Manugtudlu 10:10 - Hanunuu

¹⁰ Nu mapuru kanmu wasay ag unman nimu inda pag-asaun, mamurus kawu sa kusug sa paggamit tunda. Palabi gid nu madunung kawu, dahil sa panab-anan inda manalu kawu.

Manugtudlu 10:10 Iomraidhean Croise

1 Hari 3:9

Nakan pakan-i aku kadunungan hampay mapanguluhan kanmu manga nasakupan, ag kaalaman nu hintay ti mayad ag ti daut. Dahil si unu lugud ti kumaya mamahala sa kanmu nasakupan subra mayamu?”

1 Krunika 12:32

Ginan sa lahi ni Isakar: 200 ka takinan kaibahan kanda manga katawuhan pagpangunahan. Inda sida alam nu unu ti dapat tupadun sa Israil ag nu kapira nida inda tupadun.

Manugtudlu 10:11

Unman may pulus ti kakayahan nimu sa pagpahugup ulay nu kagtun diman niya kawu.

Manugtudlu 10:15

Ti unman may intindi magkagasa magtarabahu, nakan mag-isip siya dayi lang mangatag sa banwa agud manarabahu.

Manugtudlu 10:9

Nu mamuil kawu batu, barang kawu ti madugsakan tunda. Nu manaris-ak kayu kawu, barang mabiyagan kawu.

Manugtudlu 2:13

Ag nakitan niku mayad ti kadunungan kaysa kalukuhan, katunda diman ti karayawan mayad waya kaysa kadudulman.

Manugtudlu 9:18

Ti kadunungan mas mayad waya kaysa manga armas sa girahan. Dapat ti usa ka makasalanan makadaut mayamu kaayadan.

Matiyu 10:16

Magkun si Hisus, “Pagsuguun niku kamu taynguna parihu ga manga karanidu tabug sa karaw-an manga simarun idu. Pagmadunung kamu parihu ga manga amu, pagmabuut kamu parihu sa kalampati.

Ruma 16:19

Nilantag yi ti barita tungkul sa kanyu magsunud sa kan Kiristu, nakan magbaya gid aku sa kanyu. Dapat kang gustu pagmadunung kamu tungkul sa mayad, danga pagbatia ti daut.

1 Kurintu 14:20

Manga patar-ari, danga yi ga anak kanyu naisipan. Nu tungkul sa kadautan bay, pagga anak lapsag kamu. Dapat pagginurangun yi kanyu naisipan.

Diyuturunumiyu 32:41

asaun niku kang magkislap pag baladaw ag gamitun niku inda sa pagparusa. Balusan niku kang manga kalaban ag pabayadun ti manga magdumut sa kangku.

Kulusas 4:5

Pagmadunung kamu sa kanyu pakiusa sa manga unman may sarig sa kan Kiristu. Danga ipalawuy niyu nu may rugar tumultul sa kanda.

Santiyagu 1:5

Dapat una si unu sa kanyu nu kurang sa kadunungan, paghagad siya sa Diyus, bag-u siya pakan-an. Dahil ti Diyus abunda kay pamakaun sa tanan tawu, balaw siya mag-irang.