Manugtudlu 11:2 - Hanunuu

² Ayaw-ayawa kanmu kuwarta sa nanuhay-tuhay pag nigusyu, dahil unman nimu alam nu hintay pag kakurian ti rumas-ug sa kalibutan.

Manugtudlu 11:2 Iomraidhean Croise

Nihimyas 8:10

Magkun waya gid si Nihimyas, “Pagdaus kamu, ag pagkaun masasarap pag manga karan-unun ag pag-inum masasarap pag manga irinmun. Pakan-i niyu ti manga unman may karan-unun, dahil inda pag sirang banal sa Panginuun. Ag danga kamu magkaarimputu, dahil ti kabayaan pag-ipakaun Panginuun makaparig-un sa kanyu.”

Istir 9:19

Inda ginan kay umpisa nakan ti manga Hudiyu sa manga purubinsiya magdaus pista sa ika-14 pag sirang sa bulan Adar. Sa tunda pag sirang, mag-arayawan sida manga pamakaun.

Istir 9:22

Inda hampay alalahanun ti sirang nida karibrihan sa kanda manga kalaban, ti karukuan nida nabalyuhan kasulungan ag ti lulumian nabalyuhan kabayaan. Nakan sinabi sa kanda ni Murdukyu sa surat kailangan pagdaus sida pista, pagbaya sa tunda pag sirang, ag pag-arayawan manga pamakaun sa kada usa lalu sa manga makuri kay kahamtangan.

Hub 5:19

Pirmi di niya kawu iribri sa manga sarut ag mahawag.

Kanta 112:9

Mag-ayaw siya sa manga pugri; kay matadlung pag buruwatun alalahanun tugka aban ag kay kabisugan dugangan Diyus bilang paggalang sa kanya.

Kabagawan 19:17

Nu mag-awat kawu sa pugri, parihu lang sa nagpaudam kawu sa Panginuun, dahil Panginuun ti bumayad sa kanmu.

Kabagawan 6:16

May unum ngatay pitu ka kalasi buruwatun tawu ti pagkagalitan ag pagkadat-an Panginuun:

Manugtudlu 11:3

Nu madamul ti rurum, magkauran yi. Nu naan pag magpu ti kayu, ati lang pag pumirmaminti tida.

Manugtudlu 11:8

Nu malawig kanmu buhi, pagbaya kawu. Alalahana nimu, rumas-ug ti malawig pag udas kamatayan. Inda tanan ti magpangyari unman may kabuluhan.

Manugtudlu 12:1

Alalahana kanmu Manuglalang habang anak waya kawu, sa unman waya magras-ug ti udas kakurian ag sumabi kawu, “Unman aku magbaya sa kang buhi.”

Danyil 4:27

Nakan Mahal Hari, mana tanggapun nimu inda kang paanyu sa kanmu: Pagpakarayu kawu sa kasalanan ag pagbuwat mayad, ag pagmaawaun kawu sa manga pugri. Nu buwatun nimu inda barang pumirmaminti kawu abunda.”

Mikas 5:5

Pakan-an niya mayad pag kahamtangan kay manga nasakupan. Nu girahun manga taga Asirya kanta nasyun ag suldun ti mapag-un pag bahagi nita banwa, labanan nita sida sa pangunguna nita manga anad pag takinan.

Matiyu 18:22

Nagsagut si Hisus magkun, “Balaw kang pagkumnun tugka lang sa pitu, nu unman pitumpulu ka pitu ngap ka pagpatawad.

Matiyu 5:42

Nu may manhagad sa kanmu, pagpakan-i nimu. Nu may mag-udam sa kanmu, danga pag-irangi.”

Lukas 17:4

Nu magbuwat siya kasalanan sa kanmu pitu ka pag-ulit sa sulud usa ka sirang bag-u magpakarani siya sa kanmu pitu ka pagbalik magkun, ‘Nag-ampu aku sa kang binwat kasalanan,’ kailangan gid duy patawadun nimu siya.”

Galasya 6:1

Manga patar-ari, nu may naabutan kamu tawu magbuwat kasalanan, kailangan sa kanyu tunda ti manga tuludluan Ispiritu ti pagtadlung sa kanya, dapat pagmaalumanay kamu ti kada usa. Pagpasunaid sa kanyu sadili bilug barang kamu matuksu waydi.

Ipisu 5:16

Daut yi ngani nakan ti ugali taga kalibutan kainda. Nakan danga pagpalawyan niyu nu may rugar waya makabuwat mayad.

Hibriyu 13:3

Pagpadamay kamu sa manga napirisu ga kamu diman napirisu kaibahan nida. Pagpasunaid kamu sa kanyu sadili bilug tungkul sa manga pag-unuunuhun.

1 Samwil 25:8

Paingan-a nimu sida ag sabihun nida kay tutuu. Taynguna, magpakihampang aku pakakitan nimu kaayadan kang manga tawuhan, dahil pista taynguna. Pag ga kanmu anak aku ag kang manga panawuhun pag ga kanmu diman panawuhun; pakan-an sa kanmi una hintay kanmu gustu ipakaun sa kanmi.”