Manugtudlu 11:8 - Hanunuu

⁸ Nu malawig kanmu buhi, pagbaya kawu. Alalahana nimu, rumas-ug ti malawig pag udas kamatayan. Inda tanan ti magpangyari unman may kabuluhan.

Manugtudlu 11:8 Iomraidhean Croise

Hub 10:21

habang unman waya aku mag-atag sa ulian mapanglaw ag madulum, nu naan balaw yi aku makabalik sitay.

Hub 10:22

Madulum gid ati; pasay lang yabi ag unman gid may rayaw, ag unman ati may kahusayan.’ ”

Hub 14:10

Dapat nu ti tawu mamatay, madura yi ti tanan niya kusug. Pagka-ugtas niya arup imaw yi inda kay katugkaan.

Hub 14:12

ti tawu katunda diman magkamatay, unman siya bumangun ngatay mipulaw sa kay maturugan tugka sa madura ti kalangitan.

Hub 15:23

Magtalang-talang siya sa kay maghanap karan-unun una naan. Alam niya arani rumas-ug ti kadamhakan.

Hub 18:18

Paighitun siya ginan sa kalibutan marayaw atabug sa madlum sa ulian manga namatay.

Kanta 49:20

Ti mayaman pag tawu balaw makaintindi sa katutuuhanan mamatay parihu sa manga hayup.

Manugtudlu 11:2

Ayaw-ayawa kanmu kuwarta sa nanuhay-tuhay pag nigusyu, dahil unman nimu alam nu hintay pag kakurian ti rumas-ug sa kalibutan.

Manugtudlu 2:15

Nakan magkumun aku sa kang sadili, “Nu hintay ti mangyari sa unman may intindi imaw diman ti mangyari sa kangku. Nakan unu ti mab-ul niku pag kaayadan sa kang pagkamadunung? Unman diman inda may pulus!

Manugtudlu 2:17

Nakan pagkadat-an niku ti buhi, dahil ti manga buruwatun sitay sa kalibutan magdara lang sa kangku kakurian. Inda tanan unman may pulus; ga parihu lang sa maglagas aku durus.

Manugtudlu 2:19

Ag si unu ti nakaalam nu madunung inda pag tawu ngatay unman may intindi? Dapat una unu waya siya, siya diman ti mangapu sa tanan niku binudlayan sa buu niku kabisugan ag kadunungan. Unman diman inda may pulus!

Manugtudlu 2:26

Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Manugtudlu 4:16

ag unman mabilang kay manga tawu dumarahan, mahimu balaw makabaya sa kanya ti uryan pag manga sinulput. Inda unman diman may pulus; ga parihu lang sa maglagas kawu durus.

Manugtudlu 4:8

May usa ka tawu usa-usa magpangabuhi. Unman siya may anak ngatay patar-ari, dapat unman may apas kay magpangabudlay, ag unman siya magbaya sa kay kayamanan. Magbagaw siya sa kay sadili, “Udyi aku makabaya dahil sa masyadu pagpangabudlay. Dapat unman diman aku may matayakan kang pinamudlayan.” Unman inda may pulus! Maruku inda pag kalasi magpangabuhi!

Manugtudlu 6:11

Nu pirmi kita magriklamu, magdugang waya gid kanta baragawun unman may pulus, ag unman inda makapakaun kaayadan sa kanta.

Manugtudlu 6:6

unman may kabayaan sa marinu pag bagay kay natanggap, una waya mabuhi ati pag tawu sa pira ka libu timpu. Unman aw lugud ti tanan parihu lang kay patabgan pag rugar?

Manugtudlu 7:14

Nu mayad kanmu kahamtangan, pagbaya kawu. Dapat nu asan kawu sa kakurian, alalahana ti Diyus balaw lang magpakaun mayad pag kahamtangan nu unman kakurian diman. Nakan unman nita maalaman nu hintay ti mangyari sa aratubangun.

Manugtudlu 8:12

Una makabwat mayamu pag kasalanan ti tawu, mahimu mabuhi diman siya dugay. Dapat alam niku mayad ti patabgan tawu maggalang sa Diyus,

Manugtudlu 8:15

Nakan para sa kangku, mas mayad waya sa tawu ti pagbaya siya sa kay buhi. Unman may iba mayad sa kanya sitay sa kalibutan nu unman ti mangaun, manginum ag manbaya habang magtarabahu siya sa buu buhi ipinakaun Diyus sa kanya sitay sa kalibutan.

Manugtudlu 9:7

Sigi, pagkaun kawu ag pag-inum intus pag may kabayaan, dahil ipinahintulut yi Diyus kaybi di waya inda kanmu buwatun.

Hirimyas 13:16

Dayawa niyu ti Panginuun niyu Diyus habang udwaya niya pag-ipadara ti kadudulman, ag habang udwaya kamu mag-italakpa sa madlum pag manga bantud. Ti rayaw pagsarigan niyu buwatun niya pingit pag kadudulman.

Huwil 2:2

Marurum ag madulum sa ati aban pag sirang. Ti kagadhan ag makapangyarihan pag manga apan rumas-ug ag mamululagan sa kabantudan parihu sa singgit init nu magbutlak sa surip. Udwaya may nangyari ga kainda ginan kaybi, ag balaw yi may mangyari ga kainda tugka aban.

Matiyu 22:13

Bag-u sinabi hari sa manga suruguun magkun, ‘Gapusa niyu kay manga lulud hanggan kamang bag-u iyamut niyu siya tag sa madlum sa luwas. Ati sida magnguruynguyan ag mangubut kanda manga ngipun.’ ”

Huwan 12:35

Sinmagut si Hisus magkun, “Udyi madugay aban sa kanyu ti sulu. Paglakaw yi kamu hanggan sa kanyu waya ti sulu hampay balaw kamu matakdan dulum. Dahil nu ti tawu maglakaw sa madlum, unman niya alam kay patabgan.

Diyuturunumiyu 32:29

Nu madunung lang sida, masalman mana nida kanda patabgan.

Hudas 1:18

Kaybi di waya sinabi yi nida sa kanyu magkun, “Nu sa uryan uryan aban pag panahun lumutaw ti manga palalibak, manga panawuhun ngani nida sadili daut pag kagustuhan, manga unman magkadala sa Diyus.”