gilyad ngatay unman?” Sinmagut si Mikaya, “Giraha niyu ag manalu kamu, dahil ipatalu inda Panginuun sa kanyu.”

Hub 31:7

Nu unman aku magsunud sa hustu pag dalan ag pagsundun niku ti alangan isip mag-akitan niku manga mata, ag inuringan niku kang sadili,

Kanta 81:12

Nakan pinabay-anan niku kamu sa kanyu kaganitan ulu, ag binwat niyu kanyu pagkaibgan.

Manugtudlu 12:1

Alalahana kanmu Manuglalang habang anak waya kawu, sa unman waya magras-ug ti udas kakurian ag sumabi kawu, “Unman aku magbaya sa kang buhi.”

Manugtudlu 12:14

Dahil sintinsiyahan Diyus ti tanan nita pagbuwatun, mayad aw ngatay daut, hanggan ti manga pagbuwatun nita sa lihim.

Manugtudlu 2:10

Bin-ul niku ti una hintay kang pagkaibgan. Binwat niku ti una hintay ti makapasulung sa kangku. Masulung gid aku sa tanan niku manga binuwat, ag imaw inda kay suhul sa tanan niku binudlayan.

Manugtudlu 3:12

Naalaman niku ti pinakamayad buwatun tawu habang buhi waya siya imaw ti pagbaya, pagbuwat mayad,

Manugtudlu 3:17

Magkumun aku sa kang sadili, “Sintinsiyahan Diyus ti matadlung ag ti daut pag manga tawu, dahil may itinagka siya udas sa kada buruwatun.

Manugtudlu 6:9

Unman inda may pulus; ga parihu lang sa maglagas kawu durus. Nakan mas mayad waya pagbaya yi lang kawu nu hintay ti asan sa kanmu kaysa magpakahangad kawu manga bagay unman sa kanmu.

Manugtudlu 7:14

Nu mayad kanmu kahamtangan, pagbaya kawu. Dapat nu asan kawu sa kakurian, alalahana ti Diyus balaw lang magpakaun mayad pag kahamtangan nu unman kakurian diman. Nakan unman nita maalaman nu hintay ti mangyari sa aratubangun.

Hirimyas 23:17

Inda ti pirmi nida pagsabihun sa manga tawu dayu magpatingi sa kang manga bagaw ag magsunud sa maganit nida tagipusuun: ‘Bumaliw mayad kanyu kahamtangan. Unman may daut mangyari sa kanyu.’

Hirimyas 7:24

“Pat-ay unman sinunud nida ngatay pinansin kang manga pagkumnun sa kanda. Bagkus ngap, sinunud nida ti gustu maraganit ag daut nida tagipusuun. Bagkus ngap, lalu waya sida nagpakarayu sa kangku.

Karukuan 3:27

Mayad para sa usa ka tawu una anak waya madunung yi magsunud.

Bilang 15:30

“Dapat una si unu ti nagkasala tinikis, tinubu Israilita man ngatay day-uhan, maglapastangan sa kangku, danga yi pagkilalan-a nasakupan niyu,

Bilang 15:39

Inda pag manga paraway-raway imaw ti pumaala-ala sa kanyu sa tanan niku manga sugu hampay tupadun niyu inda ag balaw kanyu lang pag kagustuhan ti pagbuwatun niyu.

Bilang 22:32

Namaingana sa kanya ti anghil Panginuun, “Hayga binakul nimu kanmu asnu katlu ginan? Aku inda ti mag-ampara sa kanmu dahil kanmu ugali balaw mayad sa kang magbantay.

Matiyu 5:28

Dapat pagsabihun niku sa kanyu, ti kada magsinuk sa usa ka babayi may tapil yi ibug, nagkasala yi ngap siya nag-uragin yi sa kay tagipusuun.

Lukas 12:19

Bag-u sumabi sa kang sadili bilug, mayamu yi kang kasiyunan kinarinu sa kang butangan, kang-ud sa mayamu pag timpu. Magpahari aku kang bilug, kumaun, uminum, magbaya waya aku.’

Binwat 14:16

Kaybi waya ginan pinasibut-an Diyus ti tanan nasyun tawu sa kanda lang sadili kagustuhan.

Binwat 24:25

Dapat ay pagka nagbagaw si Pablu tungkul sa mag-ugali sa mayad, tungkul sa magpigil sa sadili ag tungkul sa kaudasan kay magsintinsiya Diyus aban sa kalibutan, nadala si Pilik. Magkun siya sa kan Pablu, “Pag-atag dap maan kawu sa pirisuhan. Nu may rugar maan aku ipab-ul maan duy niku kawu.”

Ruma 14:10

Kawu duy hayga pag-unuunuhun ngatay pagpihuun nimu ti daut ti mayad sa kanmu patar-ari? Kita tanan umatubang sa Diyus bag-u pihuun niya ti daut ti mayad sa kanta.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

2 Kurintu 5:10

Dahil ngani ti kada usa sa kanta umatubang sa kan Kiristu hampay kay suyasidun kita bag-u kay pakan-an kita pirimyu angay sa kanta binwat, ngatay mayad ngatay daut kanta waya sa babaw daga.

Diyuturunumiyu 29:19

Una si unu ti nakadnug sa inda pag manga pasandam saad danga mag-isip kuntay balaw siya maunu nu pumarargu siya sa kay gustu. Ti tutuu, magdara inda kadamhakan sa kanyu tanan.

Hibriyu 9:27

Ti kada tawu kas-a lang gid mamatay, bag-u sintinsiyahan yi siya Diyus.

Huswi 7:21

Sa manga bagay naagaw nita, may nakitan aku usa ka marinu pag rutay ginan sa Babilunya, pilak manga duwa ka kilu may tunga, ag usa ka barita gintu manga tunga kilu. Naibug gid aku sa inda pag manga bagay, nakan bin-ul niku. Ilinbung niku inda sa daga sa sulud niku turda. Ti pilak ati gid sa sirung.”

2 Pidru 3:7

Sa kay kapangyarihan diman niya bagaw iningatan inda pag langit hanggan daga hampay sunugun aban sa apuy pagka udas yi sintinsiyahan sa kadamhakan ti manga makasalanan pag tawu.